Ibrani 12:13 - Porjanjian Boharu Torjomahan Baso Dilakng Soari-ari

¹³ Totap bojalatn cam di jalatn inyo rato oca' kaki kaitn inyo timpakng jangan tokosilap, apo malah monjadi nyaman-boi'.

Ibrani 12:13 ပူးပေါင်းရင်းမြစ်များ

Lukas 3:5

Somuo lombakng gola' dilungku, sotiap gunung ongko bukit gola' diratoan. Bujurancam jalatn inyo pingkakng-pingku'. Ratoancam jalatn inyo lombakng-lokupan.

Galatia 2:14

Porbuatan sia' kinyo sosuai agatn Kabar Boi' inyo bondar. Jadi, watu aku moniant nantai, aku monogur Petrus di muka' urakng banya'. Katoku, “Kolai urakng Yahudi. Apo kolai udah ulih hidup sama'an urakng bukainyo Yahudi. Obai nantai, jangan momoso boko urakng bukai Yahudi monaati boko poraturan agama Yahudi.”

Galatia 6:1

Boko somadikan, aman siku' urakng di antaro kaitn ditomuan bulah dosa. Jadi, kaitn inyo hidupnyo dipimpitn Roh Allah gola' monulukng urakng nantai. Kaitn gola' monulukng io oca' io tongga' bulah dosa nantai. Apo, kaitn gola' molabuhan nantai agatn hati inyo tulus. Boboi'cam! Ingant, jangan sampai kaitn pan bulah dosa jam.

Yakobus 5:16

Obai nianam, kaitn gola' hala moaku'i dosa agatn siku'-monyiku' huatan hala mondoa'an oca' kaitn dinyamani. Urakng inyo hidup bondar di hadapan Allah, doanyo kotakan bokuaso huatan boguno.

1 Petrus 2:24

Kristus siku' pan udah monanggukng hukupan dosa kito watu Sio mati di kayu salib. Sio molabuhan nantai oca' kito jangan bulah dosa agi', oca' kito dapat hidup agatn caro inyo bondar di hadapan Allah. Obai boko luko Kristus, kaitn monjadi nyamanam.