Galatia 3:1 - Porjanjian Boharu Torjomahan Baso Dilakng Soari-ari

¹ Boko somadikan di Galatia. Kaitn urakng budu! Kaitn udah dikotumbuki ulih ajaran urakng bukai! Sobondarnyo aku udah kalo monorakan agatn kotakan jolas mongona'i komatian Yesus Kristus di kayu salib.

Galatia 3:1 ပူးပေါင်းရင်းမြစ်များ

2 Korintus 11:3

Apo aku gola' kaitn paca'an ditipu, samo sama'an joman komai Hawa ditipu ular inyo licik nantai, ia'an Rajo Sitatn. Aman ubo nian, kaitn paca'an monjadi sosat huatan kinyo bobondar sotia ko Kristus.

Wahyu 2:20

Apo, Aku moolikan kaitn mongona'i hal ni'in: Kaitn mombiaran botina' nantai, Izebel, monyosat'an umant-Ku. Io mongaku' dirinyo nabi, apo io udah monipu boko hulutn-Ku. Io mongajar oca' sia' bulah dosa bomporajoan, ongko oca' sia' makatn dagikng doi' bonatakng inyo diposombahan ko songiang-duato.

Galatia 1:6

Yesus Kristus udah monunju'an koboi'an-Nyo ko kaitn. Agatn caro nantai Allah momilih kaitn pakai' hidup sosuai agatn ajaran nantai. Apo dalapm watu inyo kotakan copat kaitn udah moninggalan Allah. Ni'inan kaitn moikuti suatu ‘kabar boi'’ inyo bukai.

1 Petrus 4:17

Ni'in, udah tuntukam watu Allah mohakipi somuo urakng. Sio mula'i agatn kito, ia'an boko urakng husus umputn Sio siku'. Aman ubo nantai, lapo inyo tajahan tojadi ko boko urakng inyo co pocayo Kabar Boi' doi' Allah? Pasti sia' pan paca'an dihukupm.

2 Petrus 2:18

Obai, sia' mongajar agatn pomandiran solah-olah sia' kotakan pintar, apo sobondarnyo pomandiran sia' conyiant gunonyo. Agatn caro nantai, sia' mompongaruhi boko urakng pakai' moikuti hawa napsu inyo jahat, ia'an boko urakng inyo hoyu' pan koluar doi' kobiasa'an boko urakng inyo hidup agatn caro inyo salah.

Ibrani 11:8

Obai Abrahapm pocayo, jadi io monaati Allah. Timpu nantai, Allah moningkau io botula' ko nogori inyo nononyo tajahan dionju' Allah ko io ongko koturutannyo. Abrahapm kinyo tohu tompat tujuannyo, apo io totap botula'.

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

Galatia 4:9

Apo ni'in kaitn udah ado hubukan agatn Allah. Kata'an lobih topat aman aku mongatoan obai Allah inyo bulah hubukan agatn kaitn. Obai nantai, jangan bobali' agi' monaati boko roh dunia inyo co bokuaso huatan co nyiant gunonyo. Jangan monjadi boko hulutn sia'.

Galatia 3:3

Doi' watu nantai, Roh Allah moonji'i kokuatan huatan bimbikan ko kaitn oca' kaitn ulih hidup monyonangan hati Allah. Apobai kaitn bopikir watu ni'in kaitn ulih moncapai tujuan nantai agatn kokuatan siku'? Jangan kotakng budu!

1 Petrus 1:22

Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.

Ibrani 5:9

Agatn caro nantai, Sio monjadi Ponyolamant inyo sompurna. Jadi, Sio ulih moonji'i kohidupan kokal ko somuo urakng inyo taat ko Sio.

Efesus 5:15

Obai nantai, kaitn gola' porotian caro hidup kaitn. Jangan hidup sama'an boko urakng inyo budu, apo hidup cam sama'an urakng bohikmat.

1 Timotius 6:4

Sia' buhau. Padohal, sia' co tohu la'apo pan, sia' bayo gala' botikakng mo. Sia' bayo gala' hala botikakng mongona'i roti boko sotilah. Jadi, ado banya' baba'an inyo kinyo boi': Sia' tungi. Sia' hala bokolohi. Sia' hala bojahat urakng. Sia' hala bopikir inyo bukai bulah kojahatan.

Galatia 2:14

Porbuatan sia' kinyo sosuai agatn Kabar Boi' inyo bondar. Jadi, watu aku moniant nantai, aku monogur Petrus di muka' urakng banya'. Katoku, “Kolai urakng Yahudi. Apo kolai udah ulih hidup sama'an urakng bukainyo Yahudi. Obai nantai, jangan momoso boko urakng bukai Yahudi monaati boko poraturan agama Yahudi.”

1 Korintus 11:26

Sobab, sotiap kali kaitn bopua' roti huatan minum anggur dalapm porjamuan ni'in, kaitn momboritoan komatian Tuhatn sampai Sio datakng agi'.

1 Korintus 2:2

Obai, aku jadi bulah koputusan bayo pakai' momboritoan mongona'i Yesus. Ia'an pan aku momboritoan obai Yesus ia'an Rajo Inyo Dijanjian Allah inyo disobut Kristus, huatan Sio mati di kayu salib. Aku co honda' momboritoan ko kaitn mongona'i boko hal inyo bukai.

Roma 6:17

Memang komai kaitn ia'an hulutn dosa. Apo, bosukurcam ko Allah, obai watu ni'in kaitn bondar-bondar udah monaati ajaran bondar inyo udah disampaian ko kaitn.

Roma 2:8

Apo Allah paca'an godi huatan mohukupm urakng inyo momontikan diri siku' huatan kinyo honda' monaati ajaran inyo bondar, apo honda' monuruti inyo jahat.

Kisah Boko Rasul 6:7

Kabar Boi' mongona'i Yesus torus diboritoan. Jumlah urakng inyo pocayo di Yerusalem mongkitn botambah banya'. Malahan banya' imam pocayo agatn Yesus jam.

Wahyu 18:3

Obai, somuo banso udah minum anggur pomporajoannyo. Boko rajo di dunia udah bulah dosa bomporajoan agatn io. Boko podagakng di dunia monjadi dampu obai napsunyo kinyo tokondalian nantai.”

2 Tesalonika 1:8

Sio paca'an mohukupm sia' inyo co honda' mongonal Allah, sia' co honda' pocayo Kabar Boi' mongona'i Yesus, Tuhatn kito.

Efesus 3:8

Di antaro soluruh umant Allah, aku inyo kotakng kinyo pontikng. Apo, Allah totap monunju'an kasih karunia-Nyo ko aku agatn caro ni'in. Sio moutus ku momboritoan ko boko urakng bukainyo urakng Yahudi mongona'i somuo borokat inyo Kristus onju'. Kito kinyo ulih mombayakan somuo borokat inyo kotakng luar biaso nantai.

2 Korintus 10:5

Musuh koi mombaba' ajaran inyo salah. Apo, koi mongalahan somuo nantai. Urakng inyo buhau bulah pagar inyo kotakan tinggi inyo mohalaki monsio mongonal Allah. Apo koi morobahan somuo nantai. Urakng ado pikiraninyo kinyo boi'. Apo, koi monangkap somuo pikiran nantai ongko mongajar oca' monsio monaati Kristus.

Roma 10:16

Apo, kinyo somuo monsio monuruti Kabar Boi' nantai. Samo sama'an pomandiran nabi Yesaya: “Tuhatn, sopo inyo pocayo ko kabar koi?”

Lukas 24:25

Lalu Yesus bopandir ko sia' duo, “Oh, kaitn kotakng manah hoyu' mongoroti. Hati kaitn kotakng manah hoyu' pocayo somuo inyo udah dipandiran boko nabi komai mongonaꞌi Rajo Inyo Dijanjian Allah!

Matius 24:24

Obai paca'an ado boko urakng datakng inyo mongaku' obai dirinyo nianam Rajo Inyo Dijanjian Allah. Apo sia' co bondar. Paca'an ado boko nabi palsu jam. Boko rajo palsu huatan boko nabi palsu nantai paca'an bulah bomacapm mujisat jam. Tujuan sia' oca' monyosat'an somuo urakng, huatan soandainyo mungkitn tomansu' boko urakng inyo dipilih Allah jam.

Matius 7:26

Ado jam urakng inyo paca'an mondinga' pomandiran-Ku apo kinyo molabuhannyo jam. Io samo sama'an urakng inyo budu inyo bulah rumahnyo di pucu' pasir.

Kisah Boko Rasul 16:6

Lopas nantai, Paulus, Silas ongko Timotius botula' ko doerah Frigia huatan doerah Galatia. Sobondarnyo sia' honda' momboritoan Kabar Boi' ko doerah Asia. Apo Roh Allah morarakng sia'.

Galatia 5:11

Aku ija' didorako'i ulih sia' inyo pocayo obai boko urakng gola' disunant oca' ditorima' Allah. Jadi, pasti aku kinyo momboritoan mongona'i sunant. Aku momboritoan mongona'i caro Yesus mati di kayu salib pakai' mombuka' jalatn kosolamant'an. Soandainyo aku momboritoan mongona'i sunant daripado mongona'i komatian Yesus nantai, ongko aku kinyo paca'an bulah sia' godi sama'an aku agi'.