Ibrani 11:5 - Porjanjian Boharu Torjomahan Baso Dilakng Soari-ari

⁵ Obai Henokh pocayo, jadi io kinyo mati. Timpu io ija' hidup, io mohilakng obai Allah moangkat io ko sorugo Dalapm Buku Suci udah totulis obai sobolupm Henokh diangkat, io ia'an urakng inyo monyonangan hati Allah.

Ibrani 11:5 ပူးပေါင်းရင်းမြစ်များ

Lukas 2:26

Roh Allah udah momadahan ko Simeon komainyo obai io kinyo tajahan mati sobolupm moniant Rajo Inyo Dijanjian Allah.

Lukas 3:37

Lamekh ana' Metusalah, Metusalah ana' Henokh, Henokh ana' Yared, Yared ana' Mahalaleel, Mahalaleel ana' Kenan;

1 Tesalonika 2:4

Apo sobali'nyo, koi momboritoan Kabar Boi' obai koi diutus Allah, obai Sio moanggap koi cucu' pakai' molabuhan polayatan nantai. Jadi, koi co bousaha monyonangan hati monsio. Koi bousaha monyonangan hati. Sio inyo mouji hati koi.

Ibrani 11:6

Aman urakng kinyo pocayo, co mungkitn io ulih monyonangan hati Allah. Obai, urakng inyo datakng ko Allah gola' pocayo obai Allah ado. Io pan gola' pocayo obai Allah moonji'i upah ko sotiap urakng inyo bondar-bondar moncari'i Sio.

Ibrani 2:9

Apo kito tiat Yesus bokuaso. Kinyo manah Allah mombulah Sio monjadi monsio inyo ‘lobih babah doi' boko molekat’. Ongko watu ni'in Sio udah ‘monjadi mulia ongko tohormat’ obai Sio mondorita' sampai mati pakai' somuo monsio. Nantai tojadi obai kasih karunia Allah.

1 Yohanes 3:22

Sio moonji'i kito lapo ja' inyo kito minto obai kito monoruti somuo porintah-Nyo, huatan obai kito molabuhan la'apo pan inyo monyonangan hati-Nyo.

Yudas 1:14

Henokh, koturutan kotujuh doi' Adapm, udah momadahan doi' komai obai sia' paca'an dihukupm. Kato io, “Tiatcam! Tuhatn paca'an datakng agatn boribu-ribu molekat-Nyo.