Galatia 4:30 - Porjanjian Boharu Torjomahan Baso Dilakng Soari-ari

³⁰ Apo, dinga'ancam pomandiran ni'in doi' Buku Suci “Tundukng ja'am botina' hulutn nantai agatn ana'nyo. Obai, ana' doi' hulutn nantai kinyo paca'an bodapat kodampuan doi' bopainyo. Ongkah ana' doi' botina' inyo bebas paca'an dionji'i ulih bopainyo.”

Galatia 4:30 ပူးပေါင်းရင်းမြစ်များ

Yohanes 8:35

Siku' urakng pacal bukainyo anggota koluarga inyo totap, apo siku' Bobia' ninam anggota koluarga somanah-manahnyo.

Yakobus 4:5

Hal nian sosuai agatn tulisan ni'in dalapm Buku Suci, “Allah mombulah Roh-Nyo bodiapm di dalapm diri kito. Roh Allah nantai monulukng oca' kito moncintai Sio lobih doi' kito moncintai boko hal bukai. Jangan kaitn bopikir tulisan nian co nyiant ado rotinyo.”

Galatia 3:22

Apo di dalapm Buku Suci totulis obai somuo urakng di dunia dikuaso'i dosa. Agatn ubo nian, la'apo inyo Allah janjian molalu'i kopocaya'an ko Yesus Kristus nantai, Sio onju' ko boko urakng inyo pocayo.

Galatia 3:8

Doi' komai, Allah ado hajat pakai' urakng bukainyo Yahudi. Aman sia' pocayo, jadi sia' dianggap bondar di hadapan Allah. Allah momboritoan Kabar Boi' nantai ko Abrahapm jouh-jouh ari sobolupmnyo. Kabar Boi' nantai totulis dalapm Buku Suci:, “Somuo banso paca'an diborokati molalu'i kolai.”

Roma 11:2

Allah co monula' urakng inyo bondar-bondar umat-Nyo inyo udah Sio pilih doi' komaimo. Pasti kaitn ingant pomandiran nabi Elia inyo totulis dalapm Buku Suci. Timpu io mongaduan banso Israel ko Allah. Katonyo,

Roma 4:3

Obai, dalapm Buku Suci totulis sama'an ni'in, “Abrahapm pocayo ko Allah. Nantaiam alasan Abrahapm ulih monjadi bondar di hadapan Allah.”

Galatia 4:22

Obai di dalapm boko buku Musa ado kisah ni'in: Abrahapm bisi duo ana' lolaki. Siku' urakng ana' dilahiran siku' urakng hulutn. Ana' nantai dilahiran sosuai agatn hajat monsio. Ana' Abrahapm inyo koduo dilahiran siku' urakng bebas. Ana' nantai dilahiran sosuai agatn hajat Allah.

Galatia 4:31

Jadi, boko somadikan, ku togasan: Kito bukainyo sama'an boko poana'an doi' botina' hulutn nantai. Apo kito sama'an boko poana'an doi' botina' inyo bebas.