Galatia 4:16 - Porjanjian Boharu Torjomahan Baso Dilakng Soari-ari

¹⁶ Aku totap momandiran la'apo inyo bondar ko kaitn. Kata'an obai nantaiam kaitn moanggap aku sobagai musuh?

Galatia 4:16 ပူးပေါင်းရင်းမြစ်များ

Galatia 5:7

Sokomai kaitn monunju'an komajuan cukup boi' watu tuyut Yesus. Jangan dilongahan urakng bukai honda' mohalak-halaki kaitn. Jangan sampai kaitn co monaati ajaran inyo bondar.

Yohanes 8:45

Apo, Aku momandiran kobondaran ko kaitn. Obai nantai, kaitn co pocayo agatn pomandiran-Ku.

Galatia 2:5

Apo sodikit pan koi kinyo sotuju agatn kohonda' sia' nantai. Obai koi honda' oca' kaitn hala pocayo agatn Kabar Boi' inyo bondar.

Yohanes 7:7

Boko urakng di dunia conyiant alasan pakai' bonci'an kaitn. Apo dunia bonci'an Aku obai Aku hala momadahannyo ko sia' obai porbuatannyo jahat.

Galatia 2:14

Porbuatan sia' kinyo sosuai agatn Kabar Boi' inyo bondar. Jadi, watu aku moniant nantai, aku monogur Petrus di muka' urakng banya'. Katoku, “Kolai urakng Yahudi. Apo kolai udah ulih hidup sama'an urakng bukainyo Yahudi. Obai nantai, jangan momoso boko urakng bukai Yahudi monaati boko poraturan agama Yahudi.”

Galatia 4:15

Timpu nantai, kaitn mooso diborokati. Aku yakitn kaitn siap monulukng aku agatn caro la'apo pan. Kaitn pan siap moncungkil mato kaitn siku' ongko moonju' ko aku aman soandainyo hal nantai ulih monulukng aku. Apo ni'in kaitn mooso kinyo sonang agatn aku.

Galatia 4:17

Ni'inan ado boko urakng inyo mongajar obai kaitn gola' monaati somuo Hukupm Torat. Sia' rajitn bousaha mondudus kaitn pakai' moikuti sia'. Apo, tujuan sia' kinyo boi'. Sia' honda' monyongkayoan kaitn doi' ajaran aku inyo bondar. Sia' honda' molabuhan nantai oca' kaitn rajitn bopihak ko sia' mo.