Ibrani 10:19 - Porjanjian Boharu Torjomahan Baso Dilakng Soari-ari

^19-20 Jadi, boko somadikan, obai Yesus mati pakai' kito, jadi watu ni'in kito ulih mansu' ko dalapm hadirat Allah. Samo sama'an sia' ulih mansu' ko bolikat tidikng ia'an ko dalapm Ruakan Maho Suci di Rumah Allah. Obai, bukakng-tubuh Yesus siku' monjadi tidikng nantai. Sio udah mombuka' jalatn boharu nantai pakai' jalatn kito inyo moonji'i kohidupan.

Ibrani 10:19 ပူးပေါင်းရင်းမြစ်များ

Efesus 2:18

Kito doi' koduo pihak nantai ulih datakng ko Allah Bopai agatn caro inyo samo, ia'an molalu'i Kristus. Somuo kito dionji'i Roh Allah inyo samo inyo mombulah nantai tojadi.

Ibrani 9:12

Kristus udah mansu' ko dalapm Ruakan Maho Suci di dalapm potungguan nantai sokali pakai' somanah-manahnyo. Sio kinyo mombaba' darah kambikng sabukan damo darah ana' sapi, apo Sio mansu' agatn mombaba' darah-Nyo siku'. Agatn sama'an nantai, Sio udah mombebasan kito doi' hukupan dosa kito pakai' somanah-manahnyo.

Ibrani 4:16

Obai sama'an nian am Imam Agukng kito, mara cam kito borani bodoa ko Allah inyo monunju'an kasih karunia-Nyo. Agatn sama'an nantai, Allah paca'an monunju'an bolas kasih ongko kasih karunia-Nyo ko kito. Sio paca'an monulukng kito topat watunyo.

Efesus 3:12

Obai kito pocayo ko Kristus, jadi di dalapm Sio, kito bebas datakng ko Allah. Kito kinyo paca'an gola'.

Roma 5:2

Obai kito pocayo ko Yesus, jadi kito jam ulih moalapi koboi'an inyo Allah torus-monorus ditunju'an ko kito. Nantaiam koadaan hubukan kito agatn Allah watu ni'in. Apo kito jam sonang-nyamanam obai kito yakitn moharapan obai nono kito paca'an mondapat'an hidup inyo mulia bosamo Allah di sorugo.

Ibrani 12:28

Jadi, mara am kito bosukur ko Allah, obai kito monjadi warga Korajaan-Nyo inyo kinyo toguncakng. Mara am kito monyombah Allah agatn caro inyo monyonangan Sio, ia'an agatn hormat ongko gola' agatn Sio.

1 Yohanes 4:17

Agatn ubo ni'inan kito paca'an tohu aman kito bondar-bondar ado kasih Allah di dalapm hati kito: Ia'an nantai aman kito co gola'an Ari Ponghakipan nononyo. Kito jangan gola'am obai di dunia ni'in kito hidup agatn caro inyo samo sama'an Kristus.

Roma 8:15

Komainyo, kaitn samo sama'an pacal inyo ponggola'an. Apo, Roh Allah inyo dionju' ko kaitn kinyo bulah kaitn monjadi samo sama'an nantai agi'. Roh Allah bulah kaitn monjadi poana'an Allah. Obai Roh-Nyo nantai, kito moningkau, “Oi Allah! Duatn Bopaiku!”

2 Timotius 1:7

Obai Allah moonji'i Roh-Nyo ko kito bukainyo pakai' bulah kito monjadi urakng inyo ponggola'an. Apo Sio moonji'i Roh-Nyo ko kito pakai' bulah kito kuat, bulah kito ulih mongasihi huatan mongondalian diri kito.

Ibrani 9:3

Di buai bolikat tidikng koduo ado ruakan inyo disobut Ruakan Maho Suci.

Ibrani 7:25

Obai nantai, Sio sanggup monyolamant'an somuo urakng agatn sompurna inyo datakng ko Allah molalu'i Sio. Sio hala hidup pakai' monjadi Porontaro inyo momuhun ko Allah pakai' sia'.

Ibrani 3:1

Obai nantai boko somadikan, inyo ditingkau jam monjadi boko urakng inyo husus umputn Allah, kaitn gola' bondar-bondar momporhatian Yesus inyo kito tuyut'i. Sio diutus Allah. Sio monjadi Imam Agukng kito.

Ibrani 3:6

Apo Kristus sotia sobagai Ana' inyo bokuaso agatn rumah Allah, ia'an kito. Kito ia'an rumah-Nyo aman kito totap kuat pocayo ko Yesus huatan yakitn moharap'an agatn somuo hal inyo paca'an dionju' Sio ko kito nononyo. Somuo hal nantai mombulah hati kito rindakng.

Ibrani 10:18

Obai somuo dosa nantai udah diamputi, jadi conyiant kurbatn agi' inyo gola' diposombahan pakai' mohapus dosa.

Ibrani 10:35

Obai nantai, jangannam kaitn monyorah. Aman kaitn totap kuat pocayo, jadi nononyo kaitn tajahan bodapat upah bosar.