Ibrani 13:2 - Porjanjian Boharu Torjomahan Baso Dilakng Soari-ari

² Jangan hohatian moonji'i koluntukan ko urakng bukai. Obai, boboropo urakng udah molabuhan nantai, ongko sobondarnyo sia' moonji'i koluntukan ko boko molekat biar pan sia' kinyo tohu nantai.

Ibrani 13:2 ပူးပေါင်းရင်းမြစ်များ

Matius 25:35

Kaitn ulih mansu' obai timpu Aku kolaparan, kaitn moonji'i Aku pomakatn. Timpu Aku korahakan, kaitn moonji'i Aku minum. Timpu Aku monomuai di doerah kaitn, kaitn monorima' Aku di dalapm rumah kaitn.

Matius 25:40

Rajo nantai, paca'an monimbas sia', ‘Pondinga'ancam! Watu kaitn molabuhan boko hal sama'an nantai pakai' salah siku' urakng doi' somadikan-Ku inyo kotakan jaro ni'in, nantai samo sama'an kaitn molabuhan boko hal nantai pakai' Aku.’

Matius 25:43

Timpu Aku sonsiku'an monomuai di doerah kaitn, kaitn co mongorumahan Aku. Timpu Aku co nyiant pakai'an, kaitn co moonji'i Aku pakai'an. Timpu Aku sakit damo di ponjara, kaitn co monjongu' Aku.’

Kisah Boko Rasul 16:15

Io huatan somuo urakng inyo bodiapm di rumahnyo dibaptis. Ongko, Lidia mohundakng koi ko rumahnyo. Katonyo, “Aman kaitn moanggap obai aku bondar-bondar pocayo ko Tuhatn Yesus, huncapm bujakng ko rumah aku.” Obai io monyosahan, jadi koi monorima' tawarannyo nantai.

Roma 12:13

Tulukngcam kopontikan boko urakng inyo pocayo ko Kristus. Kaitn gola' hala sonang hati monorima' urakng pocayo dalapm rumah kaitn.

Roma 16:23

Salapm ko kaitn doi' Gayus, inyo monorima'ku bodiapm di rumahnyo. Io pan monorima' somuo jomaat di rumahnyo. Salapm ko kaitn doi' Erastus, bendahara kota. Salapm jam doi' Kwartus, urakng inyo pocayo samo sama'an kito. [

1 Timotius 3:2

Obai nantai, siku' urakng ponotua' gola' hidup agatn caro inyo boi'. Io gola' hidup bujur bondar oca' urakng bukai co ulih monyalahan io. Io co ulih bisi bini lobih doi' siku'. Io gola' ulih mongondalian dirinyo. Io gola' pintar-corodi' huatan sopatn. Io gola' agatn coraca'an moonji'i koluntukan. Io gola' mampu mongajar urakng agatn boi'.

1 Timotius 5:10

Botina' balu nantai gola' dikonal sobagai urakng inyo hala bulah koboi'an. Contohnyo: io mombosaran poana'annyo agatn caro boi', io gola' agatn coraca'an bosodia moonji'i koluntukan, io gola' rondah hati molayati boko urakng pocayo huatan mombasu'i kaki sia', io gala' monulukng urakng inyo moalapi kosusahan. Io gola' moutamoan boko porbuatan boi' sama'an nantai dalapm kohidupannyo.

Titus 1:8

Apo, io agatn coraca'an ulih moonji'i tumpakan ongko gala' bulah koboi'an. Io gola' pintar-corodi', hidup bondar di hadapan Allah, co bulah dosa, ongko ulih mongondalian dirinyo.

1 Petrus 4:9

Kaitn gola' hala monorima' urakng pocayo inyo bukai dalapm rumah kaitn siku'-monyiku' agatn sonang hati. Jangan mongoluh.

3 Yohanes 1:5

Somadikanku inyo tokasih, kolai sotia ko Tuhatn agatn somuo potulukan inyo kolai onju' ko boko somadikan kito. Kolai monulukng sia' biar pan kolai co mongonal sia'.