Galatia 4:11 - Porjanjian Boharu Torjomahan Baso Dilakng Soari-ari

¹¹ Jadi, aku kuatir aman uyuh jorihku pakai' kaitn monjadi co nyiant rotinyo.

Galatia 4:11 ပူးပေါင်းရင်းမြစ်များ

1 Tesalonika 3:5

Obai nantaiam aku gola' uti' Rajo Sitatn bohasil moncubo'i kaitn oca' co pocayo agi' ko Yesus. Soumpamonyo hal nantai tojadi, rotinyo somuo polayatan koi di antaro kaitn co nyiant pasalnyo. Aku co ulih monahan oso togonanganku agi', jadi aku moutus Timotius ko kaitn. Aku honda' mondinga' borito mongona'i kopocaya'an kaitn ko Yesus.

2 Yohanes 1:8

Obai nantai, jagocam diri kaitn oca' kaitn co sosat. Koi udah bokorojo molayati oca' kaitn pocayo agatn ajaran inyo bondar. Jangan sampai kaitn kohilakan hasil pokoroja'an koi nantai. Bousahacam oca' kaitn totap monorima' upah kaitn doi' Allah.

Filipi 2:16

Ia'an nantai, kaitn monunju'an ko sia' Pomandiran Allah inyo moonji'i hidup inyo sobondarnyo. Aman kaitn hidup sama'an nian, aku tajahan bangga watu ari Kristus datakng agi' obai kaitn monjadi buti obai polayatan ku kinyo pocumo. Ado hasil doi' pogota'an humpas-pulasku.

Galatia 4:20

Aku kotakng togonang ado bosamo agatn kaitn watu ni'in oca' aku ulih bopandir ko kaitn agatn caro inyo lobih boi'. Obai aku udah alah-gupuh am agatn kaitn.

1 Korintus 15:58

Jadi, boko somadikan inyo aku kasihi, totap pocayo ko Yesus agatn yakitn. Jangan goyah. Bokorojocam agatn rajitn pakai' Tuhatn. Obai, kaitn tohu obai somuo inyo kaitn korojoan pakai' Tuhatn ado kountukannyo.

Kisah Boko Rasul 16:6

Lopas nantai, Paulus, Silas ongko Timotius botula' ko doerah Frigia huatan doerah Galatia. Sobondarnyo sia' honda' momboritoan Kabar Boi' ko doerah Asia. Apo Roh Allah morarakng sia'.

Galatia 4:10

Kaitn ija' morayaan boko ari pado boko bulatn, boko musipm, boko tohutn totontu.

Galatia 4:12

Ni'inan, boko somadikan, aku muhun oca' kaitn monjadi samo sama'an aku. Obai aku pan monjadi samo sama'an kaitn. Sokomai, kaitn hala boi' hati agatn aku.