Galatia 3:9 - Porjanjian Boharu Torjomahan Baso Dilakng Soari-ari

⁹ Jadi, Allah momborokati boko urakng pocayo, samo sama'an Abrahapm diborokati obai io pocayo ko Allah.

Galatia 3:9 ပူးပေါင်းရင်းမြစ်များ

Roma 4:16

Obai nantai am kobondaran bodasaran kopocaya'an oca' morupoan poonju' inyo cuma-cuma doi' Allah, sampai janji nantai bolaku pakai' somuo koturutan Abrahapm, bukainyo bayo pakai' sia' inyo hidup doi' hukupm Torat, apo jam pakai' sia' inyo hidup doi' iman Abrahapm. Obai Abrahapm ia'an bopai kito somuo,

Galatia 3:29

Obai kaitn nantai umputn Kristus, ongko kaitn monjadi sama'an koturutan Abrahapm. Kaitn monjadi waris inyo paca'an monorima' borokat doi' Allah inyo Allah janjian ko Abrahapm.

Roma 4:24

Pomandiran nantai ditulis pakai' kito jam. Obai, kito pan monjadi bondar di hadapan Allah obai kito pocayo ko Sio. Kito pocayo Sio inyo mombulah Yesus, Tuhatn kito, bobali' hidup agi' doi' komatian.

Galatia 4:28

Boko somadikan! Kaitn samo sama'an Ishak obai samo-samo lahir obai janji Allah.

Roma 4:11

Sunant nantai ia'an tando inyo mombutian obai io udah monjadi bondar obai io pocayo. Io monjadi bondar di hadapan Allah sobolupm io disunant. Sama'an nian jam, Abrahapm ulih dianggap monjadi angki-bayatn somuo urakng bukai Yahudi inyo pocayo, biar pan sia' kinyo bosunant. Samo sama'an Abrahapm, sia' monjadi bondar obai sia' pocayo.

Galatia 3:14

Watu Yesus Kristus monyolamant'an kito doi' hukupan nantai, borokat inyo dionji'i ko Abrahapm dionji'i jam ko boko urakng bukainyo Yahudi. Solaitn nantai, aman kito pocayo ko Yesus, kito pan ulih monorima' Roh inyo dijanjian Allah.