Ibrani 12:16 - Porjanjian Boharu Torjomahan Baso Dilakng Soari-ari

¹⁶ Bojojago jam oca' jangan ado urakng di antaro kaitn inyo bodosa bomporajoan. Jangan ado inyo kinyo morogo'i borokat rohani doi' Allah sama'an inyo dilabuhan Esau ija' joman komai. Obai io ana' kojula'an io bohak mondapat borokat husus doi' bopainyo. Apo io monjual hak nantai bayo pakai' sopirikng pomakatn mo.

Ibrani 12:16 ပူးပေါင်းရင်းမြစ်များ

Markus 7:21

Obai, banya' pikiran inyo jahat koluar doi' dalapm monsio, ia'an doi' hatinyo. Somuo pikiran jahat nantai mombulah monsio bulah dosa kinyo sonunuh, mongolit, mombunuh,

Kisah Boko Rasul 15:20

Apo, soharusnyo kito monulis surat ko sia'. Kito momadahan ko sia' oca' jangan momporajoan. Jangan momua'i pomakatn inyo diposombahan ko boko duato. Jangan momua'i isi lou' inyo mati dikoci'. Jangan momua'i darah.

Kisah Boko Rasul 15:29

Ia'an, jangan momporajoan. Jangan momua'i pomakatn inyo diposombahan ko boko duato. Jangan momua'i dagikng bonatakng inyo mati dikoci'. Jangan momua'i darah. Aman kaitn monaati poraturan nantai, kaitn bulah koboi'an. Singgo ni'inam surat koi. Salapm ko somuo somadikan.”

1 Korintus 10:8

Solaitn nantai, jangan kaitn bulah dosa bomporajoan sama'an boboropo urakng doi' sia'. Lopas jadi sia' bulah dosa nantai, Allah mohukupm sia' singgatn dalapm soari, ado duo puluh tigo ribu urakng inyo mati.

2 Korintus 12:21

Aku bogonang watu ku datakng agi', Allahku paca'an bulah ku malu di hadapan kaitn. Aku paca'an monangis salu' obai banya' urakng di antaro kaitn ija' hidup dalapm dosa. Sia' bolupm moninggalan boko hal inyo kotor, boko hal kinyo sonunuh, bokohonda' kinyo patut.

Efesus 5:3

Jangan bulah dosa bomporajoan. Jangan bulah boko hal inyo kinyo sonunuh. Jangan kaha'-kolobu'. Boko hal nantai samo sokali kinyo cucu' pakai' umant husus umputn Allah.

Efesus 5:5

Kotohu'i cam ni'in: urakng inyo bulah dosa bomporajoan, urakng inyo bulah boko hal inyo kinyo sonunuh, urakng inyo kaha'-kolobu' (kaha'-kolobu' nantai rotinyo monjadian boko kohonda'-Nyo samo sama'an tuhatn sia'), somuo sia' kinyo ulih monjadi anggota Koraja'an Kristus huatan Allah.

Kolose 3:5

Obai nantai, kaitn gola' momastian caro hidup kaitn inyo manah nantai bondar-bondar udah mati. Jangan dikuaso'i boko kohonda' duniawi, sama'an: bomporajoan, boko kolaku'an inyo kinyo sonunuh, hawa napsu, kohonda' jahat, kaha' agatn duit. Kohonda' pakai' duit nantai samo ja'am agatn monyombah boko duato.

1 Timotius 1:9

Kito tohu obai Allah moonji'i Hukupm Torat bukainyo pakai' mongomboi'i caro hidup boko urakng inyo bondar. Apo Sio moonji'i Hukupm Torat pakai' mongomboi'i caro hidup boko urakng inyo hidup sokohonda'nyo siku' huatan tikakng-bongkakan, boko urakng inyo kinyo boagama huatan boko urakng hala gala' bulah dosa, boko urakng inyo kinyo honda' hidup suci huatan boko urakng inyo kinyo mongonal Sio, boko urakng inyo mombunuh urakng bukai, tomansu' boko urakng inyo mombunuh indai Bopai sia'.

Ibrani 13:4

Somuo urakng gola' mohormati pokawitan. Sotiap laki-bini gola' sotia ko pasakannyo. Obai, Allah tajahan mohukupm urakng inyo bodosa bomporajoan huatan urakng inyo bomporajoan.

Wahyu 21:8

Apo boko urakng ponggola'an, boko urakng inyo kinyo pocayo, boko urakng inyo jahat, boko urakng pombunuh, boko urakng inyo bodosa pombotina', boko tukakng sihir, boko urakng inyo monyombah lompatukng, boko urakng tumbukan, somuo sia' paca'an ditikapan ko dalapm loutan api inyo tongahan bonyalo agatn bolerang. Nantai damonyo komatian koduo, ia'an mati pakai' somanah-manahnyo.”

Wahyu 22:15

Apo somuo urakng bukai paca'an tinggal di luar. Ia'an somuo urakng inyo jahat samo sama'an kudu', boko tukakng sihir, boko urakng inyo bodosa bomporajoan, boko urakng inyo mombunuh, boko urakng inyo monyombah lompatukng, boko urakng inyo gala' bulah kotumbukan huatan molabuhannyo.