Galatia 6:2 - Porjanjian Boharu Torjomahan Baso Dilakng Soari-ari

² Kohonda'nyo kaitn gola' hala bontulukan, monulukng kosusahan urakng bukai. Nantaiam kaitn hidup sosuai agatn porintah Kristus pakai' salikng mongasihi.

Galatia 6:2 ပူးပေါင်းရင်းမြစ်များ

Matius 8:17

Poristiwa nantai tojadi oca' pomandiran Allah monjadi nyata. Timpu joman komai Nabi Yesaya monulis pomandiran Allah nantai dinga' ni'innan bunyinyo: “Sio nanam monanggukng ajab sonsaro kito huatan monyamani ponyakit kito.”

Lukas 11:46

Yesus monimbas, “Allah tajahan mohukupm kaitn jam boko guru agama Yahudi, obai kaitn mombebat'i boko urakng agatn boko poraturan agama inyo uyuh dilabuhan. Apotolagi', kaitn siku' bolai' monulukng sia' sodikit pan oca' poraturan nantai ulih dilabuhan!”

Yohanes 13:34

Aku moonji'i porintah boharu ko kaitn: Kaitn gola' hala mongasihi siku'-monyiku'. Samo sama'an Aku udah mongasihi kaitn, sama'an nian jam kaitn gola' hala mongasihi siku'-monyiku'.

Yohanes 15:12

Ni'in porintah-Ku: Kaitn gola' totap hala mongasihi, samo sama'an Aku mongasihi kaitn.

Roma 15:1

Kito inyo kuat gola' monulukng urakng inyo kurakng kuat. Kito gola' momporhatian lapo inyo boi' pakai' monulukng urakng bukai monjadi lobih kuat pocayo. Kito gola' bousaha monyonangan siku'-monyiku'. Jangan kito bayo monyonangan diri kito siku'.

Roma 8:2

Obai, kuaso Roh Allah udah molopasan kaitn doi' kuaso dosa ongko hukupan mati nantai. Roh Allah moonji'i kaitn kohidupan inyo sobondarnyo di dalapm Kristus Yesus.

1 Korintus 9:21

Aman aku bosamo agatn boko urakng inyo hidup bebas doi' tuntutan pakai' monaati Hukupm Torat, aku pan hidup bebas doi' tuntutan monaati Hukupm Torat. Aku molabuhan nantai oca' monulukng sia' pakai' pocayo ko Yesus. Apo sobondarnyo aku kinyo bebas doi' monaati Porintah Allah. Aku sobondarannyo monaati Porintah Kristus.

Galatia 6:5

Sotiap urakng gola' botanggukng jawab agatn porbuatan diri kaitn siku'.

1 Tesalonika 5:14

Boko somadikan, koi pan momadahi kaitn oca' moolikan boko urakng inyo lola' bokorojo. Kuatan hati sia' inyo mooso gola'. Tulukngcam urakng inyo uyuh. Sabarcam tohadap somuo urakng.

Yakobus 1:25

Apo Allah momborokati urakng inyo mondinga'an Pandir Allah ongko monaatinyo. Urakng ubo nantai momporhatian Hukupm inyo sompurna, ia'an ajaran inyo mombebasan. Io hala ingant molabuhannyo huatan co kalo mongolupatannyo.

Yakobus 2:12

Jadi boko somadikan, watu kaitn mongatoan la'apo pan damo molabuhan la'apo pan, jangan sampai tongkolupatn ni'in: Nononyo kaitn paca'an dihakipi sosuai agatn hukupm inyo mombebasan.

Yakobus 2:8

Jangan tongkolupatn, dalapm Buku Suci ado porintah ni'in, “Kasihicam sosamo kolai ubo kolai mongasihi diri kolai siku'.” Aman kaitn monaati porintah nian, kaitn monyonangan hati Allah.

1 Petrus 2:24

Kristus siku' pan udah monanggukng hukupan dosa kito watu Sio mati di kayu salib. Sio molabuhan nantai oca' kito jangan bulah dosa agi', oca' kito dapat hidup agatn caro inyo bondar di hadapan Allah. Obai boko luko Kristus, kaitn monjadi nyamanam.

2 Petrus 2:21

Sia' kalo mongonal caro hidup inyo bondar inyo disampaian ko sia'. Apo, watu ni'in sia' monula' boko porintah doi' Allah nantai. Lobih boi' pakai' sia' aman sia' kinyo kalo ulih mongonal nantai.

2 Petrus 3:2

Aku honda' oca' kaitn moingant pomandiran inyo komai udah dipandiran doi' boko nabi Allah, huatan jam oca' kaitn moingant apo inyo boko rasul udah sampaian ko kaitn, ia'an boko porintah doi' Yesus Kristus, Ponyolamant huatan Tuhatn pucu' kito.

1 Yohanes 4:21

Nianam porintah inyo kito torima' doi' Sio: Urakng inyo mongasihi Allah, io gola' mongasihi somadikannyo.