Ibrani 10:28 - Porjanjian Boharu Torjomahan Baso Dilakng Soari-ari

²⁸ Watu joman komai, aman duo damo tigo urakng bosasi obai ado urakng inyo monula' Hukupm Allah inyo dionju' Musa, jadi urakng nantai dihukupm mati. Conyiant amputn-adilnyo inyo ditunju'an ko io.

Ibrani 10:28 ပူးပေါင်းရင်းမြစ်များ

Matius 18:16

Aman io kinyo honda' mondinga'an nosihat kaitn, botula'cam agi' ko io agatn mombaba' siku' damo duo urakng. Obai sotiap pokaro pontikng duo tigo sasi pakai' momastian pokaro nantai bondar-bondar tojadi.

Yohanes 8:17

Di dalapm Hukupm Torat kaitn ado totulis ubo ni'in: Aman duo urakng bosasi hal inyo samo, jadi kosasian sia' nantai bondar.

Roma 9:15

Obai, Allah bohak momilih sopo ja' inyo Sio kohonda'i. Sama'an la'apo inyo Sio padahan ko Musa, “Aku tajahan monunju'an kasih-Ku ko urakng inyo kohonda' Ku monunju'an kasih. Aku tajahan monunju'an bolas-kasihan ko urakng inyo kohonda'Ku monunju'an bolas-kasihan.”

2 Korintus 13:1

Aku paca'an datakng agi' ko kaitn kotigo kalinyo. Ado di Buku Suci, “Sotiap pokaro pontikng duo damo tigo sasi pakai' momastian pokaro nantai bondar-bondar tojadi.”

Ibrani 12:25

Porotian cam oca' kaitn jangan monula' Allah inyo bopandir. Timpu joman komai Sio momporingant'i sia' di bumi ni'in. Ongko sia' inyo monula' Sio nantai, sia' dihukupm. Tolobih agi' kito! Aman kito monula' Sio inyo bopandir doi' sorugo, pasti kito tajahan dihukupm!

Ibrani 2:2

Obai soandainyo, Pomandiran Allah inyo disampaian boko molekat ko boko angki-bayatn kito ija' joman komai tonyato bondar sampai boko urakng inyo kinyo monurutinyo dihukupm sosuai agatn porbuatan sia',

Yakobus 2:13

Watu ari ponghakipan Allah co paca'an monunju'an koboi'an ko urakng inyo co monunju'an koboi'an. Apo, boko urakng inyo monunju'an koboi'an, sia' co gola' dihukupm.