Galatia 1:8 - Porjanjian Boharu Torjomahan Baso Dilakng Soari-ari

⁸ Apo koi udah momboritoan ko kaitn Kabar Boi' inyo bondar. Sopo ja' inyo momboritoan ko kaitn suatu kabar boi' inyo bukai doi' nantai, mudahan Allah mohukupm sia'. Soandainyo ado di antaro koi boko rasul Yesus damo molekat doi' sorugo pan inyo momboritoan kabar boi' inyo bobeda, mudahan Allah inyo paca'an mohukupm io.

Galatia 1:8 ပူးပေါင်းရင်းမြစ်များ

Galatia 1:9

Sokomainyo koi udah momandiran mongona'i hal nantai. Ni'inan, aku momandiran pomandiran nantai agi'. Aman ado urakng inyo momboritoan ko kaitn suatu kabar boi' inyo bobeda doi' inyo udah kaitn dinga' doi' koi, mudahan Allah mohukupm urakng nantai.

1 Korintus 16:22

Biaram somuo urakng inyo kinyo mongasihi Tuhatn Yesus monorima' hukupan! Datakngcam, Tuhatn!

Roma 9:3

obai banya' urakng Yahudi co honda' pocayo ko Kristus. Malahan aku rela tokutu', topisah doi' Kristus soandainyo hal nantai mombulah sia' monjadi solamant. Obai sia' nam boko somadikanku siku', sosamo banso Israel.

Matius 25:41

Lopas nian, Rajo nantai paca'an bopandir ko boko urakng di sopia' kiba'nyo, ‘Hingkascam doi' pohadapan-Ku, kaitn inyo dihukupm! Mansu' cam ko dalapm api inyo co kalo buta' ia'an nantai tompat inyo udah disiapan pakai' Rajo Sitatn huatan boko molekatnyo.

2 Petrus 2:14

Sia' kinyo kalo suah bulah dosa. Mato sia' hala moncari' boko botina' inyo gala' bomporajoan. Sia' mompongaruhi boko urakng inyo bolupm pocayo agatn kuat. Hati sia' udah tolatih monjadi tama'. Jadi, Allah pasti mohukupm sia'!

Kisah Boko Rasul 23:14

Jadi, sia' botula' ko boko imam kopala' huatan boko pomimpitn Yahudi inyo bukai. Sia' momadahan hajat sia' nantai. Kato sia', “Koi udah bosumpah ko Allah obai koi co paca'an makatn damo minum sobolupm koi bohasil mombunuh Paulus.

Titus 3:10

Aman ado urakng inyo bulah poporapan di antaro boko urakng pocayo, kolai gola' moolikan io. Aman io kinyo botongga', olikan io sokali agi'. Aman io kinyo botongga' jam lopas jadi diolikan duo kali, kolai tohu io kinyo honda' tuyut ajaran inyo bondar agi'. Boko dosanyo mombutian obai inyo salah di hadapan Allah. Jangan bohubukan agi' agatn urakng sama'an nian.

Galatia 3:13

Sobondarnyo, kito somuo gola' dihukupm obai kito kinyo hala ulih monaati somuo porintah huatan poraturan Allah inyo ditulis Musa dalapm buku Hukupm Torat. Apo Kristus monyolamant'an kito doi' hukupan nantai. Sio inyo monanggukng hukupan nantai pakai' kito. Watu Sio mati di kayu salib. Obai ado totulis dalapm Buku Suci, “Urakng inyo dipaku di kayu salib ia'an urakng inyo dihukupm Allah.”

1 Korintus 12:3

Obai nantai, aku gola' mongajar kaitn mongona'i ubo apo caro Roh Allah bokorojo dalapm hidup urakng inyo pocayo. Aman ado urakng inyo bondar-bondar dikuaso'i Roh Allah, pasti urakng nantai kinyo paca'an bopandir, “Yesus cucu'mo dihukupm!” Sobali'nyo, aman ado urakng inyo bopandir, “Yesus nantai Tuhatn inyo bokuaso!” pasti urakng nantai bondar-bondar dikuaso'i Roh Allah.

Markus 14:71

Apo Petrus monyangkal agi' sampai bosumpah. Katonyo, “Aku maho bondar-bondar cuku mongonal Urakng inyo kaitn pandiran nian!”

Galatia 3:10

Apo sotiap urakng inyo bayo bousaha monaati Hukupm Torat, komungkitan paca'an kona' tulah, obai mungkitn sia' co ulih hala monaati somuo porintah huatan poraturan Allah nantai. Obai ado totulis dalapm Buku Suci: “Allah paca'an mohukupm boko urakng inyo kinyo hala sotia monaati somuo Hukupm Torat.”

Roma 16:17

Boko somadikan. Aku kotakng muhun ko kaitn oca' kaitn boboi'cam agatn boko urakng inyo honda' bulah popocahan di antaro kaitn. Sia' honda' oca' kaitn monjadi sosat. Ajaran sia' bolawatan agatn ajaran inyo udah ditorima' kaitn. Jangan tuyut sia'!