Galatia 5:10 - Porjanjian Boharu Torjomahan Baso Dilakng Soari-ari

¹⁰ Apo Tuhatn bulahku yakitn obai kaitn kinyo paca'an pocayo ko ajaran inyo bukainyo doi' ajaranku. Allah paca'an mohukupm sopo pan urakngnyo inyo mongacauan pikiran kaitn.

Galatia 5:10 ပူးပေါင်းရင်းမြစ်များ

Galatia 5:12

Apo, bayo bosunant ja'am kinyo cukup pakai' boko urakng nantai inyo mongacauan pikiran kaitn. Lobih boi' sia' monota' butuh sia' somuonyo!

Filipi 3:15

Obai nantai, somuo kito inyo kuat pocayo ko Yesus gola' bopikir agatn caro nantai. Apo aman ado urakng di antaro kaitn inyo bopikir agatn caro inyo bukai, jadi Allah tajahan monjolasannyo ko kolai jam.

Galatia 1:7

Apo nantai bukai Kabar Boi' inyo bondar! Boko urakng inyo moajaran nantai honda' morubah Kabar Boi' mongona'i Yesus Kristus, ia'an Rajo Inyo Dijanjian Allah. Sia' moncubo monggonti'i Kabar Boi' inyo bondar nantai agatn kabar inyo salah. Jadi, sia' bulah kaitn monjadi kacau.

2 Korintus 2:3

Nantai sobabnyo, daripado aku datakng, lobih boi' aku monulis surat holu ko kaitn. Aku co honda' datakng lalu kaitn mombulah ku salu'. Obai soharusnyo kaitn nam inyo bulah aku sonang-nyamanam! Jadi aku monulis surat holu, obai aku yakitn aman aku rindakng, jadi kaitn tajahan rindakng jam.

1 Timotius 1:20

Himeneus ongko Aleksander ado di antaro boko urakng sama'an nantai. Aku udah monyorahan sia' ko Rajo Sitatn agatn caro monundukng sia' doi' posokutuan urakng pocayo. Agatn sama'an nantai, sia' ulih bolajar botongga' mohayam Allah.

Galatia 6:17

Aku didorako'i obai aku rasul Yesus. Di bukakngku ija' ado bokas boko luko didorako'i. Obai nantai, mula'i doi' ni'in, jangannam ado urakng inyo monyusahan aku.

Galatia 4:17

Ni'inan ado boko urakng inyo mongajar obai kaitn gola' monaati somuo Hukupm Torat. Sia' rajitn bousaha mondudus kaitn pakai' moikuti sia'. Apo, tujuan sia' kinyo boi'. Sia' honda' monyongkayoan kaitn doi' ajaran aku inyo bondar. Sia' honda' molabuhan nantai oca' kaitn rajitn bopihak ko sia' mo.

Galatia 3:1

Boko somadikan di Galatia. Kaitn urakng budu! Kaitn udah dikotumbuki ulih ajaran urakng bukai! Sobondarnyo aku udah kalo monorakan agatn kotakan jolas mongona'i komatian Yesus Kristus di kayu salib.

Galatia 2:6

Sokali agi' somadikan, aku udah monjolasan polayatan aku ko pomimpitn di Yerusalem. Biar pan sia' dianggap tohormat, aku co poduli agatn kodudu'an sia' nantai. Obai Allah pan co poduli aman boko urakng dianggap pontikng kata'an cado. Apo boko pomimpitn nantai sotuju agatn aku. Sia' kinyo momosoan la'apo pan ko Kabar Boi' inyo aku boritoan.

Galatia 2:4

Memang ado boko urakng inyo monyosahan oca' urakng inyo pocayo agatn Yesus gola' disunant. Apo sia' inyo monyosahan nantai kinyo bondar-bondar pocayo agatn Yesus. Sia' mansu' dalapm kolompok kito socaro bokokolit. Sia' honda' mohalaki caro hidup kito inyo bebas doi' koharusan pakai' monaati Hukupm Torat. Kito bebas doi' nantai obai kito disolamant'an ulih mo Yesus Kristus. Apo sobondarnyo, sia' honda' oca' kito jam gola' monaati Hukupm Torat samo sama'an siku' urakng hulutn gola' monaati habakngnyo.

2 Korintus 10:6

Lopas jadi koi taat agatn soponuhnyo, koi siap pakai' mohukupm somuo urakng bukai inyo kinyo taat.

1 Korintus 5:5

Urakng nantai gola' disorahan ko Rajo Sitatn oca' bukakngnyo bonaso. Agatn ubo nian, watu Tuhatn bobali', jiwa urakng nantai paca'an disolamant'an.

Kisah Boko Rasul 15:24

udah mondinga' borito doi' Paulus, Barnabas huatan urakng bukai inyo kaitn utus ko koi. Koi mondinga' ado boko urakng doi' antaro koi inyo datakng ko kaitn. Apo, koi kinyo moutus sia' nantai. Sia' mongajar kaitn gola' disunant aman honda' disolamant'an. Ajaran sia' nantai mombingungan kaitn, bulah hati kaitn gangga'-gua'an.

Filemon 1:21

Aku monulis surat ni'in obai aku yakitn kolai tajahan taat. Aku tohu kolai tajahan molabuhan lobih doi' nantai agi'.

2 Tesalonika 3:4

Koi yakitn Tuhatn paca'an monulukng kaitn. Koi yakitn kaitn tongahan molabuhan somuo inyo koi ajaran ko kaitn. Kaitn paca'an torus molabuhan nantai jam.

Galatia 4:20

Aku kotakng togonang ado bosamo agatn kaitn watu ni'in oca' aku ulih bopandir ko kaitn agatn caro inyo lobih boi'. Obai aku udah alah-gupuh am agatn kaitn.

Galatia 4:11

Jadi, aku kuatir aman uyuh jorihku pakai' kaitn monjadi co nyiant rotinyo.

2 Korintus 13:10

Nianam sobabnyo aku monulis surat ni'in timpu ku bolupm ado bosamo agatn kaitn. Oca' watu aku bosamo kaitn nononyo, aku co gola' botindak koras momakai kuaso inyo Tuhatn onju' ko aku. Sio moonju' kuaso nantai pakai' monulukng kaitn lobih kuat, bukainyo pakai' mohancuran kopocaya'an kaitn.

2 Korintus 10:2

Aku muhun agatn kaitn: Jangan momoso ku monunju'an obai aku borani monogur kaitn agatn koras timpu aku ado bosamo agatn kaitn nononyo. Aku bopikir gola' molabuhan samo sama'an nantai tohadap boko urakng totontu nantai inyo monyangko obai caro hidup koi ongkah monuruti kohonda' monsio.

2 Korintus 8:22

Bosamo agatn sia' duo nantai, koi moutus somadikan koi inyo bukai agi'. Koi udah opat am mouji io. Tonyato io bondar-bondar honda' monulukng urakng bukai. Watu ni'in, io lobih bosomangant agi' obai io pocayo obai kaitn honda' moonji'i sumbakan nantai.

2 Korintus 7:16

Jadi, aku sonang-nyamanam obai aku ulih pocayo agatn kaitn dalapm la'apo pan.

2 Korintus 5:16

Obai, nantai koi co agi' monilai urakng monurut ukuran kito. Koi kalo monilai Kristus monurut ukuran monsio. Apo ni'in co ija' sama'an nantaiam.

2 Korintus 2:6

Sobagi'an bosar doi' kaitn udah monogurnyo, nantai pan udah cukupam

2 Korintus 1:15

Obai aku yakitn kaitn paca'an bangga ko koi, jadi aku bohajat pakai' monjongu' kaitn duo kali, oca' kaitn diborokati duo kali. Hajatnyo aku holu monjongu' kaitn,

Galatia 5:7

Sokomai kaitn monunju'an komajuan cukup boi' watu tuyut Yesus. Jangan dilongahan urakng bukai honda' mohalak-halaki kaitn. Jangan sampai kaitn co monaati ajaran inyo bondar.