Galatia 5:3 - Porjanjian Boharu Torjomahan Baso Dilakng Soari-ari

³ Sokali agi' aku mongatoan ko kaitn. Somuo urakng inyo moonju' dirinyo pakai' disunant, sia' gola' monaati somuo Hukupm Torat.

Galatia 5:3 ပူးပေါင်းရင်းမြစ်များ

Galatia 3:10

Apo sotiap urakng inyo bayo bousaha monaati Hukupm Torat, komungkitan paca'an kona' tulah, obai mungkitn sia' co ulih hala monaati somuo porintah huatan poraturan Allah nantai. Obai ado totulis dalapm Buku Suci: “Allah paca'an mohukupm boko urakng inyo kinyo hala sotia monaati somuo Hukupm Torat.”

Roma 2:25

Aman kaitn monaati Hukupm Torat, jadi sunant kaitn ado gunonyo. Apo aman kaitn molanggar Hukupm Torat, jadi sunant kaitn pocumo aja'am.

Efesus 4:17

Obai nantai aku momandiran ni'in, malahan aku monyiuh kaitn dalapm Tuhatn: Jangan agi' hidup sama'an boko urakng inyo kinyo mongonal Allah. Pikiran sia' sia-sia.

Matius 23:18

Kaitn pan mongajaran ubo ni'in jam, ‘Aman ado urakng inyo monguat'an janjinyo agatn bosumpah atas damo mesbah, lalu io co gola' momonuhi sumpahnyo. Apo aman ado urakng inyo monguat'an janjinyo agatn sumpah atas damo posombahan di pucu' mesbah nantai, jadi io gola' momonuhi sumpahnyo.’

1 Yohanes 4:14

Huatan obai koi udah moniant obai Allah Bopai kito udah moutus Ana'-Nyo monjadi Ponyolamant boko urakng di dunia. Koi momboritoan nantai.

1 Tesalonika 4:6

Dalapm hal ni'in, jangan jam bulah dosa ko somadikan bukainyo inyo pocayo ko Yesus. Jangan monggogadati io. Obai Tuhatn paca'an mohukupm boko urakng inyo bulah dosa sama'an nantai. Sokomai, koi udah kalo moingant'an kaitn agatn togas mongona'i hal nantai.

Kisah Boko Rasul 20:21

Aku hala mongajar agatn torus torakng, boi' ko boko urakng Yahudi huatan ko boko urakng Yunani oca' sia' botongga' bulah dosa huatan hidup monyonangan hati Allah. Sia' gola' pocayo ko Yesus, Tuhatn inyo bokuaso pucu' kito.

Kisah Boko Rasul 2:40

Petrus bisi banya' pomandiran inyo bukai agi' pakai' monguat'an hati sia' huatan moingant'an sia'. Katonyo, “Allah tajahan monjatu'an hukupan ko boko urakng joman ni'in inyo jahat. Culih hala sonjumpat'an sia' oca' kaitn disolamant'an doi' hukupan nantai.”

Lukas 16:28

Aku bisi lima' urakng somadikan inyo ija' hidup di dunia. Siuh Lazarus momporingant'i sia' pakai' botongga' bulah dosa huatan hidup monyonangan hati Allah oca' nononyo lopas jadi mati, sia' co mansu' ko tompat ajab sonsaro ni'in jam.’

Matius 23:16

Allah paca'an mohukupm kaitn boko pomimpitn inyo buto. Kaitn co moniant jalatn inyo bondar huatan monyosat'an urakng bukai. Kaitn mongajaran ubo ni'in: ‘Aman ado urakng inyo monguat'an janjinyo agatn bosumpah atas damo Rumah Allah, lalu io co gola' momonuhi sumpahnyo. Apo aman ado urakng inyo monguat'an janjinyo agatn sumpah atas kodampuan omas inyo ado di dalapm Rumah Allah, lalu io gola' momonuhi sumpahnyo.’

Kisah Boko Rasul 15:1

Timpu Paulus ongko Barnabas ija' ado di kota Antiokhia nantai, ado boboropo urakng doi' doerah Yudea datakng. Boboropo urakng nantai mula'i mongajar boko urakng inyo pocayo agatn Yesus. Kato sia', “Pado joman komai, Musa moajaran poraturan Allah. Sotiap urakng dalapm umant Allah gola' disunant. Jadi, kaitn urakng inyo bukainyo Yahudi gola' monuruti poraturan nantai, samo sama'an urakng Yahudi. Aman cado, kaitn co paca'an disolamant'an.”

Galatia 5:2

Aku, Paulus, inyo bopandir ko kaitn. Dinga'ancam pomandiranku! Aman kaitn disunant, jadi komatian Kristus pakai' kaitn kinyo paca'an boguno.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.