Ibrani 10:26 - Porjanjian Boharu Torjomahan Baso Dilakng Soari-ari

²⁶ Obai, aman kito songajo bulah dosa lopas kito monorima' ajaran inyo bondar, jadi conyiant kurbatn posombahan agi' inyo ulih mohapus dosa nantai.

Ibrani 10:26 ပူးပေါင်းရင်းမြစ်များ

Lukas 12:47

Hulutn inyo udah mongotohu'i kohonda' habakngnyo, apo kinyo molabuhannyo, co siap pakai' mohimpa'inyo, io tajahan dihukupm kotakng borat.

Yohanes 13:17

Aman kaitn tohu somuo nantai, jadi kaitn paca'an diborokati aman kaitn molabuhannyo.

Yohanes 9:41

Timbas Yesus agatn sia', “Soandainyo kaitn buto, kaitn co bodosa. Apo kaitn mongatoan kaitn ulih moniant. Jadi, ija' ado dosa kaitn.”

2 Tesalonika 2:10

Io momakai somuo macapm caro inyo jahat pakai' monyosat'an boko urakng huatan paca'an bohasil mongontumbuki sia' inyo paca'an bonaso. Sia' kinyo paca'an disolamant'an obai sia' co honda' pocayo Kabar Boi' inyo bondar mongona'i Yesus.

1 Timotius 1:13

Padohal, komai aku ninam urakng inyo mohayam Sio. Aku mondorako'i somuo urakng inyo pocayo ko Sio. Boko porbuatanku nantai kotakan jahat. Apo Yesus monunju'an kasih-Nyo ko aku. Sio molabuhan nantai obai aku bolupm pocayo ko Sio. Aku bolupm mongotohu'i boko porbuatanku nantai kotakan jahat.

1 Timotius 2:4

Obai Allah mongohonda'i oca' somuo urakng disolamant'an. Allah honda' somuo urakng mongotohu'i ajaran inyo bondar.

Yakobus 4:17

Kaitn udah mongotohu'i la'apo inyo boi'. Jadi, urakng inyo udah mongotohu'i nantai, apo co molabuhannyo, urakng ubo nian bodosa.

1 Yohanes 5:16

Aman ado di antaro kaitn inyo moniant somadikannyo bulah dosa, masudku ubo dosa inyo kinyo bulah io bosongkayo doi' Allah somanah-manahnyo, kaitn gola' bodoa pakai' io, lalu Allah tajahan moonji'i kohidupan inyo kokal ko urakng inyo bulah dosa inyo kinyo bulah io bosongkayo doi' Allah somanah-manahnyo. Apo ado dosa inyo tajahan bulah io bosongkayo doi' Allah somanah-manahnyo. Aku co momadahan obai kaitn gola' bodoa pakai' urakng inyo bulah dosa ubo nantai.