Ibrani 11:3 - Porjanjian Boharu Torjomahan Baso Dilakng Soari-ari

³ Obai kito pocayo, jadi kito mongoroti Allah mombulah sogolintaran alapm ni'in agatn momakai pomandiran-Nyo ja'am. Jadi, somuo inyo kito tiat, tojadi doi' somuo hal inyo kinyo ulih di tiat.

Ibrani 11:3 ပူးပေါင်းရင်းမြစ်များ

Yohanes 1:3

Allah mombulah somuo la'apo pan molalu'i Sio. Conyiant Sio, conyiant ado la'apo pan inyo ulih dipulah.

Kisah Boko Rasul 14:15

“Boko pokawalan, jangan kaitn molabuhan nantai. Koi bayo urakng biaso, samo ubo kaitn. Koi datakng ko si'itn pakai' momboritoan Kabar Boi' mongona'i Yesus ko kaitn. Koi honda' oca' kaitn ongkah monyombah Allah inyo hidup ja'am, bukainyo boko duato inyo kinyo boguno. Allah inyo bulah langit, bumi, lout ongko agatn somuo isinyo.

Kisah Boko Rasul 17:24

Sioam Allah inyo bulah dunia ni'in agatn somuo tontanaman, bonatakng ongko monsio inyo bodiapm di dalapmnyo. Sioam Tuhatn inyo umputn langit ongko bumi. Jadi, Sio kinyo bodiapm dalapm boko tompat inyo dipulah ulih monsio.

Roma 4:17

Sama'an inyo totulis dalapm Buku Suci: “Aku udah monjadian kolai bopai pakai' banya' banso.” Allah bopandir nantai ko Abrahapm, huatan Abrahapm pocayo ko Sio. Ia'an, Allah inyo bokuaso mombulah urakng mati bobali' hidup agi' huatan agatn pomandiran-Nyo aja', Allah mombulah la'apo inyo kinyo ado monjadi ado.

1 Korintus 2:7

Inyo koi ajaran nantai kopintar-corodi'an Allah. Sokomai, boko urakng kinyo tohu bondar mongona'i kopintar-corodi'an Allah nantai. Kopintar-corodi'an Allah nantai botapu'. Apo sobolupm Allah bulah dunia ni'in, Sio monyiap'an kopintar-corodi'an nantai. Sio molabuhan nantai, oca' kito pan monorima' komulia'an doi' Sio.

1 Timotius 4:5

Obai somuo pomakatn dipulah monjadi suci agatn doa huatan pomandiran Allah.

Ibrani 1:2

Apo, watu ari-ari toahir ni'in Allah bopandir ko kito molalu'i Ana'-Nyo. Allah udah monotap'an Ana'-Nyo inyo bohak momuku'i somuo hal. Molalu'i Sio, Allah mombulah sogolintaran alapm.

Ibrani 6:5

kalo monorima' Pomandiran Allah inyo boi', kalo moalapi kuaso Allah doi' joman inyo tajahan datakng,

2 Petrus 3:5

Agatn songajo, sia' kinyo honda' tohu boko hal ni'in: ia'an obai komai Allah mombulah langit huatan bumi agatn Pomandiran-Nyo aja'. Sio mombulah bumi doi' ara'i huatan agatn ara'i.

Wahyu 4:11

“Oi Tuhatn Allah koi. Duatn cucu' monorima' pujian, hormat, ongko kuaso. Obai, Duatn inyo mombulah la'apo pan. La'apo pan inyo ado, boko dipulah, ongkah obai kohonda' Duatam.”