Ibrani 10:8 - Porjanjian Boharu Torjomahan Baso Dilakng Soari-ari

⁸ Dalapm pomandiran nantai, potamo-tamo Kristus bopandir, “Duatn kinyo mohonda'i kurbatn bonatakng ongko posombahan. Duatn kinyo sonang agatn posombahan inyo ditunu'i. Duatn kinyo sonang agatn kurbatn bonatakng inyo di onju' oca' dosa urakng di amputi.” Padohal, somuonyo nantai diposombahan monurut Hukupm Torat.

Ibrani 10:8 ပူးပေါင်းရင်းမြစ်များ

Ibrani 10:5

Obai nantai am watu Kristus datakng ko dunia ni'in, Sio bopandir ko Allah, “Duatn kinyo mohonda'i kurbatn bonatakng ongko posombahan. Duatn kinyo sonang agatn posombahan inyo ditunu'i. Duatn kinyo sonang agatn kurbatn bonatakng inyo di onju' oca' dosa urakng diamputi. Apo Duatn udah moonju' bukakng-tubuh pakai'-Ku.

Markus 12:33

Memang monsio gola' mongasihi Sio agatn sogonap hatinyo, sogonap pikirannyo, sogonap kokuatannyo. Monsio pan gola' mongasihi sosamonyo samo sama'an io mongasihi dirinyo siku'. Koduo porintah nantai lobih pontikng doi' bonatakng posombahan inyo dicucul ongko somuo posombahan inyo bukainyo.”

Roma 8:3

Hukupm Torat culih molopasan urakng doi' kuaso dosa obai monsio lomah ongko culihnyo monaati Hukupm Torat nantai. Apo hal nantai inyo co mungkitn dilabuhan Hukupm Torat, udah dilabuhan Allah. Sio moutus Ana'-Nyo datakng ko dunia ni'in. Tubuh Ana'-Nyo ado kohonda' pakai' bodosa samo sama'an monsio biaso, apo Sio kinyo bodosa. Jadi, Sio ulih monanggukng hukupan dosa monsio.