Ibrani 12:11 - Porjanjian Boharu Torjomahan Baso Dilakng Soari-ari

¹¹ Memang, timpu kito dipantu', kito mooso salu', bukainyo sonang. Apo, lopas nantai aman kito dilatih doi' pongalapan nantai, jadi hasilnyo kito monjadi bondar di hadapan Allah ongko mondapat sonang-asau.

Ibrani 12:11 ပူးပေါင်းရင်းမြစ်များ

Roma 14:17

Obai, Koraja'an Allah bukainyo soal poraturan pomakatn ongko minuman, apo soal hidup inyo bondar, hidup agatn damai, ongko hidup agatn sonang-nyamanam. Somuo nantai doi' Roh Allah.

2 Korintus 4:17

Pondorita'an inyo koi hadapi watu ni'in bayo somontaromo. Apo hasilnyo koi mondapat'an borokat inyo somanah-manahnyo. Jadi, pondorita'an nantai lompukngmo dibandikan agatn borokat nantai inyo jouh lobih bosar doi' la'apo pan.

2 Timotius 4:8

Tuhatn udah monyiap'an hadiah inyo bondar ko aku. Sio nantai Hakipm inyo paca'an mohakipi somuo urakng agatn adil. Watu nantai, Sio paca'an moonji'i hadiah nantai pakai' aku huatan somuo urakng inyo rindu Sio datakng bobali' agi' ko dunia ni'in.

Ibrani 12:10

Bopai kito di dunia ni'in momantu kito bayo sobontar watunyo. Sia' momantu sosuai agatn la'apo inyo sia' anggap boi'. Apo Allah momantu kito pakai' koboi'an kito oca' kito monjadi somongkitn borosih doi' dosa sama'an Sio.

Ibrani 5:14

Apo pomakatn korikng nantai pakai' boko urakng dewasa, ia'an boko urakng inyo udah molatih diri sia' pakai' mombedaan inyo boi' doi' inyo jahat.

1 Petrus 1:6

Sonangcam agatn hal nantai, biar pan somontaro watu ni'inan kaitn gola' monjadi salu' obai bomacapm-macapm poncoba'an.

2 Petrus 2:14

Sia' kinyo kalo suah bulah dosa. Mato sia' hala moncari' boko botina' inyo gala' bomporajoan. Sia' mompongaruhi boko urakng inyo bolupm pocayo agatn kuat. Hati sia' udah tolatih monjadi tama'. Jadi, Allah pasti mohukupm sia'!