Ibrani 10:35 - Porjanjian Boharu Torjomahan Baso Dilakng Soari-ari

³⁵ Obai nantai, jangannam kaitn monyorah. Aman kaitn totap kuat pocayo, jadi nononyo kaitn tajahan bodapat upah bosar.

Ibrani 10:35 ပူးပေါင်းရင်းမြစ်များ

Matius 10:32

Sotiap urakng inyo moaku'i Aku di hadapan urakng bukai Aku pan paca'an moaku'inyo di hadapan Bopai-Ku inyo di sorugo.

Matius 10:42

Jadi, urakng inyo moonji'i socangkir ara'i ko kaitn obai kaitn murid-Ku, urakng nantai kinyo paca'an kohilakan upahnyo.”

Matius 5:12

Joman komai, boko nabi Allah pan dipoulahan sama'an nantai jam. Jadi, rindakng-rigahcam obai kaitn paca'an bodapat upah bosar di sorugo!”

1 Korintus 15:58

Jadi, boko somadikan inyo aku kasihi, totap pocayo ko Yesus agatn yakitn. Jangan goyah. Bokorojocam agatn rajitn pakai' Tuhatn. Obai, kaitn tohu obai somuo inyo kaitn korojoan pakai' Tuhatn ado kountukannyo.

Efesus 3:12

Obai kito pocayo ko Kristus, jadi di dalapm Sio, kito bebas datakng ko Allah. Kito kinyo paca'an gola'.

Ibrani 10:19

Jadi, boko somadikan, obai Yesus mati pakai' kito, jadi watu ni'in kito ulih mansu' ko dalapm hadirat Allah. Samo sama'an sia' ulih mansu' ko bolikat tidikng ia'an ko dalapm Ruakan Maho Suci di Rumah Allah. Obai, bukakng-tubuh Yesus siku' monjadi tidikng nantai. Sio udah mombuka' jalatn boharu nantai pakai' jalatn kito inyo moonji'i kohidupan.

Ibrani 11:26

Io bopikir mongona'i upah inyo dionju' Allah nononyo. Obai nantai, io mooso aman io dihanyam demi Rajo Inyo Dijanjian Allah, hal nantai lobih borogo daripado somuo kodampuan di nogori Mesir inyo ulih monjadi umputn io.

Ibrani 2:2

Obai soandainyo, Pomandiran Allah inyo disampaian boko molekat ko boko angki-bayatn kito ija' joman komai tonyato bondar sampai boko urakng inyo kinyo monurutinyo dihukupm sosuai agatn porbuatan sia',

Ibrani 3:14

Obai, kito bokorojosamo agatn Kristus aman kito hala kuat pocayo ko Sio. Samo sama'an mulonyo, kito gola' totap kuat pocayo sampai ahir hidup kito.

Ibrani 3:6

Apo Kristus sotia sobagai Ana' inyo bokuaso agatn rumah Allah, ia'an kito. Kito ia'an rumah-Nyo aman kito totap kuat pocayo ko Yesus huatan yakitn moharap'an agatn somuo hal inyo paca'an dionju' Sio ko kito nononyo. Somuo hal nantai mombulah hati kito rindakng.

Ibrani 4:14

Obai nantai, kito gola' kuat agatn kopocaya'an kito. Obai, kito ado Imam Agukng inyo kotakng bokuaso, ia'an Yesus, Ana' Allah. Sio udah mansu' sorugo, monjadi porontaro pakai' kito di hadapan Allah.

2 Yohanes 1:8

Obai nantai, jagocam diri kaitn oca' kaitn co sosat. Koi udah bokorojo molayati oca' kaitn pocayo agatn ajaran inyo bondar. Jangan sampai kaitn kohilakan hasil pokoroja'an koi nantai. Bousahacam oca' kaitn totap monorima' upah kaitn doi' Allah.