Ibrani 13:17 - Porjanjian Boharu Torjomahan Baso Dilakng Soari-ari

¹⁷ Kaitn gola' monaati boko pomimpitn kaitn. Tundu'cam ko sia'. Obai, sia' inyo bojago-jago agatn jiwa kaitn. Sia' gola' botanggukng jawab ko Allah pakai' polayatan sia' nantai. Taat'icam sia' oca' sia' ulih molayati agatn sonang hati. Aman kaitn kinyo monaati sia', sia' paca'an salu' ongko nantai kinyo boguno pakai' kaitn.

Ibrani 13:17 ပူးပေါင်းရင်းမြစ်များ

1 Timotius 5:17

Jomaat gola' bondar-bondar mohormati huatan monulukng kohidupan boko ponotua' inyo momimpitn agatn boi', hususnyo boko ponotua' inyo bohotbah ongko mongajar mongona'i Pomandiran Allah.

Ibrani 13:7

Ingant cam boko pomimpitn kaitn inyo udah monyampaian Pomandiran Allah ko kaitn. Porotian cam caro hidup sia'. Sia' pocayo sampai mati. Tuyut cam toladatn sia' nantai.

1 Petrus 5:5

Ubo nian jam, kaitn inyo muda': Kaitn gola' tundu' ko boko urakng inyo lobih tuho. Kaitn somuo gola' rondah hati hala molayati inyo bukai. Obai, pomandiran ni'in udah totulis di Buku Suci: “Allah molawatn urakng inyo buhau. Apo Sio monunju'an koboi'an-Nyo ko urakng inyo boi' hati.”

Kisah Boko Rasul 20:28

Kaitn gola' monjago diri kaitn huatan urakng bukai inyo udah pocayo agatn Yesus oca' totap pocayo. Allah udah monobus monsio doi' hukupan dosa agatn darah-Nyo sikuꞌ. Jadi, sia' udah monjadi umant Allah siku'. Kaitn udah dipilih Roh Allah pakai' momimpitn sia' nantai. Obai nantai, kaitn gola' monjago sia' samo sama'an gombala monjago kabatn dombanyo.

1 Korintus 16:16

mohormati sia' sobagai pomimpitn kaitn. Hormati jam urakng bukai sama'an sia' inyo bokorojo koras dalapm molayati Tuhatn.

Filipi 2:12

Boko somadikanku inyo ku kasihi, kaitn hala monaati Allah. Jadi, totap gola' ongko mohormati Sio kapikng kaitn bousaha hidup agatn caro inyo cucu' pakai' boko urakng inyo udah disolamant'an. Kaitn gola' molabuhan nantai bukai aja' sama'an komai timpu aku bosamo agatn kaitn apo lobih agi' watu ni'in watu aku co bosamo agatn kaitn.

Filipi 2:29

Jadi, halucam io agatn caro inyo pantas pakai' somadikan di dalapm Tuhatn, ia'an nantai agatn sonang-nyamanam. Kaitn gola' morogo'i boko urakng sama'an io.

Roma 14:12

Jadi, sotiap kito gola' mompotanggukng-jawaban somuo porbuatan kito ko Allah.

2 Tesalonika 3:14

Aman ado urakng inyo kinyo mongikuti boko ajaran koi dalapm surat ni'in, pontiat'ancam sopo io. Jangan bokawal agatn io oca' io monjadi malu obai kosalahannyo nantai.

Ibrani 13:24

Sampaian cam salapm ko somuo pomimpitn kaitn ongko somuo urakng umant husus umputn Allah. Boko somadikan doi' propinsi Italia monyampaian salapm ko kaitn.

Filipi 4:1

Obai nantai, boko somadikan inyo ku kasihi, kaitn gola' totap kuat pocayo agatn Yesus. Aku togonangan kaitn somuo. Kaitn mombulahku sonang-nyamanam. Aku sonang obai kaitn ia'an hasil polayatanku samo sama'an mahkota inyo ku dapat.

Filipi 3:18

Obai, ado banya' urakng inyo hidupnyo morusa' roti komatian Kristus di kayu salib. Aku udah opat am momadahi kaitn mongona'i nantai. Watu ni'in aku kapikng monangis, momadahi kaitn mongona'i nantai agi'.

Yakobus 4:7

Obai nianam, turuti kohonda' Allah huatan lawatncam kohonda' Rajo Sitatn, lalu io paca'an botongga' moncubo bulah kaitn bodosa.

Filipi 1:4

Sotiap kali aku bodoa pakai' kaitn somuo, aku hala bodoa agatn sonang-nyamanam.

Lukas 16:2

Jadi urakng dampu nantai moningkau bendahara nantai. Katonyo, ‘Aku udah mondinga' borito inyo jahat mongona'i pokoroja'an kolai! Kolai paca'an ku tongga'an ongko kolai gola' moonji'i laporan ahir mongonaꞌi kodampuanku inyo kolai urus.’

Filipi 2:16

Ia'an nantai, kaitn monunju'an ko sia' Pomandiran Allah inyo moonji'i hidup inyo sobondarnyo. Aman kaitn hidup sama'an nian, aku tajahan bangga watu ari Kristus datakng agi' obai kaitn monjadi buti obai polayatan ku kinyo pocumo. Ado hasil doi' pogota'an humpas-pulasku.

Efesus 5:21

Kaitn gola' hala tundu' ko inyo bukainyo jam pakai' mohormati Kristus.