Galatia 5:12 - Porjanjian Boharu Torjomahan Baso Dilakng Soari-ari

¹² Apo, bayo bosunant ja'am kinyo cukup pakai' boko urakng nantai inyo mongacauan pikiran kaitn. Lobih boi' sia' monota' butuh sia' somuonyo!

Galatia 5:12 ပူးပေါင်းရင်းမြစ်များ

Galatia 5:10

Apo Tuhatn bulahku yakitn obai kaitn kinyo paca'an pocayo ko ajaran inyo bukainyo doi' ajaranku. Allah paca'an mohukupm sopo pan urakngnyo inyo mongacauan pikiran kaitn.

Titus 3:10

Aman ado urakng inyo bulah poporapan di antaro boko urakng pocayo, kolai gola' moolikan io. Aman io kinyo botongga', olikan io sokali agi'. Aman io kinyo botongga' jam lopas jadi diolikan duo kali, kolai tohu io kinyo honda' tuyut ajaran inyo bondar agi'. Boko dosanyo mombutian obai inyo salah di hadapan Allah. Jangan bohubukan agi' agatn urakng sama'an nian.

Galatia 2:4

Memang ado boko urakng inyo monyosahan oca' urakng inyo pocayo agatn Yesus gola' disunant. Apo sia' inyo monyosahan nantai kinyo bondar-bondar pocayo agatn Yesus. Sia' mansu' dalapm kolompok kito socaro bokokolit. Sia' honda' mohalaki caro hidup kito inyo bebas doi' koharusan pakai' monaati Hukupm Torat. Kito bebas doi' nantai obai kito disolamant'an ulih mo Yesus Kristus. Apo sobondarnyo, sia' honda' oca' kito jam gola' monaati Hukupm Torat samo sama'an siku' urakng hulutn gola' monaati habakngnyo.

Kisah Boko Rasul 15:24

udah mondinga' borito doi' Paulus, Barnabas huatan urakng bukai inyo kaitn utus ko koi. Koi mondinga' ado boko urakng doi' antaro koi inyo datakng ko kaitn. Apo, koi kinyo moutus sia' nantai. Sia' mongajar kaitn gola' disunant aman honda' disolamant'an. Ajaran sia' nantai mombingungan kaitn, bulah hati kaitn gangga'-gua'an.

Kisah Boko Rasul 5:9

Jadi, Petrus bopandir ko io, “Kaitn duo udah bosopakat pakai' monipu koi. Agatn bulah sama'an nantai kaitn duo mouji Roh Tuhatn. Ponyangkatn kaitn Roh Tuhatn kinyo tohu mongona'i porbuatan jahat kaitn. Dinga'an! Sia' inyo udah momasar bangkai laki kolai ado di muka' lawakng. Ni'inan, bangkai kolai pan paca'an sia' baba' ko luar!”

Kisah Boko Rasul 5:5

Watu Ananias mondinga' pomandiran Petrus nantai, io lansukng matiam. Boboropo bobia' muda' datakng ongko momutut bangkainyo agatn koitn. Sia' mombaba' bangkainyo ko luar kota ongko momasarnyo. Somuo urakng inyo mondinga' kojadian nantai monjadi kotakan gola'.

Yohanes 9:34

Timbas sia', “Kolai udah bodosa doi' kolai lahir! Apo kolai honda' mongajar koi?” Lalu, sia' mousir io koluar.