Galatia 2:4 - Porjanjian Boharu Torjomahan Baso Dilakng Soari-ari

⁴ Memang ado boko urakng inyo monyosahan oca' urakng inyo pocayo agatn Yesus gola' disunant. Apo sia' inyo monyosahan nantai kinyo bondar-bondar pocayo agatn Yesus. Sia' mansu' dalapm kolompok kito socaro bokokolit. Sia' honda' mohalaki caro hidup kito inyo bebas doi' koharusan pakai' monaati Hukupm Torat. Kito bebas doi' nantai obai kito disolamant'an ulih mo Yesus Kristus. Apo sobondarnyo, sia' honda' oca' kito jam gola' monaati Hukupm Torat samo sama'an siku' urakng hulutn gola' monaati habakngnyo.

Galatia 2:4 ပူးပေါင်းရင်းမြစ်များ

Lukas 5:38

Anggur inyo boharu gola' disimpatn ko dalapm kantong inyo boharu jam.

Kisah Boko Rasul 15:1

Timpu Paulus ongko Barnabas ija' ado di kota Antiokhia nantai, ado boboropo urakng doi' doerah Yudea datakng. Boboropo urakng nantai mula'i mongajar boko urakng inyo pocayo agatn Yesus. Kato sia', “Pado joman komai, Musa moajaran poraturan Allah. Sotiap urakng dalapm umant Allah gola' disunant. Jadi, kaitn urakng inyo bukainyo Yahudi gola' monuruti poraturan nantai, samo sama'an urakng Yahudi. Aman cado, kaitn co paca'an disolamant'an.”

Kisah Boko Rasul 15:24

udah mondinga' borito doi' Paulus, Barnabas huatan urakng bukai inyo kaitn utus ko koi. Koi mondinga' ado boko urakng doi' antaro koi inyo datakng ko kaitn. Apo, koi kinyo moutus sia' nantai. Sia' mongajar kaitn gola' disunant aman honda' disolamant'an. Ajaran sia' nantai mombingungan kaitn, bulah hati kaitn gangga'-gua'an.

Kisah Boko Rasul 20:30

Malahan doi' antaro kaitn siku' paca'an ado urakng inyo moajaran ajaran inyo salah. Sia' paca'an bousaha oca' urakng bukai kinyo pocayo ajaran Yesus inyo bondar apo monjadi pongikut sia'.

Roma 8:15

Komainyo, kaitn samo sama'an pacal inyo ponggola'an. Apo, Roh Allah inyo dionju' ko kaitn kinyo bulah kaitn monjadi samo sama'an nantai agi'. Roh Allah bulah kaitn monjadi poana'an Allah. Obai Roh-Nyo nantai, kito moningkau, “Oi Allah! Duatn Bopaiku!”

2 Korintus 11:13

Obai, boko urakng totontu nantai mongolakar dalapm polayatan sia'. Sia' bopadah sia' nam boko rasul Kristus, apo sobondarnyo sia' boko rasul palsu.

2 Korintus 11:17

Jadi aku honda' momuji diriku siku' apo bukainyo Tuhatn monyiuh aku mongatoan nantai. Apo pandirku momuji diri samo sama'an urakng inyo budu.

2 Korintus 11:20

Kaitn siap monorima' boko urakng nantai inyo momacalan kaitn, inyo monguaso'i kaitn, inyo monipu goyap kountukan doi' kaitn, inyo ongkah bompopangkakng am, inyo mohanyam kaitn.

2 Korintus 11:26

Dalapm banya' pojalatan, aku mohadapi bomacapm bohayo: bohayo doi' sungai, bohayo doi' porampok, bohayo doi' bansoku siku' urakng Yahudi, bohayo doi' boko urakng bukainyo urakng Yahudi, bohayo di kota, bohayo di padakng pasir, bohayo di lout, bohayo doi' boko urakng inyo pompadah sia' pocayo, apo sobondarnyo cado.

2 Korintus 3:17

Nah, ‘Tuhatn’ inyo dimasud di si'itan ia'an Roh. Di mono ado Roh Tuhatn, di siatn ado kobebasan.

Galatia 1:7

Apo nantai bukai Kabar Boi' inyo bondar! Boko urakng inyo moajaran nantai honda' morubah Kabar Boi' mongona'i Yesus Kristus, ia'an Rajo Inyo Dijanjian Allah. Sia' moncubo monggonti'i Kabar Boi' inyo bondar nantai agatn kabar inyo salah. Jadi, sia' bulah kaitn monjadi kacau.

Galatia 4:3

Ubo nian jam agatn kito. Komai, kito sama'an bobia' inyo ija' kocit obai kito dikuaso'i boko poraturan doi' bomacapm-macapm agama di dunia ni'in.

Galatia 5:1

Kristus udah mombebasan kito oca' kito bondar-bondar bebas. Obai nantai am, jangan bobali' agi' samo sama'an hulutn inyo gola' momikul bobatn.

Galatia 5:10

Apo Tuhatn bulahku yakitn obai kaitn kinyo paca'an pocayo ko ajaran inyo bukainyo doi' ajaranku. Allah paca'an mohukupm sopo pan urakngnyo inyo mongacauan pikiran kaitn.

2 Timotius 3:6

Ado di antaro sia', inyo bokokolit mansu' ko dalapm boko rumah. Lalu sia' mongkongkanti'i boko botina' inyo mudah digolaga'i huatan banya' dosa ongko dikuaso'i bomacapm kohonda'.

Yakobus 1:25

Apo Allah momborokati urakng inyo mondinga'an Pandir Allah ongko monaatinyo. Urakng ubo nantai momporhatian Hukupm inyo sompurna, ia'an ajaran inyo mombebasan. Io hala ingant molabuhannyo huatan co kalo mongolupatannyo.

1 Petrus 2:16

Kohonda'nyo kaitn hidup sobagai urakng merdeka, apo jangannam momakai komordekaan nantai pakai' monutupi kojahatan, apo hidup cam sobagai hulutn Allah.

2 Petrus 2:19

Boko guru palsu nantai bojanji obai urakng inyo tuyut ajaran sia' paca'an hidup bebas. Apo sia' siku' samo sama'an hulutn obai dosa udah mongalahan sia'. Sama'an inyo dipandiran: urakng monjadi hulutn ko sopo aja' inyo mongalahannyo.

1 Yohanes 4:1

Boko somadikanku inyo tokasih, udah ado banya' nabi palsu di dunia ni'in. Obai nantaiam, jangannam pocayo agatn somuo urakng inyo mongatoan obai Roh Allah ado di inyo. Apo poriso'icam lobih holu ajaran sia' nantai pakai' mongotohu'i aman roh inyo ado di inyo boasal doi' Allah kata'an cado.

Yudas 1:4

Obai, ado boko urakng totontu inyo molawatn Allah. Nyatonyo, sia' udah mansu' dalapm kolompok kaitn inyo co urakng bukai sadar obai sia' kinyo bondar-bondar pocayo ko Yesus. Sia' mongatoan Allah kito kinyo paca'an mohukupm urakng obai Sio boi' hati. Sia' gunoan pomikiran inyo salah nantai oca' sia' ulih mongosihan boko kohonda' bukakng-tubuh sia' inyo jahat. Sia' jam monula' obai Yesus Kristus ia'an satu-satunyo Tuhatn inyo bokuaso dipucu' kito. Doi' komai, udah ditulis obai sia' paca'an dihukupm.