Ibrani 10:14 - Porjanjian Boharu Torjomahan Baso Dilakng Soari-ari

¹⁴ Agatn momposombahan sobuti' kurbatn nantai, Sio mombulah oca' boko urakng ulih monjadi borosih doi' dosa sia'. Sio mombulah sia' monjadi sompurna pakai' somanah-manahnyo.

Ibrani 10:14 ပူးပေါင်းရင်းမြစ်များ

Kisah Boko Rasul 20:32

Ni'inan, aku monyorahan kaitn ko Allah. Mudahan Allah molinduki kaitn. Totap ja' pocayo ko Kabar Boi' mongona'i koboi'an Allah. Mudahan Allah huatan Kabar Boi' nantai hala bulah hati kaitn pocayo ko Yesus mongkitn kuat. Obai Allah bokuaso moonji'i tuah inyo udah disodiaan husus bayo pakai' umant kokidah-Nyo.

Kisah Boko Rasul 26:13

Apo, dinga' ni'in bo rajoku, pas tongah ari dalapm pojalatan ko kota Damsyik nantai, sopongirap ado cohayo doi' langit. Cohayo nantai lobih torakng doi' matoari. Cohayo nantai momanjah sokolilikngku huatan boko pokawalan inyo bojalatn bosamo agatn aku.

Roma 15:16

ia'an nantai Sio moutus aku monjadi urakng inyo molayati Kristus Yesus di antaro boko banso bukainyo banso Yahudi. Aku samo sama'an imam inyo moonju' posombahan ko Allah. Obai, aku momboritoan Kabar Boi' doi' Allah ko sia' oca' sia' ulih ditorima' Allah obai Roh Allah bulah sia' monjadi borosih doi' dosa.

Efesus 5:26

oca' sia' monjadi borosih doi' dosa sia'. Sio momakai ara'i huatan Pomandiran Allah pakai' mombulah sia' borosih.

Ibrani 10:1

Porintah ongko poraturan di dalapm Hukupm Torat bayo sama'an kiasan mo doi' boko hal inyo boi' inyo datakng molalu'i Kristus. Hukupm Torat nantai kinyo monunju'an kosolamant'an inyo sobondarnyo. Obai nantai, boko urakng inyo datakng torus-monorus mombaba' posombahan inyo samo sotiap tohutn, sia' kinyo mungkitn monjadi sompurna di hadapan Allah agatn caro monuruti Hukupm Torat sama'an nantai.

Ibrani 10:10

Obai, memang Yesus Kristus udah molabuhan kohonda' Allah. Ia'an, Sio momposombahan bukakng-tubuh-Nyo siku' sokali mo pakai' somanah-manahnyo. Sio molabuhan nantai oca' kito di borosihi doi' dosa kito.

Ibrani 10:12

Apo Kristus momposombahan sobuti' kurbatn mo pakai' somanah-manahnyo, ia'an diri-Nyo siku', pakai' mohapusan dosa. Lopas nantai, Sio dudu' di tompat inyo tohormat di sopia' kanan Allah.

Ibrani 13:12

Nantaiam sobabnyo Yesus mati di luar pintu gerbakng kota jam, oca' umat-Nyo ulih diborosihi doi' dosa sia' agatn momakai darah-Nyo siku'.

Ibrani 2:11

Yesus momborosihi monsio doi' dosa. Sio inyo momborosihi ongko sia' inyo diborosihi, Bopai sia' siku'. Nantai am alasannyo Yesus kinyo malu monyobut sia' boko somadikan-Nyo.

Ibrani 7:19

Hukupm Torat nantai kinyo ulih mombulah siku' monsio pan monjadi sompurna di hadapan Allah. Apo watu ni'in, molalu'i Yesus, kito dionji'i harapan inyo lobih boi'. Agatn sama'an nantai, kito ulih datakng dampikng ko Allah.

Ibrani 7:25

Obai nantai, Sio sanggup monyolamant'an somuo urakng agatn sompurna inyo datakng ko Allah molalu'i Sio. Sio hala hidup pakai' monjadi Porontaro inyo momuhun ko Allah pakai' sia'.

Ibrani 9:10

Boko poraturan nantai mongona'i makatan, minuman, huatan bomacapm upacara agama pakai' mombulah urakng borosih. Boko poraturan nantai ongkah poraturan pakai' bukakng-tubuh bukatn hati, huatan boko poraturan nantai ongkah boguno sampai Allah mombulah somuonyo boharu.

Ibrani 9:14

boroti darah Kristus lobih boi' agi'. Molalu'i Roh Allah inyo hala ada'an, Kristus udah momposombahan diri-Nyo siku' ko Allah. Sio nam kurbatn posombahan inyo sompurna. Darah-Nyo mombulah hati kito monjadi borosih doi' boko porbuatan inyo kinyo bondar oca' kito ulih monyombah Allah inyo hidup.

Yudas 1:1

Surat ni'in doi' aku, Yudas, hulutn Yesus Kristus. Aku pan somadikan Yakobus. Surat ni'in ko boko urakng inyo ditingkau, ia'an boko urakng inyo dikasihi Allah Bopai, boko urakng inyo Allah jago oca' ulih monjadi umputn Yesus Kristus.