Ibrani 11:25 - Porjanjian Boharu Torjomahan Baso Dilakng Soari-ari

²⁵ Io momilih mondorita' bosamo umant Allah daripado hidup dalapm dosa di istana rajo inyo mombulah io sonang pakai' somontaro aja'.

Ibrani 11:25 ပူးပေါင်းရင်းမြစ်များ

Matius 13:21

Apo sia' bayo pocayo sobontar mo obai co bourat. Aman sia' mohadapi pondorita'an huatan didorako'i obai sia' pocayo pomandiran Allah, lalu sia' co honda' pocayo Pomandiran Allah agi'.

Lukas 16:25

Apo Abrahapm bopandir, ‘Ana'ku, ingant watu di dunia, kolai monorima' hidup inyo boonsu'an apo Lazarus monorima' hidup inyo ajab sonsaro. Ni'in, io sonang apo kolai ajab sonsaro.

Kisah Boko Rasul 7:34

Umant-Ku kotakan ajab sonsaro di Mesir. Aku bondar-bondar udah moniant nantai. Aku jam udah mondinga' koluhan sia'. Obai nantaiam, Aku udah turutn pakai' mombebasan sia' doi' hulutn-pacal. Jadi bosiap cam, obai watu ni'in Aku moutus kolai bobali' ko nogori Mesir pakai' molabuhan nantai.’

Roma 5:3

Bukainyo ongkah nantai saja'! Kito pan sonang-nyamanam pas watu kito mohadapi ajab sonsaro. Obai, kito mongotohu'i obai ajab sonsaro nantai mombulah kito somongkitn botahatn mohadapi ajab sonsaro.

2 Korintus 5:17

Boko urakng inyo ado di dalapm Kristus, sia' monjadi monsio boharu. Sia' udah botongga' hidup agatn caro inyo manah. Sobondarnyo, sia' hidup agatn caro inyo boharu.

Kolose 1:24

Ni'in, aku rindakng-rigah obai aku ulih ajab sonsaro pakai' monulukng kaitn. Aku mooso'i ajab sonsaro Kristus inyo ija' gola' dioso'i. Aku ajab sonsaro dibukakng-tubuhku pakai' monulukng bukakng-tubuh Kristus, ia'an somuo urakng inyo pocayo ko Sio.

2 Timotius 1:8

Jadi, jangan malu momboritoan mongona'i Tuhatn kito. Jangan malu mongona'i aku inyo dimansu'an ko dalapm ponjara obai molayati Sio. Apo, agatn kokuatan doi' Allah, tuyutcam ajab sonsaro obai pomboritoan Kabar Boi' nantai.

Ibrani 10:32

Apo, ingantcam watu solopas kaitn boharu pocayo ko Yesus ongko hidup dalapm torakng. Pado watu nantai, kaitn kotakng ajab sonsaro apo kaitn totap kuat botahatn.

Ibrani 11:37

Sia' ditikapm agatn batu sampai mati, ado inyo disayat agatn gorgaji, ongko inyo dibunuh agatn podakng. Ado inyo kinyo ado kodiapan huatan bayo bopakaian inyo dipulah doi' kulit domba damo kulit kambikng. Sia' jaro, bouyuh-bojorih ongko didorako'i.

Ibrani 4:9

Apo, obai Allah bopandir mongona'i ari nantai, jadi ija' ado ari torahat ari inyo kotujuh inyo paca'an datakng nononyo pakai' umant Allah.

Yakobus 1:20

Obai siku' urakng ponggodian, culih hidup bondar di hadapan Allah.

Yakobus 5:5

Kaitn hidup socaro bokolobihan di dunia ni'in. Kaitn hidup ongkah pakai' monyonangan diri siku'. Apo co manah kaitn paca'an dihukupm. Jadi, kaitn samo sama'an bonatakng inyo monjadi gomu' co manah bonatakng nantai disombolih.

1 Petrus 2:10

Komai, kaitn bukainyo boko urakng umputn Allah. Apo ni'in kaitn udah monjadi boko urakng umputn-Nyo. Komai, Allah co monunju'an koboi'an-Nyo ko kaitn. Apo ni'in Allah udah monunju'an koboi'an-Nyo ko kaitn.

Wahyu 18:7

Io udah monikmati hidup inyo tohormat huatan mewah socaro luar biaso. Jadi watu ni'in, pulahcam io sonsaro huatan bulikng socaro luar biaso jam. Obai io bopandir dalapm hatinyo, ‘Aku ninam ratu inyo momorintah! Aku bukainyo balu. Aku co paca'an kalo mooso bulikng!’