Ibrani 10:33 - Porjanjian Boharu Torjomahan Baso Dilakng Soari-ari

³³ Sowatu-watu kaitn dihanyam huatan disiksa di hadapan urakng banya'. Kadakng pan kaitn jumpat mondorita' agatn urakng inyo dipoulahan sama'an nantai.

Ibrani 10:33 ပူးပေါင်းရင်းမြစ်များ

1 Korintus 4:9

Apo, monurut aku, Allah udah moonji'i koi boko rasul-Nyo kodudu'an inyo kotakng babah. Sio bulah koi monjadi samo sama'an boko urakng inyo dibaba' koluar pakai' dihukupm mati. Obai koi diporotian urakng disoluruh dunia, ia'an somuo monsio huatan somuo molekat.

2 Korintus 12:10

Obai nantai am, aku sonang mohadapi bomacapm kosusahan pakai' molayati Kristus. Aku sonang aman aku lomah, aman aku dihanyam, aman aku mohadapi mosalah, aman aku disiksa, aman aku mondorita'. Obai, timpu aku lomah, watu nianam aku kuat.

Filipi 1:7

Memang pantas aku bopikir ubo nian mongona'i somuo kaitn obai aku kotakan mongasihi kaitn. Obai, kaitn hala monulukng ku dalapm polayatan ku, ia'an nantai polayatan inyo Tuhatn onju' ko aku obai Sio honda' monunju'an kasih karunia-Nyo ko aku. Timpu aku ado di dalapm ponjara, timpu ku mombela Kabar Boi' tohadap urakng inyo molawatnnyo, timpu ku mombutian Kabar Boi' nantai bondar, kaitn hala monulukng ku dalapm polayatan nantai.

Filipi 4:14

Apo, boi' jam kaitn udah monulukng ku di dalapm koadaan uyuh ni'in.

1 Tesalonika 2:14

Butinyo ia'an kaitn sonjumpat'an caro hidup inyo samo sama'an boko urakng inyo pocayo ko Kristus Yesus di doerah Yudea. Lopas kaitn monjadi pocayo, kaitn didorako'i boko urakng doi' banso kaitn siku'. Sama'an nantai jam, lopas boko urakng Yahudi di doerah Yudea monjadi pocayo, sia' didorako'i boko urakng doi' banso sia' sikuꞌ.

2 Timotius 1:8

Jadi, jangan malu momboritoan mongona'i Tuhatn kito. Jangan malu mongona'i aku inyo dimansu'an ko dalapm ponjara obai molayati Sio. Apo, agatn kokuatan doi' Allah, tuyutcam ajab sonsaro obai pomboritoan Kabar Boi' nantai.

Ibrani 11:26

Io bopikir mongona'i upah inyo dionju' Allah nononyo. Obai nantai, io mooso aman io dihanyam demi Rajo Inyo Dijanjian Allah, hal nantai lobih borogo daripado somuo kodampuan di nogori Mesir inyo ulih monjadi umputn io.

Ibrani 11:36

Ado boko urakng inyo pocayo inyo dihanyam, dicambuk, dikobat agatn rantai ongko inyo ditamoan ko dalapm ponjara.

Ibrani 12:4

Memang kaitn bojuakng molawatn dosa, apo bolupm kalo gola' sampai mati sama'an Yesus.

Ibrani 13:13

Obai nantai, mara am kito botula' ko Yesus di luar junjukng-potungguan ongko jumpat dihanyam jam samo sama'an Sio komai.