Ibrani 11:16 - Porjanjian Boharu Torjomahan Baso Dilakng Soari-ari

¹⁶ Apo sobondarnyo, sia' togonangan nogori inyo lobih boi', ia'an nantai sorugo. Obai nantai, Allah kinyo malu disobut Allah sia' obai Sio udah monyiap'an sobuah kota pakai' sia'.

Ibrani 11:16 ပူးပေါင်းရင်းမြစ်များ

Matius 25:34

Lalu, sobagai Rajo, Sio paca'an bopandir ko boko urakng di sopia' kanannyo, ‘Maracam, kaitn inyo diborokati ulih Bopai-Ku! Mansu'cam ko dalapm Koraja'an inyo disodiaan pakai' kaitn tangga'i dunia dipulah.

Markus 12:26

Hal mongona'i boko urakng hidup agi' doi' komatian ado di dalapm Buku Suci inyo ditulis Musa. Watu Allah bopandir agatn Musa doi' dalapm rado momant inyo sama'an api bonyalo, Allah bopandir, ‘Aku ninam Allah inyo disombah Abrahapm, Ishak, ongko Yakub.’

Markus 8:38

Biar pan kaitn hidup di joman boko urakng inyo bodosa huatan kinyo sotia ni'in, jangan am kaitn malu tuyut Ku ongko pomandiran-Ku. Sotiap urakng inyo malu tuyut Ku, nononyo Ana' Monsio paca'an monula' io jam watu Io datakng bobali' agi' doi' sorugo. Timpu nantai, Io paca'an datakng agatn somuo kuaso Bopai-Nyo bosamo agatn boko molekat Allah.”

Lukas 12:32

“Kaitn samaꞌan kabatn domba inguan inyo kocit. Apo, jangan gola'. Bopai kaitn inyo di sorugo paca'an sonang moonji'i kaitn somuo la'apo inyo kaitn pontikan obai kaitn hidup dalapm Korajaan-Nyo.

Lukas 20:37

Nah, kaitn kinyo pocayo obai urakng tajahan hidup agi' lopas jadi mati di dunia ni'in. Padohal, Musa siku' udah monyatoan hal nantai agatn jolas. Io monulis mongonaꞌi watu Tuhatn Allah bopandir ko io doi' rampuan duri inyo bonyalo. Io monulisan obai Tuhatn Allah mongatoan diri-Nyo sobagai Allah inyo disombah Abrahapm, Allah inyo disombah Ishak, Allah inyo disombah Yakub.

Yohanes 14:2

Ado banya' kodiapan di rumah Bopai-Ku. Aku holuam botula' ko su'utn pakai' monyiap'an tompat bodiapm pakai' kaitn. Aman hal nantai kinyo bondar, co mungkitn Aku monjanjian hal inyo sama'an nantai ko kaitn.

Kisah Boko Rasul 7:32

‘Aku ninam Allah inyo disombah angki-bayatn kolai, ia'an Abrahapm, Ishak, ongko Yakub.’ Watu Musa mondinga' pomandiran nantai, io monjadi kotakan gola' sampai bogogora'. Io co borani moniant ko arah api nantai agi'.

Filipi 3:20

Apo, kito ninam pondudu' di sorugo. Doi' su'utan jam kito monantian Ponyolamant kito, Tuhatn Yesus Kristus, datakng agi'.

2 Timotius 4:18

Tuhatn paca'an monyolamant'an aku doi' somuo usaha urakng jahat. Sio paca'an mombaba'ku agatn solamant ko dalapm Korajaan-Nyo di sorugo. Huncapm kito momuji Sio somanah-manahnyo. Amin!

Ibrani 10:34

Kaitn jumpat mondorita' agatn sia' inyo ditamoan ko ponjara. Timpu kodampuan kaitn dirampas, kaitn totap sonang-nyaman. Obai, kaitn tohu kaitn ija' ado kodampuan inyo lobih boi', ia'an kodampuan di sorugo inyo tahatn somanah-manahnyo.

Ibrani 11:10

Abrahapm hidup sama'an nantai obai io monanti-nantian sobuah kota agatn dasar inyo kuat, ia'an kota inyo dironcanaan ongko dipulah ulih Allah siku'.

Ibrani 11:14

Boko urakng inyo moaku'i nantai monunju'an sia' tongahan moncari'i nogori inyo tajahan monjadi umputn sia'.

Ibrani 11:40

obai Sio ado hajat inyo lobih boi' pakai' kito. Ia'an nantai sia' monjadi sompurna nononyo pado watu inyo samo agatn kito.

Ibrani 12:22

Apo kaitn udah datakng ko Bukit Sion, ko kota Allah inyo hidup, ia'an kota Yerusalem inyo ado di sorugo. Kaitn datakng mohadapi boribu-ribu molekat.

Ibrani 13:14

Obai di dunia ni'in kito conyiant kota tompat tinggal inyo somanah-manahnyo. Kito monanti-nantian kodiapan inyo tajahan datakng.

Ibrani 2:11

Yesus momborosihi monsio doi' dosa. Sio inyo momborosihi ongko sia' inyo diborosihi, Bopai sia' siku'. Nantai am alasannyo Yesus kinyo malu monyobut sia' boko somadikan-Nyo.

Wahyu 21:2

Aku pan moniant kota inyo kudus, ia'an Yerusalem inyo boharu. Kota nantai turutn doi' sorugo, doi' Allah. Kota nantai boi' bondar samo sama'an pongantitn botina' inyo borias siap bosandikng agatn pongantitn lolaki.