Galatia 4:6 - Porjanjian Boharu Torjomahan Baso Dilakng Soari-ari

⁶ Obai kito boko poana'an Allah, ongko Sio moutus Roh Ana'-Nyo ko kito. Roh-Nyo mansu' ko dalapm hati kito. Roh-Nyo bulah kito bodoa somombondarnyo agatn mongatoan, ‘Bopai, oi Bopaiku’.

Galatia 4:6 ပူးပေါင်းရင်းမြစ်များ

Roma 5:5

Aman kito boharap ko Sio sama'an nantai, jadi kito kinyo paca'an kocewa. Obai, hati kito udah dibisi'i Allah agatn kasih-Nyo. Allah molabuhan nantai agatn porontaroan Roh-Nyo inyo udah dionju' ko kito.

Roma 8:9

Apo kaitn kinyo hidup monuruti kohonda' monsio. Kaitn tajahan hidup monuruti Roh Allah, aman Roh Allah ado di dalapm diri kaitn. Aman Roh Kristus kinyo diapm di dalapm diri monsio, rotinyo urakng nian bukainyo umputn Kristus.

Filipi 1:19

obai aku udah tohu ponuntukng somuo ni'in, ia'an agatn boko doa kaitn ongko agatn potulukan doi' Roh Yesus Kristus, jadi aku tajahan dibebasan.

Efesus 2:18

Kito doi' koduo pihak nantai ulih datakng ko Allah Bopai agatn caro inyo samo, ia'an molalu'i Kristus. Somuo kito dionji'i Roh Allah inyo samo inyo mombulah nantai tojadi.

2 Korintus 3:17

Nah, ‘Tuhatn’ inyo dimasud di si'itan ia'an Roh. Di mono ado Roh Tuhatn, di siatn ado kobebasan.

Efesus 4:30

Jangan mombulah Roh Allah salu'. Obai, Allah udah moonju' Roh-Nyo ko kaitn sobagai tando obai kaitn paca'an di solamat'an watu ahir joman.

Yudas 1:20

Apo, kaitn, boko somadikan inyo ku kasihi, bousahacam oca' kaitn botambah kuat pocayo ko ajaran inyo bondar-bondar doi' Allah. Bodoa cam dalapm Roh Allah.

Yohanes 16:7

Apo sobondarnyo, lobih boi' pakai' kaitn aman Aku botula'. Pomandiran-Ku nantai bondar! Obai, aman Aku co botula', Ponulukng kinyo datakng ko kaitn. Apo aman Aku botula', Aku paca'an moutus Ponulukng nantai ko kaitn.

Yohanes 14:16

Aku paca'an minto ko Bopai, lalu Sio paca'an moonji'i Ponulukng inyo bukai ko kaitn. Sio paca'an molabuhan nantai oca' Ponulukng nantai ado bosamo kaitn somanah-manahnyo.

Lukas 11:13

Biar pan kaitn urakng bodosa, kaitn pasti udah tohu moonji'i inyo boi' ko ana' kaitn. Apotolagi' Allah Bopai di sorugo! Aman urakng mominto Roh Allah, pasti Sio paca'an moonji'i ko urakng inyo mominto nantai.”

2 Korintus 1:22

Sio udah monyegel kito monjadi umputn-Nyo huatan moonju' Roh-Nyo di dalapm hati kito. Agatn molabuhan nantai Allah monjamin Sio paca'an moonji'i somuo inyo Sio janjian.

Yohanes 15:26

Aku paca'an moutus Ponulukng ko kaitn, ia'an Roh inyo boasal doi' Allah. Roh Allah nantai inyo monunju'an somuo inyo bondar. Sio paca'an bosasi mongona'i Aku.

Lukas 11:2

Ongko Yesus bopandir, “Aman kaitn bodoa, dinga' ni'in bunyinyo, ‘Bopai, koi bodoa kironyo somuo urakng mohormati damo Duatn. Datakngcam Koraja'an Duatn.

Yohanes 3:34

Obai urakng inyo diutus Allah monyampaian boko pomandiran Allah, obai Roh Allah udah dionju' ko Sio soponuhnyo.

1 Petrus 1:11

Roh Kristus ado di dalapm sia'. Roh Kristus nantai momadahannyo ko sia' mongona'i pondorita'an inyo tajahan Kristus hadapi, apo lopas nian Sio tajahan dimuliaan. Jadi, boko nabi nantai monoliti ubo apo huatan sombilo kosolamant'an nantai paca'an tojadi.

Efesus 6:18

Kaitn gola' hala waspada oca' sotiap watu kaitn ulih bodoa agatn dibimbikng Roh Allah. Pakaicam somuo macapm doa huatan pomuhunan ko Allah. Jangan botongga' bodoa pakai' somuo urakng inyo pocayo.

Wahyu 19:10

Aku lansukng tokorobah tokosungkapm di pohadapan kaki io pakai' monyombah io. Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai huatan boko somadikan kolai, ia'an boko urakng inyo pocayo ko somuo inyo Yesus ajaran. Sombah Allah aja'am. Obai somuo inyo Yesus ajaran nianam pomandiran doi' Roh Allah.”

Efesus 1:13

Sama'an nian jam agatn kaitn. Kaitn udah mondinga' Kabar Boi' inyo bondar sampai kaitn pocayo ko Kristus huatan disolamant'an. Molalu'i Sio, Allah moonji'i tando obai kaitn pan monjadi umat-Nyo jam, ia'an Sio moonju' Roh-Nyo ko kaitn jam sosuai agatn janji-Nyo sobolupmnyo.

1 Korintus 15:45

Sama'an inyo totulis di dalapm Buku Suci, “Allah bulah monsio potamo, ia'an Adapm. Adapm monjadi hidup.” Adapm nantai disobut Adapm potamo. Apo Kristus disobut Adapm toahir. Sio nantai Roh inyo bokuaso moonji'i hidup inyo somombondarannyo.

Kisah Boko Rasul 16:7

Sia' pan tuntukng di porbatasan doerah Misia. Doi' su'utn, sia' honda' botula' ko doerah Bitinia. Apo, sokali agi' Roh Yesus morarakng sia'.

Yohanes 7:39

(Agatn pomandiran nantai, Yesus bomasud Roh Allah. Somuo urakng inyo pocayo ko Yesus paca'an monorima' Roh Allah. Apo watu nantai, Roh Allah bolupm ditorima' sia' obai Yesus bolupm dimuliaan.)

Markus 14:36

Kato-Nyo, “Oi Bopai-Ku, lopasan bo Aku doi' ajab sonsaro inyo paca'an Ku alapi ni'in. Apo jangan monuruti kohonda'-Ku, apo ongkah monuruti kohonda' Duatn ja'am bopai inyo tojadi.”

1 Tesalonika 4:8

Jadi, aman ado di antaro kaitn inyo monula' ajaran ni'in, io kinyo monula' monsio apo io monula' Allah. Ingantcam! Allah jam inyo moonji'i Roh-Nyo inyo suci ko kaitn.