Ibrani 10:11 - Porjanjian Boharu Torjomahan Baso Dilakng Soari-ari

¹¹ Monurut caro potamo, somuo imam molabuhan tugas sia' sotiap ari. Sia' boulakng-ulakng momposombahan boko kurbatn inyo samo. Apo, boko kurbatn nantai samo sokali co mohapusan dosa.

Ibrani 10:11 ပူးပေါင်းရင်းမြစ်များ

Ibrani 10:1

Porintah ongko poraturan di dalapm Hukupm Torat bayo sama'an kiasan mo doi' boko hal inyo boi' inyo datakng molalu'i Kristus. Hukupm Torat nantai kinyo monunju'an kosolamant'an inyo sobondarnyo. Obai nantai, boko urakng inyo datakng torus-monorus mombaba' posombahan inyo samo sotiap tohutn, sia' kinyo mungkitn monjadi sompurna di hadapan Allah agatn caro monuruti Hukupm Torat sama'an nantai.

Ibrani 10:4

Obai, darah sapi sabukan agatn darah kambikng sabukan co mungkitn mohapus dosa.

Ibrani 5:1

Sotiap imam agukng dipilih doi' monsio. Io diangkat monjadi porontaro pakai' monsio dalapm hubukan sia' agatn Allah. Imam agukng monguti' posombahan boko urakng lalu moonju'nyo ko Allah, tomansu' boko kurbatn bonatakng inyo diposombahan oca' boko dosa sia' diamputi.

Ibrani 7:27

Yesus kinyo sama'an boko imam agukng inyo bukai nantai. Sia' gola' momposombahan kurbatn bonatakng sotiap ari oca' dosa sia' siku' diamputi. Lopas nantai, hoyu' sia' momposombahan kurbatn oca' dosa boko urakng bukai diamputi. Apo timpu Yesus momposombahan diri-Nyo siku', Sio momposombahan kurbatn sokali pakai' somanah-manahnyo oca' dosa boko urakng ulih diamputi.

Ibrani 8:2

Sio nam Imam Agukng inyo molayati di Ruakng Maho Suci, ia'an di potungguan inyo sojatinyo dipulah Tuhatn bukainyo dipulah monsio.

Ibrani 8:4

Soandainyo Sio ija' ada'an di dunia ni'in, jadi Sio kinyo tajahan monjadi imam. Obai, udah ado boko imam di dunia ni'in inyo moonju' posombahan sosuai agatn poraturan dalapm Hukupm Torat.