Ibrani 13:21 - Porjanjian Boharu Torjomahan Baso Dilakng Soari-ari

²¹ Aku bodoa oca' Allah moonju' ko kaitn somuo hal boi' inyo dipontikan kaitn pakai' molabuhan kohonda'-Nyo. Aku bodoa oca' Allah molalu'i Yesus Kristus, mongorojoan dalapm hati kito somuo hal inyo dikohonda'i-Nyo. Mara kito momuji Sio pakai' somanah-manahnyo. Amin!

Ibrani 13:21 ပူးပေါင်းရင်းမြစ်များ

Matius 12:50

Somuo urakng inyo molabuhan kohonda' Allah Bopai-Ku di sorugo ia'an indaiku huatan boko somadikan-Ku.”

Matius 21:31

Nah, doi' antaro duo ana'nyo nantai, inyo mono molabuhan kohonda' bopainyo?” Timbas sia', “Inyo potamo.” Kato Yesus ko sia', “Dinga'anbo! Yohanes Pombaptis datakng pakai' monunju'an ko kaitn caro hidup bondar di hadapan Allah. Apo kaitn co pocayo agatn io. Apo boko urakng inyo bodosa sama'an boko ponagih pajak huatan boko botina' lahukng, sia' pocayo ko Yohanes. Biar pan kaitn moniant nantai, apo lopas nian kaitn co monyosal. Kaitn totap co pocayo ko io. Obai nantaiam, boko ponagih pajak huatan boko botina' lahukng paca'an lobih doholu monjadi anggota koluarga Koraja'an Allah daripado kaitn.”

Matius 28:20

Ajaricam sia' pakai' monaati somuo inyo udah Ku porintahan ko kaitn. Ingantcam: Aku paca'an hala monyoroto'i kaitn sampai ahir joman.”

Matius 6:13

Jangan mombaba' koi ko dalapm poncoba'an apo lopasan koi doi' kuaso jahat. Obai Duatn inyo umputn koraja'an, kuaso agatn komulia'an sampai somanah-manahnyo. Amin’.

Matius 7:21

Kinyo somuo urakng inyo moningkau Aku, ‘Tuhatn, Tuhatn,’ paca'an mansu' ko dalapm Koraja'an Sorugo. Apo bayo boko urakng inyo molabuhan kohonda' Bopai-Ku di sorugo inyo mansu' ko dalapm Koraja'an Sorugo.

Yohanes 17:23

Ia'an, Aku bosatu agatn sia' huatan Duatn bosatu agatn Aku. Nantai oca' sia' monyatu agatn sompurna. Agatn caro ubo nian, lalu boko urakng di dunia monjadi tohu obai Duatn nam inyo udah moutus Aku. Boko urakng di dunia pan monjadi tohu obai Duatn mongasihi boko urakng inyo pocayo agatn Aku, samo agatn Duatn mongasihi Aku.

Yohanes 7:17

Somuo urakng inyo honda' molabuhan kohonda' Allah, sia' paca'an tohu aman ajaran-Ku ni'in bondar-bondar doi' Allah, kata'an bayo doi' diri-Ku siku'.

Roma 11:36

Obai, boko la'apo pan dipulah Allah. Somuonyo boasal doi' Allah ongko pakai' Allah. Topujicam Sio somanah-manahnyo! Amin.

Roma 16:27

Sionam Allah. Sio pintar-corodi' dalapm somuo la'apo pan. Topujicam Sio molalu'i Yesus Kristus pakai' somanah-manahnyo. Amin!]

2 Korintus 9:8

Ingantcam obai Allah sanggup moonji'i banya' borokat ko kaitn, oca' kaitn hala ado la'apo pan inyo kaitn pontikan. Agatn ubo nantai, kaitn ulih molabuhan banya' porbuatan boi'.

Galatia 1:5

Huncapm kito momuji Allah somanah-manahnyo. Amin!

Efesus 2:10

Obai kito ni'in pulahan Allah huatan molalu'i Kristus, Allah mombulah kito oca' kito molabuhan boko hal inyo boi', ia'an boko pokoroja'an inyo udah Sio siap'an sobolupmnyo pakai' kito.

Efesus 2:18

Kito doi' koduo pihak nantai ulih datakng ko Allah Bopai agatn caro inyo samo, ia'an molalu'i Kristus. Somuo kito dionji'i Roh Allah inyo samo inyo mombulah nantai tojadi.

Filipi 1:11

Hidup kaitn tajahan molimpah agatn porbuatan inyo bondar-bondar boi' inyo ongkah ulih dihasilan Yesus Kristus. Jadi Allah tajahan dipuji ongko dimuliaan.

Filipi 2:11

Somuonyo tajahan moaku'i obai Yesus Kristus ia'an Tuhatn di pucu' la'apo pan. Agatn ubo nantai, Allah Bopai tajahan dipuji.

Filipi 2:13

Obai, Allah siku' bokorojo di dalapm kaitn. Sio moonju' ko kaitn kohonda' ongko komampuan pakai' monyonangan Sio.

Filipi 4:13

aku mampu mohadapi somuo koadaan obai Kristus moonji'i kokuatan ko aku.

Filipi 4:18

Ni'in, aku udah ado somuo inyo ku pontikan, malahan lobih doi' nantai, obai aku udah monorima' doi' Epafroditus somuo inyo kaitn kiripan. Allah sonang agatn poonju' kaitn nantai inyo samo sama'an posombahan inyo bou harupm damo kurbatn bonatakng inyo Sio torima' agatn sonang hati.

Kolose 3:17

Nanam, somuo inyo kaitn labuhan, somuo inyo kaitn pandiran, kaitn gola' molabuhan somuonyo nantai agatn kuaso Yesus, Tuhatn kito. Labuhancam somuonyo kapikng bosukur ko Allah Bopai kito molalu'i Yesus sobagai porontaro.

Kolose 3:20

Ko boko bobia' aku bopandir: kaitn gola' monaati urakng tuho kaitn dalapm somuo hal. Obai, nantaiam inyo monyonangan hati Tuhatn.

Kolose 4:12

Salapm doi' Epafras, inyo boasal doi' tompat kaitn jam. Io molayati Kristus Yesus. Io hala bodoa agatn somombondarannyo pakai' kaitn oca' kaitn totap kuat pocayo ko Yesus. Io bodoa oca' kaitn monjadi kotakng yakitn mongona'i somuo inyo dikohonda'i Allah.

1 Tesalonika 3:13

Koi bodoa oca' ni'inan Tuhatn monguat'an hati kaitn. Jadi, pas Yesus, Tuhatn kito agatn boko urakng suci umputn Sio, nononyo datakng, Allah Bopai kito moanggap kaitn kinyo bosalah huatan suci.

1 Tesalonika 4:3

Ninam kohonda' Allah oca' hidup kito mongkitn suci. Rotinyo, co ulih molaki-mbini bolupm dipojadi.

1 Tesalonika 5:23

Ni'inan koi bodoa ko Allah inyo moonji'i kito sonang-asau huatan bulah kaitn mongkitn lobih suci dalapm somuo hal. Koi bodoa mudahan kinyo ado boko hal inyo jahat dalapm soluruh roh kolai, jiwa kolai huatan bukakng-tubuh kolai, timpu Yesus, Tuhatn kito nononyo datakng agi' ko dunia ni'in.

2 Tesalonika 2:17

monguat'an hati kaitn oca' kaitn hala molabuhan huatan momandiran boko hal inyo boi'.

1 Timotius 1:17

Marabo kito mohormati ongko momuji kobosaran Allah sampai somanah-manahnyo! Sio nanam Rajo inyo momorintah somanah-manahnyo, Allah inyo kinyo ulih ditiat huatan kinyo paca'an kalo mati. Ongkah Sio nanam Allah! Amin.

1 Timotius 5:10

Botina' balu nantai gola' dikonal sobagai urakng inyo hala bulah koboi'an. Contohnyo: io mombosaran poana'annyo agatn caro boi', io gola' agatn coraca'an bosodia moonji'i koluntukan, io gola' rondah hati molayati boko urakng pocayo huatan mombasu'i kaki sia', io gala' monulukng urakng inyo moalapi kosusahan. Io gola' moutamoan boko porbuatan boi' sama'an nantai dalapm kohidupannyo.

1 Timotius 6:16

Ongkah Sioam inyo co paca'an mati agi'. Sio nontapm dalapm cohayo inyo torakng. Cohayo nantai kotakan torakng sampai urakng co ulih mohampiki-Nyo. Co nyiant monsio di dunia ni'in inyo kalo moniant Sio. Monsio di dunia co mampu moniant Sio. Sio bokuaso huatan cucu' dihormati pakai' somanah-manahnyo! Amin.

2 Timotius 3:17

Jadi, Buku Suci boguno pakai' bulah boko urakng inyo molayati Allah mampu molabuhan sotiap pokoroja'an inyo boi'.

2 Timotius 4:18

Tuhatn paca'an monyolamant'an aku doi' somuo usaha urakng jahat. Sio paca'an mombaba'ku agatn solamant ko dalapm Korajaan-Nyo di sorugo. Huncapm kito momuji Sio somanah-manahnyo. Amin!

Ibrani 10:36

Kaitn gola' sabar botahatn oca' kaitn ulih molabuhan kohonda' Allah. Agatn sama'an nantai, kaitn tajahan monorima' borokat inyo Sio janjian.

Ibrani 12:23

Kaitn tuyut bokumpul agatn boko urakng inyo kotakng sonang-nyaman, ia'an poana'an Allah. Somuo sia' ia'an boko ana' kojula'an, inyo boko damo sia' udah tocatat dalapm daptar urakng inyo ulih mansu' sorugo. Kaitn datakng mohadapi Allah inyo mohakipi somuo urakng. Kaitn datakng ko tompat roh-roh boko urakng inyo bondar inyo udah mati. Sia' udah dijadian sompurna di hadapan Allah.

Ibrani 12:28

Jadi, mara am kito bosukur ko Allah, obai kito monjadi warga Korajaan-Nyo inyo kinyo toguncakng. Mara am kito monyombah Allah agatn caro inyo monyonangan Sio, ia'an agatn hormat ongko gola' agatn Sio.

Ibrani 13:16

Jangan kolupatn bulah koboi'an ongko monulukng urakng bukai, obai boko hal nantai samo sama'an kurbatn posombahan jam inyo monyonangan hati Allah.

1 Petrus 2:5

Kaitn pan samo sama'an boko batu inyo hidup, ia'an boko batu inyo digunoan pakai' bulah Rumah Allah inyo Rohani. Sio momilih kaitn pakai' monjadi samo sama'an boko imam inyo husus pakai' molayati Sio. Jadi, kaitn gola' mombaba' boko poonju' pakai' monyombah Allah, ia'an boko posombahan rohani inyo monyonangan hati Allah obai Yesus Kristus.

1 Petrus 4:2

Kaitn molabuhan nantai oca' somanah kaitn ija' hidup di dunia ni'in, kaitn co monuruti kohonda' dunia, apo kaitn monuruti kohonda' Allah.

2 Petrus 3:18

Apo, kaitn gola' botumbuh somongkitn mongonal Yesus Kristus, Ponyolamant huatan Tuhatn inyo bokuaso dipucu' kito. Kironyo kaitn somongkitn sadar mongona'i koboi'an-Nyo. Topujicam Sio, watu ni'in sampai somanah-manahnyo. Amin!

1 Yohanes 2:17

Dunia ni'in huatan somuo inyo dikohonda'i monsio paca'an bonaso. Apo, urakng inyo monuruti kohonda' Allah totap hidup somanah-manahnyo.

1 Yohanes 3:22

Sio moonji'i kito lapo ja' inyo kito minto obai kito monoruti somuo porintah-Nyo, huatan obai kito molabuhan la'apo pan inyo monyonangan hati-Nyo.

Yudas 1:25

Allah monyolamant'an kito molalu'i porbuatan Yesus Kristus, Tuhatn inyo bokuaso di pucu' kito. Allahnam inyo mulia, bosar, kuat, huatan bokuaso sobolupm dunia dipulah, sampai watu ni'in huatan pakai' somanah-manahnyo. Amin!

Wahyu 4:6

Di pohadapan tahta nantai jam ado lou' sama'an lout kaco, putih torus sama'an kristal. Di sokolilikng tahta nantai, sotiap pinggirnyo, ado ompat mahluk. Sotiap mahluk nantai bomato banya', di pohadapan ongko bolikat.

Wahyu 5:13

Lopas nian, aku mondinga' somuo mahluk di sorugo, di bumi, di babah bumi, di lout huatan somuo inyo ado di dalapmnyo, bonyanyi, “Pakai' Sio inyo dudu' di pucu' tahta ongko bagi Ana' Domba, puji, hormat, komulia'an ongko kuaso sampai somanah-manahnyo!”

Wahyu 5:9

Sia' monyanyian nyanyian boharu pakai' momuji Ana' Domba nantai. Kato sia', “Duatn inyo cucu' monorima' gulukan buku nian lalu molopasan boko segelnyo. Obai, Duatn udah disombolih; Agatn darah Duatn siku', Duatn udah mombayar hukupan dosa boko urakng doi' sotiap suku, sotiap baso, sotiap banso, sotiap negara. Duatn molabuhan nantai pakai' bulah sia' monjadi umant umputn Allah.