Galatia 4:1 - Porjanjian Boharu Torjomahan Baso Dilakng Soari-ari

^1-2 Aku monogasan hal ni'in: Siku' urakng ana' paca'an monguaso'i somuo hal inyo diwarisan bopainyo dionju' ko io. Apo aman ana' nantai ija' bobia', paca'an ado boko polayatn inyo ditugasan pakai' monjago ana'nyo. Ado jam boko polayatn pakai' mourus kodampuan umputn ana'nyo nantai. Ana' inyo muda' nantai gola' monaati boko polayatn nantai. Obai nantaiam, ana' nantai samo sama'an siku' urakng hulutn. Niannam koadaan ana' nantai sampai watu inyo ditontuan bopainyo.

Galatia 4:1 ပူးပေါင်းရင်းမြစ်များ

Galatia 4:29

Watu joman komai, ana' inyo dilahiran sosuai agatn kuaso Roh Allah didorako'i ulih ana' inyo dilahiran sosuai agatn hajat monsio. Hal nantai jam tojadi watu ni'in.

Galatia 3:29

Obai kaitn nantai umputn Kristus, ongko kaitn monjadi sama'an koturutan Abrahapm. Kaitn monjadi waris inyo paca'an monorima' borokat doi' Allah inyo Allah janjian ko Abrahapm.

1 Yohanes 5:10

Urakng inyo pocayo ko Ana' Allah, boroti io pocayo agatn kosasian Allah nantai dalapm hatinyo. Apo urakng inyo co pocayo agatn kosasian nantai, boroti io moanggap Allah bulah kotumbukan. Obai, io kinyo pocayo agatn kosasian Allah mongona'i Ana'-Nyo.