Ibrani 12:23 - Porjanjian Boharu Torjomahan Baso Dilakng Soari-ari

²³ Kaitn tuyut bokumpul agatn boko urakng inyo kotakng sonang-nyaman, ia'an poana'an Allah. Somuo sia' ia'an boko ana' kojula'an, inyo boko damo sia' udah tocatat dalapm daptar urakng inyo ulih mansu' sorugo. Kaitn datakng mohadapi Allah inyo mohakipi somuo urakng. Kaitn datakng ko tompat roh-roh boko urakng inyo bondar inyo udah mati. Sia' udah dijadian sompurna di hadapan Allah.

Ibrani 12:23 ပူးပေါင်းရင်းမြစ်များ

Lukas 10:20

Apo lobih boi' jangan sangant rindakng obai boko roh jahat monaati kaitn. Ado alasan inyo lobih pontikng pakai' rindakng nantai obai damo kaitn udah totulis di sorugo.”

Yohanes 5:27

Sio udah moonji'i kuaso ko Io pakai' mohakipi, obai Io nam inyo disobut Ana' Monsio.

Kisah Boko Rasul 20:28

Kaitn gola' monjago diri kaitn huatan urakng bukai inyo udah pocayo agatn Yesus oca' totap pocayo. Allah udah monobus monsio doi' hukupan dosa agatn darah-Nyo sikuꞌ. Jadi, sia' udah monjadi umant Allah siku'. Kaitn udah dipilih Roh Allah pakai' momimpitn sia' nantai. Obai nantai, kaitn gola' monjago sia' samo sama'an gombala monjago kabatn dombanyo.

1 Korintus 13:12

Agatn poumpamoan bukai, kito watu ni'in samo sama'an kito moniant dalapm coromin suatu kombayakan inyo kinyo jolas. Apo nono watu kito ado di sorugo kito paca'an moniant socaro lansukng. Ni'inan kito bayo mongonal Allah socaro kurakng sompurna. Apo nono kito paca'an mongonal Sio agatn sompurna. Samo sama'an Allah udah mongonal kito agatn sompurna.

1 Korintus 15:49

Bukakng-tubuh kito ni'in samo sama'an bukakng-tubuh Adapm, inyo dipulah doi' dobu tanah. Ubo nian jam nononyo bukakng-tubuh kito paca'an monjadi samo sama'an bukakng-tubuh Kristus inyo boasal doi' sorugo.

1 Korintus 15:54

Watu bukakng-tubuh kito diubah sama'an nantai, ongko pomandiran ni'in inyo totulis dalapm Buku Suci paca'an tojadi, “Kuaso komatian udah dikalahan. Tuhatn udah monang.”

2 Korintus 5:8

Apo hati koi totap kuat. Koi lobih sonang mati, moninggalan bukakng-tubuh ni'in, lalu hidup bosamo-samo Tuhatn di sorugo.

Efesus 1:22

Allah udah mombulah somuo hal tundu' di babah kuaso Kristus. Sio udah moonju' Kristus ko somuo urakng pocayo sobagai Tuhatn inyo bokuaso doi' somuo hal. Sio sama'an Kopala'

Filipi 4:3

Ko Sunsugos, kawalku inyo sotia, aku minto oca' kolai monulukng duo urakng botina' nantai. Obai, sia' udah bogota' humpas-pulas bosamo agatn aku pakai' momboritoan Kabar Boi', samo sama'an Klemens ongko boko urakng bukai inyo bokorojo bosamo agatn aku. Somuo damo sia' ado dalapm Buku Kohidupan.

Kolose 1:12

inyo kaitn labuhan agatn rindakng-rigah huatan bosukur ko Allah Bopai. Sio inyo bulah kaitn cucu' mondapat'an sobagi'an doi' somuo inyo disodiaan Allah. Ia'an, somuo inyo Sio sodia'an pakai' umant-Nyo di Korajaan-Nyo inyo torakng.

Kolose 1:24

Ni'in, aku rindakng-rigah obai aku ulih ajab sonsaro pakai' monulukng kaitn. Aku mooso'i ajab sonsaro Kristus inyo ija' gola' dioso'i. Aku ajab sonsaro dibukakng-tubuhku pakai' monulukng bukakng-tubuh Kristus, ia'an somuo urakng inyo pocayo ko Sio.

1 Timotius 3:5

Obai aman io co sanggup momimpitn koluarganyo siku', pasti io co sanggup momimpitn jomaat Allah.

Ibrani 11:4

Obai Habel pocayo, jadi io momposombahan ko Allah kurbatn inyo lobih boi' tangga'i kurbatn inyo diposombahan Kain. Kopocaya'an Habel monunju'an io ia'an urakng inyo bondar di hadapan Allah. Obai, Allah monorima' posombahannyo. Biar pan Habel udah mati, io sama'annyo ija' bopandir ko kito obai io monjadi toladatn urakng inyo pocayo.

Ibrani 11:40

obai Sio ado hajat inyo lobih boi' pakai' kito. Ia'an nantai sia' monjadi sompurna nononyo pado watu inyo samo agatn kito.

Ibrani 2:12

Kato Yesus ko Allah, “Aku tajahan momboritoan mongona'i Duatn ko boko somadikan-Ku. Aku tajahan momuji Duatn di dalapm jomaat.”

Ibrani 9:27

Allah udah monontuan monsio mati sokali mo. Lopas nantai, sia' dihakipi.

Yakobus 1:18

Sosuai agatn hajat Sio, Sio moonji'i kosompatan ko kito pakai' mondinga'an Kabar Boi' inyo bondar. Obai nantaiam kito pocayo, lalu kito monjadi boko poana'an Sio. Sio molabuhan nantai oca' kito monjadi boko urakng inyo doholu doi' antaro somuo inyo dipulah-Nyo. Samo sama'an boko buah inyo potamo doi' hasil hanyianinyo di onju' ko Allah obai husus umputn Sio.

1 Petrus 2:23

Pas urakng momojah sio, Sio co mombalas momojah sia'. Pas urakng monyisa Sio, Sio co moancapm. Apo Sio monyorahan pokaro-Nyo ko Allah inyo hala mohakipi agatn adil.

Wahyu 13:8

Io paca'an disombah ulih somuo urakng inyo bodiapm di bumi, ia'an somuo urakng inyo doi' mulo dunia dipulah damonyo co totulis dalapm Buku Kohidupan. Buku nantai umputn Ana' Domba inyo udah disombolih.

Wahyu 14:4

Sia' ia'an boko urakng inyo murni sama'an botina'-daro. Obai, sia' co momporajoan agatn boko botina'. Sia' ia'an boko urakng inyo jumpat Ana' Domba nantai ko mono pan Sio botula'. Jadi, sia' nanam inyo udah ditobus inyo monjadi bagian potamo inyo diposombahan ko Allah huatan Ana' Domba nantai.

Wahyu 6:11

Boko urakng inyo dibunuh siku'-monyiku' dionji'i jubah putih. Sia' diboritohu pakai' torahat agatn sabar sotogal agi'. Obai ija' ado boko somadikan inyo molayati Yesus inyo paca'an dibunuh, samo sama'an sia'. Sia' gola' monanti sampai jumlah urakng nantai udah diponuhi.

Wahyu 6:9

Lopas nian, Ana' Domba nantai mombuka' segel kolima'. Watu nantai, aku moniant banya' jiwa di babah mesbahAllah. Boko jiwa nantai ia'an boko urakng inyo udah dibunuh obai sia' momboritoan Pomandiran doi' Allah huatan obai sia' bosasi mongona'i Yesus.