Ibrani 11:13 - Porjanjian Boharu Torjomahan Baso Dilakng Soari-ari

¹³ Somuo urakng inyo disobutan tontai totap pocayo ko Allah biar pan sia' mati sobolupm sia' mondapat boko hal inyo dijanjian-Nyo. Sia' totap yakitn obai moniant doi' jouh obai Allah tajahan monopat'i janji-Nyo. Sia' monorima' nantai agatn sonang hati sampai sia' moaku'i sia' ia'an urakng asikng ongko porantau di bumi.

Ibrani 11:13 ပူးပေါင်းရင်းမြစ်များ

Matius 13:17

Pondinga'ancam! Joman komai banya' nabi ongko urakng bukai inyo hidup bondar di hadapan Allah, honda' moniant somuo inyo kaitn tiat, apo co kalo moniantnyo. Sia' honda' mondinga' somuo inyo kaitn dinga', apo co kalo mondinga'nyo.”

Yohanes 12:41

Yesaya bopandir sama'an nantai obai io udah moniant komulia'an Yesus. Ongko, io monulis mongona'i Yesus.

Yohanes 8:56

Bopai kaitn Abrahapm kotakng sonang obai io paca'an moniant ari kodatakan-Ku. Sio udah moniantnyo, lalu io sonang!”

Roma 4:21

Io kotakan pocayo obai Allah bokuaso molabuhan la'apo inyo udah dijanjian ko io.

Roma 8:24

Doi' watu kito disolamant'an, kito yakitn moharap'an somuo inyo Allah janjian nantai. Conyiant urakng inyo ija' moharap'an la'apo pan inyo udah io onju'. Aman io udah monorima' nantai, jadi io co moharap'an nantai agi'.

2 Korintus 4:18

Obai nantai am, koi co momikiran boko hal di duniani'in inyo ulih ditiat. Apo koi momikiran boko hal di sorugo inyo kinyo kotiat'an. Obai, boko hal inyo di dunia bayo somontaromo, apo boko hal inyo di sorugo tahatn sampai somanah-manahnyo.

2 Korintus 5:6

Obai nantai hati koi mooso kuat. Koi tohu obai somanahan koi ija' diapm di dalapm bukakng-tubuh koi ni'in, koi jouh doi' rumah inyo tajahan koi kodiapi bosamo Tuhatn.

Efesus 2:19

Obai nantai, kaitn bukainyo urakng asikng agi'. Kaitn bukainyo urakng inyo jouh doi' Allah. Apo kaitn monjadi satu umant bosamo agatn boko urakng bukainyo inyo husus umputn Allah. Kaitn monjadi boko anggota koluarga Allah.

Ibrani 11:14

Boko urakng inyo moaku'i nantai monunju'an sia' tongahan moncari'i nogori inyo tajahan monjadi umputn sia'.

Ibrani 11:17

Obai Abrahapm pocayo, jadi io taat watu Allah mouji io. Io rela momposombahan Ishak, ana'nyo inyo tunggal. Padohal, Allah udah bojanji ko Abrahapm.

Ibrani 11:27

Obai Musa pocayo, jadi io borani moninggalan Mesir. Io kinyo gola' dikogodi'i Rajo Mesir. Io totap botahatn mohadapi pondorita'an soakatn-akatn io ulih moniantAllah inyo kinyo ulih di tiat pakai' mato.

Ibrani 11:39

Allah sonang agatn somuo urakng ni'in obai sia' pocayo. Apo sia' bolupm dapat boko hal inyo dijanjian Allah

1 Petrus 1:1

Surat ni'in doi' aku, rasul Petrus, inyo diutus Yesus Kristus. Surat ni'in pakai' boko urakng inyo dipilih Allah inyo tongahan morantau di doerah Pontus, Galatia, Kapadokia, Asia Kocit huatan Bitinia.

1 Petrus 1:17

Allah mohakipi somuo urakng sosuai agatn porbuatan sia' siku'-monyiku'. Sio kinyo momihak boko urakng totontu. Jadi, aman kaitn monyobut Sionam Bopai kaitn, jadi kaitn gola' hidup mohormati Sio, somanah kaitn monumpakng sobagai urakng asikng di dunia ni'in.

1 Petrus 2:11

Boko somadikan inyo ku kasihi. Kaitn samo sama'an urakng asikng diapm somontaro mo di dunia ni'in. Jadi, aku bondar-bondar momuhun ko kaitn oca' jangan monuruti boko kohonda' bukakng-tubuh inyo jahat. Somuo kohonda' nantai boparakng molawatn hati kaitn.

1 Yohanes 3:19

Aman kito bondar-bondar mongasihi sama'an nantai, jadi kito paca'an mongotohu'i obai kito boasal doi' kobondaran. Ubo nianam, hati kito tenang di hadapan Allah.