Ibrani 10:18 - Porjanjian Boharu Torjomahan Baso Dilakng Soari-ari

¹⁸ Obai somuo dosa nantai udah diamputi, jadi conyiant kurbatn agi' inyo gola' diposombahan pakai' mohapus dosa.

Ibrani 10:18 ပူးပေါင်းရင်းမြစ်များ

Ibrani 10:2

Soandainyo sia' inyo monyombah Allah agatn caro nantai, bondar-bondar monjadi borosih doi' dosa sia', jadi sia' kinyo paca'an mooso obai sia' ija' bodosa. Lopasnyo sia' mombaba' sokali kurbatn posombahan, sia' kinyo paca'an mombaba' posombahan agi'.

Ibrani 10:14

Agatn momposombahan sobuti' kurbatn nantai, Sio mombulah oca' boko urakng ulih monjadi borosih doi' dosa sia'. Sio mombulah sia' monjadi sompurna pakai' somanah-manahnyo.

Ibrani 10:17

Ongko Tuhatn bopandir agi', “Aku tajahan moamputi kosalahan sia', ongko kinyo monggonang agi' boko dosa sia'.”

Ibrani 10:19

Jadi, boko somadikan, obai Yesus mati pakai' kito, jadi watu ni'in kito ulih mansu' ko dalapm hadirat Allah. Samo sama'an sia' ulih mansu' ko bolikat tidikng ia'an ko dalapm Ruakan Maho Suci di Rumah Allah. Obai, bukakng-tubuh Yesus siku' monjadi tidikng nantai. Sio udah mombuka' jalatn boharu nantai pakai' jalatn kito inyo moonji'i kohidupan.