Ibrani 10:25 - Porjanjian Boharu Torjomahan Baso Dilakng Soari-ari

²⁵ Jangannam kito botongga' bokumpul sombayakng, sama'an inyo udah biaso dilabuhan boko urakng. Apo, mara kito hala monguat'an hati inyo bukainyo, lobih-lobih agi' obai kito udah tohu kinyo manah agi' Tuhatn tajahan bobali' datakng.

Ibrani 10:25 ပူးပေါင်းရင်းမြစ်များ

Matius 10:15

Dinga'ancam ni'in! Hukupan inyo sia' torima' watu Ari Ponghakipan paca'an lobih borat doi' hukupan ko kota Sodom agatn Gomora di joman komai.”

Matius 18:20

Obai, aman ado duo ongko tigo urakng bokumpul obai pocayo ko Aku, ongko Aku pan ado di tongah-tongah sia'.”

Yohanes 12:48

Apo, pas ahir joman nononyo, somuo urakng inyo monula' Aku, somuo urakng inyo co mondinga' pomandiran-Ku, sia' paca'an dihukupm. Sia' paca'an dihukupm sosuai agatn ajaran inyo udah Aku sampaian. Pomandiran inyo Aku sampaian monjadi sama'an hakipm inyo mohukupm sia'

Kisah Boko Rasul 16:16

Timpu ari inyo bukainyo, koi botula' agi' ko tompat bodoa nantai. Dalapm pojalatan ko su'utn, koi botomu siku' urakng hulutn botina'. Hulutn botina' nantai udah dikuaso'i ulih roh potonung. Roh potonung nantai bulah hulutn botina' nantai ulihnyo botonungan la'apo inyo paca'an tojadi nononyo ko boko urakng inyo minto potonungan. Obai nantai am boko habakngnyo nantai mondapat kountukan inyo bosar.

Kisah Boko Rasul 2:1

Watu Ari Pentakosta, somuo urakng inyo pocayo agatn Yesus bokumpul. Sia' bokumpul di sobuah rumah.

Kisah Boko Rasul 2:42

Sia' hala tuyut somuo ajaran boko rasul. Somuo sia' opat bokumpul bosamo boko urakng bukai inyo pocayo. Sia' opat makatn huatan bodoa bosamo.

Kisah Boko Rasul 20:7

Pado ari potamo dalapm minggu nantai, koi huatan boko urakng pocayo di Troas bokumpul. Koi somuo honda' morayaan Porjamuan Kudus. Paulus huatan koi kawal sopojalatannyo bohajat pakai' botula' doi' Troas sunsukng hobu'nyo. Ongko, Paulus mongajar sia' manah bondar, sampai tongah malapm.

Roma 12:8

Aman ado urakng inyo dionji'i komampuan husus pakai' moonji'i somangant ko urakng bukai, io gola' moonji'i somangant. Urakng inyo dionji'i komampuan husus pakai' mombagi umputnnyo ko urakng bukai, io gola' molabuhan nantai agatn boi' hati. Urakng inyo dionji'i komampuan husus pakai' momimpitn, io gola' molabuhan nantai agatn rajitn. Urakng inyo dionji'i komampuan husus pakai' monunju'an kasih ko urakng bukai, io gola' molabuhan nantai agatn sonang.

1 Korintus 11:20

Watu kaitn bokumpul, kaitn kinyo bondar-bondar morayaan Porjamuan Tuhatn.

1 Korintus 3:13

Pokoroja'an somuo urakng nantai paca'an diuji agatn api pado ari ponghakipan. Pado watu nantai paca'an dikotohu'i agatn jolas apobai hasil pokoroja'an sotiap urakng nantai boi' damo cado.

1 Korintus 5:4

Timpu kaitn bokumpul dalapm damo Yesus, Tuhatn kito, watu nantai jam, hati aku ado bosamo kaitn. Jadi, watu nantai, hukupmcam urakng nian agatn kuaso Yesus, Tuhatn kito.

Filipi 4:5

Honda'nyo somuo urakng ulih moniant sikap kaitn inyo boi' hati. Ingant! Tuhatn Yesus kinyo manah agi' datakng am.

1 Tesalonika 4:18

Obai nantai, gola' hala salikng moingant'an mongona'i ajaran nantai oca' hati kaitn masikng-masikng dikuatan.

1 Tesalonika 5:11

Obai nantai, gola' hala salikng moingant'an mongona'i ajaran nantai oca' hati kaitn masikng-masikng dikuatan. Gola' sosamo bontulukan oca' kopocaya'an kaitn ko Yesus monjadi lobih kuat. Memang kaitn tongahan molabuhan nantai jam.

Ibrani 10:24

Mara kito hala monulukng inyo bukai ongko hala moingant'an inyo bukainyo pakai' mongasihi ongko bulah koboi'an.

Ibrani 10:37

Ingantcam pomandiran inyo ditulis ni'in di Buku Suci: “Sio inyo tajahan datakng kinyo paca'an monunda'-nunda'. Kinyo manah agi', Sio datakng.

Ibrani 13:22

Boko somadikan, aku muhun oca' kaitn sabar monorima' somuo nosihatku dalapm surat. Obai, suratku ko kaitn ni'in kinyo panjakng.

Ibrani 3:13

Apo kaitn gola' hala monguat'an inyo bukainyo sotiap ari, somanah ija' ado kosompatan timpu joman ni'in inyo disobut ‘Sari ni'in’. Labuhan nantai oca' kinyo ado di antaro kaitn inyo ditipu ulih dosa lalu monjadi korikng hati monula' Allah.

Yakobus 5:8

Kaitn gola' sabar sama'an nianam. Kaitn gola' totap pocayo ko Tuhatn bobondar obai co manah agi' Tuhatn paca'an datakng agi'.

1 Petrus 4:7

Boko somadikan ahir dunia ni'in udah dampikam. Obai nantai, kaitn gola' kondalian diri kaitn, ongko hala siap oca' kaitn ulih bodoa.

2 Petrus 3:11

Jadi, obai somuo hal tajahan hancur sama'an nantai, soharusnyo kaitn hidup agatn caro inyo mono? Kaitn gola' kinyo bodosa ongko hidup sama'an Allah kohonda'i.

2 Petrus 3:14

Obai nantai, boko somadikanku inyo ku kasihi, kapikng kaitn monanti pakai' somuo hal nantai tojadi, kaitn gola' bousaha oca' kaitn ado hubukan boi' agatn Allah. Kaitn gola' hidup agatn caro nantai oca' Sio moniant kaitn kinyo bodosa apo hidup suci di hadapan-Nyo.

2 Petrus 3:9

Ado boko urakng inyo bopikir Tuhatn moulur-ulur monopat'i janji-Nyo. Apo sobondarnyo Sio kinyo moulur-ulur. Sio sabar agatn kaitn. Obai, Sio kinyo honda' ado urakng inyo bonaso. Sio honda' oca' somuo urakng moninggalan dosa sia' ongko hidup monyonangan Sio.

Yudas 1:19

Boko urakng nantai gala' bulah kaitn topocah-bolah. Sia' kinyo dikuaso'i Roh Allah, apo dikuaso'i boko kohonda' dunia.