Ibrani 1:14 - Porjanjian Boharu Torjomahan Baso Dilakng Soari-ari

¹⁴ Apo boko molekat ia'an boko roh inyo molayati Allah. Sia' diutus pakai' monulukng boko urakng inyo tajahan monorima' kosolamant'an.

Ibrani 1:14 ပူးပေါင်းရင်းမြစ်များ

Matius 1:20

Apo timpu Yusuf tongahan momikiran hal nantai, datakam molekat Tuhatn Allah ko io dalapm mimpi. Molekat nantai bopandir, “Yusuf, koturutan Rajo Daud, jangan gola' monguti' Maria pakai' monjadi bini kolai. Obai, kuaso Roh Allah inyo bulah Maria buntikan.

Matius 13:41

Ana' Monsio paca'an monyiuh boko molekat-Nyo. Sia' paca'an mongumpulan somuo hal inyo monyobab'an monsio bulah dosa ongko boko urakng inyo molabuhan kojahatan. Boko molekat nantai paca'an mongoluaran somuo inyo jahat nantai doi' Koraja'an-Nyo,

Matius 18:10

Ingantcam, jangan mohayam salah siku' doi' boko urakng kocit ni'in. Obai, dinga'anbo ni'in: Ado boko molekat di sorugo inyo monjago'i sia'. Boko molekat nantai hala ado di hadapan Bopai-Ku di sorugo. [

Matius 2:13

Lopas jadi boko urakng majus nantai botula', molekat Tuhatn Allah datakng ko Yusuf dalapm mimpi. Molekat nantai bopandir, “Rajo Herodes paca'an monggoyapi Bobia' nantai oca' ulih mombunuh Sio. Jadi huascam, baba' Bobia' nantai agatn indai-Nyo pindah ko Mesir. Bodiapmcam di su'utn sampai Aku momandiran ko kolai pakai' bobali'.”

Matius 24:31

Sio paca'an moutus boko molekat-Nyo agatn bunyi trompet inyo kotakng borakng. Boko molekat nantai paca'an mongumpulan boko urakng inyo dipilih Allah doi' hujukng timur sampai ko hujukng barat, huatan doi' hujukng utara sampai ko hujukng solatatn.”

Matius 25:34

Lalu, sobagai Rajo, Sio paca'an bopandir ko boko urakng di sopia' kanannyo, ‘Maracam, kaitn inyo diborokati ulih Bopai-Ku! Mansu'cam ko dalapm Koraja'an inyo disodiaan pakai' kaitn tangga'i dunia dipulah.

Matius 4:11

Pas, Rajo Sitatn moninggalan Yesus. Ongko boko molekat datakng molayati Sio.

Markus 10:17

Timpu Yesus molajuan pojalatan-Nyo agi', ado urakng bonggidi'an monuju ko Sio. Urakng nantai tundu' monyungkapan di pohadapan Yesus ongko botakutn, “Guru inyo boi', la'apo inyo gola' ku labuhan oca' bodapat hidup kokal?”

Lukas 1:19

Timbas molekat nantai ko io, “Aku ninam molekat Gabriel inyo molayati Allah. Aku udah diutus pakai' bopandir ko kolai huatan monyampaian borito boi' nantai ko kolai.

Lukas 1:23

Giliran tugas Zakharia jadi am. Ongko, io pulakng doi' kota Yerusalem ko rumahnyo sikuꞌ.

Lukas 16:22

Koponsuahannyo Lazarus matiam. Boko molekat mombaba'nyo ko sorugo dudu' di sopia' Abrahapm, tompat inyo tohormat. Urakng dampu nantai pan mati jam ongko dipasar.

Lukas 2:13

Sopongirap kotiat'anam kotakng banya' boko molekat. Boko molekat nantai somuonyo momuji Allah huatan bopandir,

Lukas 2:9

Sopongirap molekat Tuhatn moniant'an dirinyo ko sia', ongko cohayo torakng doi' Allah monoraki di sokitar sia'. Sia' kotakan gola'.

Kisah Boko Rasul 11:22

Di kota Yerusalem boko urakng inyo pocayo Yesus mondinga' borito doi' Antiokhia nantai. Jadi, sia' moutus Barnabas ko su'utn.

Kisah Boko Rasul 12:23

Herodes monjadi kotakan buhau huatan co mohormati Allah. Obai nantai, lansukng ado molekat doi' Allah inyo bulah io sakit kuat. Porutnyo dipua'i boko cacikng. Co manah lopas nantai, io mati.

Kisah Boko Rasul 12:7

Sopongirap ado molekat Tuhatn moniant'an dirinyo ko Petrus. Torakng momanjah di dalapm ruakan ponjara nantai. Molekat nantai mongguyakng-guyakng Petrus pakai' monggagaian io. Kato molekat nantai, “Cocopat huas!” Watu nantai jam, boko rantai tolopas doi' longan Petrus.

Kisah Boko Rasul 13:2

Timpu, sia' bokumpul pakai' bopuaso huatan bodoa. Watu nantai, Roh Allah bopandir ko sia', “Aku momilih Barnabas ongko Saulus molabuhan polayatan husus pakai' molayati boko urakng di doerah bukai. Jadi, tugasan sia' duo pakai' molabuhan polayatan nantai.”

Kisah Boko Rasul 16:26

Ntobukan ado gompa bumi. Gompa bumi nantai kotakan kuat sampai pondasi ponjara nantai toguyakng. Lansukng somuo lawakng ponjara nantai tobuka'. Sotiap rantai tolopas doi' somuo tahatan di santai.

Kisah Boko Rasul 27:23

Aku bopandir ubo nantai obai malapm mantai ado molekat datakng ko aku. Molekat nantai diutus Allahku, Allah inyo aku sombah, Allah inyo aku layati. Molekat doi' Allah nantai bodiritn di sopia' aku.

Kisah Boko Rasul 5:19

Apo pas malapm ari, ado molekat datakng mombuka' boko lawakng ponjara nantai ongko moirikan sia' ko luar. Kato molekat nantai,

Roma 11:14

Agatn ubo nian, aku mungkitn ulih bulah banso ku siku' monjadi tungi. Aku boharap agatn boboropo urakng doi' sia' honda' pocayo ko Yesus jam sampai sia' monjadi solamant.

Roma 13:6

Nianam alasan kaitn gola' mombayar pajak. Obai, Allah momakai pomorintah pakai' mourus somuo hal nantai.

Roma 15:16

ia'an nantai Sio moutus aku monjadi urakng inyo molayati Kristus Yesus di antaro boko banso bukainyo banso Yahudi. Aku samo sama'an imam inyo moonju' posombahan ko Allah. Obai, aku momboritoan Kabar Boi' doi' Allah ko sia' oca' sia' ulih ditorima' Allah obai Roh Allah bulah sia' monjadi borosih doi' dosa.

Roma 15:27

Agatn sonang hati, urakng bukainyo urakng Yahudi nantai bulah koputusan pakai' monulukng urakng Yahudi. Memang sia' wajib molabuhan nantai obai ubonyo sia' bohutakng ko urakng Yahudi. Masudku, urakng Yahudi ado hubukan agatn Allah ongko sia' mombagian borokat nantai agatn urakng bukainyo urakng Yahudi. Obai nantai, urakng bukainyo urakng Yahudi wajib mombagian borokat doi' dunia ni'in pakai' monulukng urakng Yahudi.

Roma 8:17

Nah, aman kito ni'in poana'an-Nyo, jadi kito pan tajahan monorima' somuo borokat inyo Sio sodia'an pakai' poana'an-Nyo. Samo sama'an Kristus mondapat'an borokat doi' Allah, kito pan tajahan mondapat'an borokat. Masudnyo, aman kito mondorita' samo sama'an Kristus, kito tajahan monorima' kohidupan inyo mulia samo sama'an Sio jam.

1 Korintus 1:21

Allah bulah koputusan ni'in sosuai agatn kopintar-corodi'an-Nyo. Ia'an, Sio mombulah oca' monsio kinyo ulih mongonal Sio molalu'i kopintar-corodi'an monsio. Jadi, agatn sonang hati Allah monyolamant'an urakng inyo pocayo agatn momakai caro inyo dianggap budu, ia'an pomboritoan kabar boi'.

2 Korintus 9:12

Obai, timpu kaitn molayati ubo ni'in kaitn tajahan monulukng momonuhi kopontikan boko urakng umputn Allah di Yerusalem. Apo bukainyo bayo nantai. Kaitn pan tajahan bulah banya' boko urakng bosukur agatn Allah.

Galatia 3:29

Obai kaitn nantai umputn Kristus, ongko kaitn monjadi sama'an koturutan Abrahapm. Kaitn monjadi waris inyo paca'an monorima' borokat doi' Allah inyo Allah janjian ko Abrahapm.

Galatia 3:7

Jadi, kaitn gola' mongoroti obai urakng inyo bondar-bondar umant Allah ia'an urakng inyo pocayo ko Allah.

Galatia 3:9

Jadi, Allah momborokati boko urakng pocayo, samo sama'an Abrahapm diborokati obai io pocayo ko Allah.

Efesus 3:6

Sama'an ni'in hajat Allah nantai: Sio mombulah caronyo oca' boko urakng bukainyo urakng Yahudi dapat borokat samo sama'an urakng Yahudi jam. Aman sia' pocayo kabar boi' mongona'i Kristus, sia' monjadi satu umant bosamo agatn urakng Yahudi inyo pocayo. Sia' samo-samo dapat monorima' somuo inyo dijanjian, Allah molalu'i Kristus Yesus.

Filipi 2:17

Apo, aku tajahan totap sonang-nyamanam aman aku dibunuh. Obai, kaitn pocayo ko Kristus ongko hidup molayati-Nyo. Kaitn monjadi samo sama'an kurbatn posombahan ko Allah. Aman aku dibunuh, rotinyo darahku ditumpahan di pucu' posombahan kaitn nantai. Jadi, aku sonang-nyamanam ongko aku tuyut sonang-nyamanam jam agatn kaitn.

Filipi 2:25

Apo, timpu ni'in, aku mooso pontikng mongiripm Epafroditus agi' ko kaitn. Komai, kaitn moutus io pakai' monulukng ku dalapm ponjara di si'itan. Io udah monjadi somadikanku inyo bokorojo ongko bojuakng pakai' Kristus bosamo ku.

2 Tesalonika 1:7

Sio pan paca'an mongkongkanti'i kaitn inyo didorako'i. Ubo nian jam agatn koi. Hal nantai paca'an tojadi pado watu Yesus datakng agi' doi' sorugo. Allah paca'an monyatoan Yesus nantai Tuhatn di pucu' somuo hal. Yesus paca'an datakng bosamo boko molekat-Nyo inyo bokuaso. Api inyo bonyalo bosar paca'an mongoliliki Sio.

Titus 3:7

Agatn ubo nian, kito inyo dipulah bondar obai koboi'an Allah, bohak monorima' hidup somanah-manahnyo inyo kito harapan.

Ibrani 10:11

Monurut caro potamo, somuo imam molabuhan tugas sia' sotiap ari. Sia' boulakng-ulakng momposombahan boko kurbatn inyo samo. Apo, boko kurbatn nantai samo sokali co mohapusan dosa.

Ibrani 2:3

pasti kito tajahan dihukupm aman kito kinyo monaati pomandiran Allah mongona'i kosolamant'an. Tuhatn Yesus siku' inyo potamo monyampaian Pomandiran Allah nantai. Lalu, boko urakng inyo mondinga'an lansukng doi' Sio, sia' monyampaiannyo sampai kito monjadi yakitn mongona'i nantai.

Ibrani 5:9

Agatn caro nantai, Sio monjadi Ponyolamant inyo sompurna. Jadi, Sio ulih moonji'i kohidupan kokal ko somuo urakng inyo taat ko Sio.

Ibrani 6:12

Agatn sama'an nantai, kaitn kinyo tajahan monjadi pocalan, apo kaitn tajahan moikuti toladatn boko urakng inyo pocayo komainyo. Obai sia' pocayo huatan obai sia' sabar, jadi sia' monorima' borokat inyo dijanjian Allah.

Ibrani 6:17

Sama'an nian jam, Allah honda' monunju'an ko boko urakng inyo tajahan monorima' borokat inyo dijanjian-Nyo. Sio honda' oca' sia' lobih yakitn agatn hajat Sio kinyo tajahan borubah. Obai nantai am Allah monguat'an janji-Nyo agatn sumpah.

Ibrani 8:6

Apo watu ni'in, Yesus ado polayatan inyo jouh lobih boi' doi' polayatan boko imam di dunia. Obai, Sio monjadi Porontaro inyo moadoan Pojanjian Boharu inyo Allah pulah agatn monsio. Pojanjian nantai lobih boi' obai boko hal inyo dijanjian Allah lobih boi' jam.

Ibrani 9:28

Sama'an nian jam, Kristus momposombahan diri-Nyo sokali mo pakai' monanggukng hukupan dosa urakng banya'. Sio paca'an datakng agi' inyo koduo kalinyo, bukainyo pakai' monanggukng dosa agi', apo pakai' monyolamant'an boko urakng inyo monantian kodatakan Sio.

Yakobus 2:5

Boko somadikan inyo ku kasihi! Dinga'anbo ni'in! Allah momilih boko urakng jaro di dunia pakai' monjadi urakng inyo bondar-bondar konal agatn Sio. Obai sia' pocayo ko Yesus, jadi sia' monjadi ahli waris Koraja'an Allah. Nantaiam kodampuan inyo Allah janjian ko somuo urakng inyo mongasihi Sio.

1 Petrus 1:12

Allah momadahannyo ko sia' obai polayatan sia' nantai bukainyo pakai' sia' siku', apo pakai' kaitn. Ia'an, watu ni'in Kabar Boi' mongona'i kosolamant'an nantai udah diboritoan ko kaitn. Nantai tojadi obai Roh Allah inyo diutus doi' sorugo monyoroto'i boko urakng nantai pakai' momboritoan Kabar Boi' nantai. Boko molekat pan honda' mongotohu'i mongona'i Kabar Kosolamant'an nantai.

1 Petrus 1:4

Ia'an kito ulih boharap agatn kuat obai kito paca'an monorima' borokat inyo Allah janjian. Borokat nantai disimpatn di sorugo pakai' kaitn. Borokat nantai tahatn bondar, kinyo tohu rusa', kinyo tohu buru', kinyo tohu kusap.

1 Petrus 3:7

Ubo nian jam, kaitn boko laki: Caro hidup kaitn gola' pongorotian bosamo agatn bini. Obai, kaitn tohu bini lobih lomah doi' laki. Kaitn gola' mohormati bini obai Allah monunju'an koboi'an-Nyo ko sia' jam, ia'an sia' pan ulih mondapat hidup kokaldi sorugo. Kaitn gola' molabuhan nantai oca' conyiant ado la'apo pan inyo mohalaki doa kaitn.

Yudas 1:14

Henokh, koturutan kotujuh doi' Adapm, udah momadahan doi' komai obai sia' paca'an dihukupm. Kato io, “Tiatcam! Tuhatn paca'an datakng agatn boribu-ribu molekat-Nyo.

Wahyu 5:6

Lalu, aku moniant siku' Ana' Domba inyo kotiat'annyo samo sama'an udah disombolih. Sio bodiritn di tongah-tongah tahta, koompat mahluk, ongko koduo puluh ompat pomimpitn nantai. Sio ado tujuh tandu' ongko tujuh mato. Nantai ia'an tujuh Roh Allah inyo diutus ko soluruh dunia.