Galatia 2:9 - Porjanjian Boharu Torjomahan Baso Dilakng Soari-ari

⁹ Doi' kolompok pomimpitn nantai, Yakobus, Petrus ongko Yohanes bisi tanggukng-jawab inyo kotakan bosar. Sia' monjadi sadar mongona'i koboi'an inyo Allah onju' ko aku. Watu sia' monjadi sadar agatn nantai, sia' bosalapan agatn aku ongko Barnabas. Nantai monjadi tando obai sia' sotuju agatn Kabar Boi' inyo aku boritoan. Sia' sotuju aman koi momboritoan ko urakng bukai Yahudi, huatan sia' momboritoan ko urakng Yahudi.

Galatia 2:9 ပူးပေါင်းရင်းမြစ်များ

Matius 16:18

Dinga'anbo! Kolai ia'an Petrus, inyo rotinyo ‘Bukit Batu’. Di pucu' bukit batu ni'in Aku paca'an mombangun jomaat-Ku huatan kuaso komatian kinyo mampu mongalahan sia'.

Lukas 22:8

Jadi, Yesus monyiuh Petrus ongko Yohanes. Kato-Nyo, “Botula'cam momposiapan Poraya'an Paskah oca' kito makatn sosamo.”

Yohanes 1:42

Andreas mombaba' Simon ko Yesus. Yesus moncorona'i ko arah Simon. Kato-Nyo, “Kolai ninam Simon, ana' Yohanes. Apo kolai paca'an ditingkau Kefas!” (damo ‘Kefas’ samo agatn ‘Petrus’. Rotinyo, ‘batu ndampar’.)

Kisah Boko Rasul 12:17

Apo Petrus mombori' tando agatn jarinyo oca' sia' langunt holu'ai. Io mongisahan ko sia' sama'an apo caro Tuhatn udah mongoluaran io doi' ponjara. Ongko, io bopandir ko sia', “Padahancam mongona'i hal ni'in ko Yakobus ongko boko urakng pocayo inyo bukai.” Lopas nantai, io botula' ko kota bukai.

Kisah Boko Rasul 15:13

Lopas sia' duo jadi bopandir, hoyu' Yakobus bopandir. Katonyo, “Boko somadikan, dinga'anbo aku.

Kisah Boko Rasul 15:7

Manah bondar sia' mombahas mosalah nantai. Lopas nantai, rasul Petrus bodiritn. Katonyo, “Boko somadikan! Kaitn tohu obai Allah udah momilih aku doi' antaro kaitn. Boboropo watu inyo komai, Allah momilih aku pakai' momboritoan Kabar Boi' ko boko urakng inyo bukainyo urakng Yahudi. Allah molabuhan nantai oca' sia' ulih mondinga' ongko monjadi pocayo agatn Yesus.

Kisah Boko Rasul 4:36

Sama'an nantai jam inyo dilabuhan Yusuf. Io urakng Yahudi inyo boasal doi' koturutan suku Lewi apo io lahir di Pulau Siprus. Boko rasul moningkau Yusuf nantai Barnabas, obai dalapm Baso Yahudi Barnabas nantai rotinyo ‘urakng inyo hala monulukng urakng bukai.’

Roma 1:5

Allah jam monunju'an koboi'an-Nyo ko aku. Ia'an Yesus momilih aku pakai' monjadi rasul inyo mowakili Sio. Sio moonji'i tugas ko aku pakai' mombimbikng boko urakng doi' somuo banso oca' sia' pocayo huatan taat ko Sio.

Roma 12:3

Allah udah moonji'i kasih karunia-Nyo ko aku jadi aku bopandir ko kaitn somuo: jangan am kaitn moanggap diri kaitn lobih pontikng doi' inyo sobondarnyo. Honda'nyo kaitn monilai diri kaitn agatn rondah hati: masikng-masikng monilai dirinyo monurut komampuan inyo di onju' Allah ko io obai io pocayo ko Yesus.

Roma 15:15

Apo, aku totap borani monulis agatn torus-torakng pakai' moingant'an mongona'i boboropo hal. Aku borani monulis somuo nantai obai Allah udah monunju'an kasih-Nyo ko aku,

1 Korintus 15:10

Apo obai koboi'an hati Allah, Sio udah bulah aku monjadi sama'an watu ni'in. Koboi'an hati inyo Allah udah labuhan nantai kinyo bopasal. Malahan, aku bokorojo koras momboritoan Kabar Boi', lobih koras daripado somuo rasul inyo bukai. Apo sobondarnyo aku kinyo molabuhan nantai agatn kokuatan siku'. Aku mampu molabuhan nantai bayo obai koboi'an hati Allah monyoroto'i aku.

2 Korintus 11:5

Kaitn moanggap sia' nantai boko rasul inyo luar biaso. Apo, monurutku, sia' co lobih hebat doi' aku.

2 Korintus 12:11

Aku torus momuji diri samo sama'an urakng budu. Apo kaitn momoso ku molabuhan nantai. Obai gola' kaitn am inyo momuji botulukan ku. Biar pan aku ni'in urakng inyo conyiant ado rotinyo, aku co kalah agatn boko urakng totontu nantai inyo kaitn anggap sobagai boko rasul inyo luar biaso.

2 Korintus 8:4

Doi' hati sia' siku' sia' muhun bondar, ko koi aman sia' suba'mo monulukng moonji'i sumbakan ko boko umant Allah di Yerusalem.

Galatia 1:16

monyatoan Yesus ko aku. Allah molabuhan nantai oca' aku momboritoan ko boko urakng bukai Yahudi mongona'i Yesus. Jadi, aku dapat pongorotian mongona'i Yesus lansukng doi' Sio siku' huatan aku co minto siku' urakng pan momadahiku.

Galatia 1:18

Tigo tohutn lopas nian, hoyu' aku botula' ko Yerusalem. Aku honda' monomu'i rasul Petrus. Aku diapm sosamo agatn io somanah lima' bolas ari.

Galatia 2:1

Lopas jadi ompat bolas tohutn, aku botula' agi' ko Yerusalem agatn bimbikan Allah. Aku ko siatn bosamo Barnabas. Titus pan tuyut bosamo aku. Di Yerusalem, ado boko pomimpitn urakng inyo pocayo. Boko pomimpitn nantai dianggap tohormat. Aku moadoan potomuan husus bayo agatn sia' mo. Dalapm potomuan nantai, aku monjolasan ko boko pomimpitn nantai isi Kabar Boi' inyo aku boritoan ko boko banso bukai Yahudi. Aku monjolasan polayatanku nantai obai aku kuatir mungkitn polayatan aku watu komai ulih monjadi co boroti jam.

Galatia 6:3

Mungkitn ado urakng inyo kinyo honda' monulukng urakng bukai obai io moanggap dirinyo lobih pontikng doi' urakng bukai. Urakng inyo bopikir salah sama'an nantai, sobondarnyo io kinyo pontikng. Nantai, io bayo ngontumbuki dirinyo siku'.

Efesus 2:20

Kaitn samo sama'an rumah inyo ditinjakan di pucu' pondasi batu, ia'an boko rasul ongko boko nabi, huatan Kristus Yesus nantai sobagai batu inyo kotakng pontikng.

Efesus 3:8

Di antaro soluruh umant Allah, aku inyo kotakng kinyo pontikng. Apo, Allah totap monunju'an kasih karunia-Nyo ko aku agatn caro ni'in. Sio moutus ku momboritoan ko boko urakng bukainyo urakng Yahudi mongona'i somuo borokat inyo Kristus onju'. Kito kinyo ulih mombayakan somuo borokat inyo kotakng luar biaso nantai.

Kolose 1:29

Pakai' nantaiam aku bousaha koras. Aku bousaha agatn sokuat dayo doi' Kristus inyo bokorojo dalapm diriku agatn ponuh kuaso.

1 Yohanes 1:3

Koi momboritoan ko kaitn mongona'i somuo inyo koi tiat huatan inyo koi dinga', oca' kaitn paca'an bosatu hati agatn koi. Kosatuan inyo koi pulah ia'an koi bosatu agatn Allah Bopai huatan agatn Ana'-Nyo, Yesus Kristus.

Wahyu 3:12

Boko urakng inyo monang, Aku paca'an bulah sia' monjadi boko tihakng dalapm Rumah Allah-Ku. Sia' paca'an bodiapm di su'utan soumur hidupnyo. Aku pan paca'an monulis damo Allah-Ku dibukakng sia', damo kota Allah-Ku, ia'an nantai kota Yerusalem boharu inyo turutn doi' sorugo doi' Allah-Ku. Aku pan paca'an monulis damo-Ku inyo boharu di bukakng sia'.