Galatia 6:1 - Porjanjian Boharu Torjomahan Baso Dilakng Soari-ari

¹ Boko somadikan, aman siku' urakng di antaro kaitn ditomuan bulah dosa. Jadi, kaitn inyo hidupnyo dipimpitn Roh Allah gola' monulukng urakng nantai. Kaitn gola' monulukng io oca' io tongga' bulah dosa nantai. Apo, kaitn gola' molabuhan nantai agatn hati inyo tulus. Boboi'cam! Ingant, jangan sampai kaitn pan bulah dosa jam.

Galatia 6:1 ပူးပေါင်းရင်းမြစ်များ

Roma 15:1

Kito inyo kuat gola' monulukng urakng inyo kurakng kuat. Kito gola' momporhatian lapo inyo boi' pakai' monulukng urakng bukai monjadi lobih kuat pocayo. Kito gola' bousaha monyonangan siku'-monyiku'. Jangan kito bayo monyonangan diri kito siku'.

2 Tesalonika 3:15

Apo jangan jam moanggap io sobagai musuh apo totap olikan ja'am io sobagai somadikan.

2 Timotius 2:25

Io gola' onsi' mongajar boko urakng inyo gala' molawatn. Sopo tohu Allah moonji'i kosompatan ko boko urakng inyo gala' molawatn nantai pakai' botongga' bulah dosa huatan tohu mongonal ajaran inyo bondar.

1 Yohanes 5:16

Aman ado di antaro kaitn inyo moniant somadikannyo bulah dosa, masudku ubo dosa inyo kinyo bulah io bosongkayo doi' Allah somanah-manahnyo, kaitn gola' bodoa pakai' io, lalu Allah tajahan moonji'i kohidupan inyo kokal ko urakng inyo bulah dosa inyo kinyo bulah io bosongkayo doi' Allah somanah-manahnyo. Apo ado dosa inyo tajahan bulah io bosongkayo doi' Allah somanah-manahnyo. Aku co momadahan obai kaitn gola' bodoa pakai' urakng inyo bulah dosa ubo nantai.

2 Korintus 2:7

Jadi, ni'in, kaitn gola' moamputi io, ongko mohibur io oca' hatinyo kinyo monjadi kotakan salu' sampai bulah io putus asa.

Ibrani 12:13

Totap bojalatn cam di jalatn inyo rato oca' kaki kaitn inyo timpakng jangan tokosilap, apo malah monjadi nyaman-boi'.

1 Petrus 3:15

Apo dalapm hati kaitn hormaticam Kristus sobagai Tuhatn inyo bokuaso pakai' kaitn. Kaitn gola' hala siap monjolasan alasan kaitn boharap ko Kristus. Kaitn gola' monjolasan nantai ko sotiap urakng inyo botakutn mongona'i hal nantai.

Roma 14:1

Ado boko somadikan inyo kurakng kuat pocayo ia'an sia' ija' gangga'-gua'an ulih molabuhan la'apo pan damo cado. Jangan botikakng mongona'i pondapat sia'. Apo, torima'cam sia' agatn sonang hati.

1 Korintus 10:12

Obai nantai, urakng inyo moanggap dirinyo kuat pocayo gola' boboi'. Jangan sampai io jatu' dalapm dosa.

1 Korintus 4:21

Watu aku datakng, kaitn honda' la'apo? Honda' aku datakng agatn mombaba' ponyipat? Kata'an kaitn honda' aku datakng agatn lomah-lombut monunju'an aku mongasihi kaitn?

Yakobus 3:2

Obai, kito somuo molabuhan somuo macapm kosalahan. Apo soandainyo ado urakng inyo co mombulah kosalahan agatn pomandirannyo, io nam urakng inyo sompurna inyo ulih mongondalian bukakng-tubuhnyo.

2 Korintus 10:1

Aku ninam, Paulus, udah tohu obai ado boboropo urakng di antaro kaitn inyo bopandir bunyi ni'in: “Timpu Paulus ado bosamo agatn kito, io sabar. Io borani monogur kito bayo agatn surat timpu io jouh doi' kito.” Jadi, ni'in, aku muhun ko kaitn agatn sabar samo sama'an Kristus jam sabar ongko boi' hati.

Matius 9:13

Jadi, botula' huatan polajaricam masud doi' pomandiran Allah ni'in: ‘Daripado momposombahan kurbatn bonatakng ko Aku, Aku lobih honda' oca' kaitn mooso salu' ko urakng bukai.’ Obai, Aku datakng kinyo pakai' moningkau sia' inyo moanggap dirinyo bondar. Apo Aku datakng pakai' moningkau boko urakng inyo bodosa oca' sia' moninggalan boko dosa sia'.”

1 Korintus 14:37

Aman ado urakng inyo bopikir dirinyo bisi komampuan pakai' monyampaian posatn-pontal doi' Allah, damo io bopikir io bisi komampuan rohani inyo bukai, urakng sama'an nantai gola' mongotohu'i ni'in: Somuo inyo aku pandiran ko kaitn nantai ia'an boko porintah doi' Tuhatn.

1 Korintus 7:5

Jangan hala monula' kohonda' pakai' bohubukan laki-bini. Kocuali ado houpm-kubo bosamo pakai' somontaro watu oca' ulih moutamoan doa. Apo lopas nantai sia' duo kopal-kumpul. Aman cado, Rajo Sitatn ulih moncubo'i kaitn oca' obai kaitn co ulih monahan kohonda' diri kaitn siku'.

1 Korintus 2:15

Apo boko urakng inyo dikuaso'i Roh Allah, sia' mampu momoriso'i la'apo pan. Apo sia' kinyo ulih diporiso'i boko urakng bukai

Roma 8:6

Boko urakng inyo monuruti kohonda' Roh Allah hidup agatn sonang-nyamanam doi' Allah ongko mondapat'an kohidupan inyo bondar. Apo boko urakng inyo monuruti kohonda' monsio, hidup jouh doi' Allah. Sia' mondapat'an hukupan mati somanah-manahnyo

Matius 11:29

Tuyut'i cam porintah-Ku. Bolajarcam doi' Aku, obai Aku lomah-lombut huatan rondah hati. Aman kaitn molabuhan nantai, ongko jiwa kaitn paca'an mooso sonang.

Yakobus 3:13

Aman kaitn bopikir kaitn ado hikmat huatan pongotohuan, kaitn gola' monunju'annyo agatn caro hidup kaitn. Kaitn gola' molabuhan porbuatan inyo boi' agatn boi' hati. Obai, boi' hati datakngnyo doi' hikmat inyo bondar.

Ibrani 13:3

Ingantcam boko urakng inyo di dalapm ponjara sama'an kaitn pan ado di dalapm ponjara bosamo agatn sia'. Ingantcam boko urakng inyo disiksa sama'an kaitn disiksa sama'an nantai jam.

Galatia 5:23

onsi' ngoroti, monguaso'i diri. Co nyiant poraturan mono pan inyo morarakng urakng honda' hidup sama'an nantai!

1 Korintus 3:1

Boko somadikan, timpu aku bosamo kaitn, aku kinyo ulih mongajar kaitn sama'an boko urakng inyo dikuaso'i Roh Allah. Aku gola' mongajar kaitn sama'an boko urakng inyo hidup socaro monsio. Obai watu nantai kaitn samo sama'an boko ija' bobia' dalapm Kristus

Matius 26:75

Petrus toingant agatn pomandiran Yesus ko io, “Sobolupm manu' bokuku', kolai paca'an monyangkal Aku tigo kali.” Lopas nantai, Petrus koluar doi' tongahlamanan rumah nantai, lalu monangis obai kotakan salu'.

Matius 26:69

Timpu nantai, Petrus dudu' di tongah lamanan rumah nantai. Siku' urakng hulutn botina' mondampiki io. Kato hulutn nantai, “Kolai ninam hala bosamo-samo agatn Yesus, urakng doi' doerah Galilea nantai!”

Galatia 6:18

Boko somadikan, Aku bodoa oca' Tuhatn kito Yesus Kristus hala momborokati kaitn. Amin!

1 Tesalonika 4:1

Solanjutnyo, boko somadikan, komai watu koi bosamo agatn kaitn, koi udah mongajar kaitn. Koi mongajar kaitn mongona'i caro hidup inyo monyonangan Allah. Memang kaitn udah mula'i hidup agatn caro nantai. Kaitn udah mongotohu'i obai Tuhatn Yesus moonji'i kuaso ko koi pakai' mongajar sama'an nantai. Obai nantai, ni'in koi kinyo bayo mombaba' apo koi monyosahan kaitn: Hidup pakai' monyonangan Allah lobih somombondarannyo.

2 Korintus 2:8

Obai nantai, aku muhun kaitn monunju'an obai kaitn bobondar mongasihi io.