Galatia 1:6 - Porjanjian Boharu Torjomahan Baso Dilakng Soari-ari

⁶ Yesus Kristus udah monunju'an koboi'an-Nyo ko kaitn. Agatn caro nantai Allah momilih kaitn pakai' hidup sosuai agatn ajaran nantai. Apo dalapm watu inyo kotakan copat kaitn udah moninggalan Allah. Ni'inan kaitn moikuti suatu ‘kabar boi'’ inyo bukai.

Galatia 1:6 ပူးပေါင်းရင်းမြစ်များ

2 Korintus 11:4

Obai, kaitn siap monorima' urakng inyo datakng mombaba' ajaran inyo salah mongona'i Yesus. Nantai bukainyo doi' ajaran inyo bondar mongona'i Yesus inyo udah koi boritoan ko kaitn komai. Kaitn pan honda' monorima' roh inyo bukainyo doi' Roh Allah inyo udah kaitn torima' komai. Kaitn honda' pocayo ajaran inyo bukai doi' Kabar Boi' inyo udah kaitn pocayo komai.

1 Timotius 1:3

Watu aku botula' ko propinsi Makedonia, aku totap minto oca' kolai totap bodiapm di kota Efesus. Aku mongohonda'i sama'an nantai pakai' kolai monosihat'i boko urakng totontu oca' sia' tongga' mongajaran boko ajaran inyo monyosat'an.

1 Korintus 4:15

Biar pan kaitn ado boribuan urakng inyo mombimbikng kaitn pakai' jumpat Kristus, apo co nyiant urakng inyo samo sama'an Bopai kaitn. Ongkah aku inyo monjadi Bopai kaitn obai aku ninam urakng potamo inyo momboritoan ko kaitn Kabar Boi' mongona'i Kristus Yesus.

Kisah Boko Rasul 15:11

Apo, kito pocayo obai Tuhatn Yesus monyolamant'an kito agatn koboi'an hati Siobukainyo obai kito monaati poraturan agama. Nanam caro boko urakng inyo bukainyo urakng Yahudi disolamant'an jam.”

Galatia 5:4

Aman kaitn bousaha bulah diri kaitn monjadi bondar di hadapan Allah agatn caro monaati Hukupm Torat, rotinyo kaitn momotusan hubukan agatn Kristus. Agatn ubo nian kaitn monula' koboi'an Allah.

Roma 10:3

Sia' co mongoroti caronyo Allah mombulah monsio monjadi bondar di hadapan-Nyo, ongko sia' moncubo monjumpati caro sia' siku'. Jadi, sia' co honda' monorima' caro inyo ditontuan Allah nantai.

1 Timotius 1:14

Apo Tuhatn kito kotakan momborokati aku agatn caro bulah aku monjadi pocayo agatn Sio huatan ulih mongasihi.

Wahyu 22:21

Aku bodoa oca' Tuhatn Yesus monunju'an koboi'an-Nyo ko kaitn somuo. Amin!

2 Timotius 2:1

Timotius, ana'ku, gunoan cam kokuatan doi' Kristus Yesus pakai' kolai lobih kuat pocayo ko Sio.

2 Timotius 1:9

Allah udah monyolamant'an huatan momilih kito, oca' kito hidup husus pakai' Sio. Sio molabuhan nantai bukainyo obai kito udah bulah koboi'an. Apo obai nantai udah hajat huatan koboi'an-Nyo. Koboi'an nantai Sio onju' molalu'i Kristus Yesus sobolupm dunia ni'in dipulah.

Roma 5:2

Obai kito pocayo ko Yesus, jadi kito jam ulih moalapi koboi'an inyo Allah torus-monorus ditunju'an ko kito. Nantaiam koadaan hubukan kito agatn Allah watu ni'in. Apo kito jam sonang-nyamanam obai kito yakitn moharapan obai nono kito paca'an mondapat'an hidup inyo mulia bosamo Allah di sorugo.

Yohanes 9:30

Kato urakng inyo tontainyo buto nantai, “Aneh bondar ni'in! Kaitn co tohu doi' mono tompat asal-Nyo, sodakan io udah mombulah aku ulih moniant.

2 Petrus 1:3

Ninam caronyo Sio moningkau kito: Sio monunju'annyo ko kito obai Sio bokuaso huatan luar biaso boi' oca' kito dapat mongonal Sio. Obai nantai, Sio udah momakai kuaso-Nyo sobagai Allah pakai' dionju' ko kito boko sosuatu inyo dipontikan pakai' hidup inyo monyonangan Sio.

1 Petrus 1:15

Apo, kaitn gola' hidup suci dalapm somuo hal inyo kaitn labuhan samo sama'an Sio inyo moningkau kaitn monjadi umant-Nyo ia'an suci.

Markus 6:6

Sio mooso hiratn obai boko urakng di laman-Nyo kinyo pocayo ko Sio. Lalu, Sio bojalatn bokolilikng doi' laman ko laman, mongajar boko urakng di santai.

Roma 8:28

Kito tohu obai Allah moatur somuo la'apo pan inyo tojadi oca' ado hasil inyo boi' pakai' kito inyo mongasihi Sio, ia'an kito inyo Sio tingkau pakai' monjadi poana'an-Nyo obai nantai roncana-Nyo.

Roma 8:30

Ubo nantaiam, Allah moningkau sia' inyo udah dipilih Sio doi' komai. Sia' nantai inyo Sio tingkau, Sio pan bulah sia' monjadi bondar di pohadapan-Nyo. Sia' nantai inyo monjadi bondar, Sio pan moonji'i kohidupan inyo mulia.

2 Korintus 2:17

Obai, banya' urakng momboritoan Pomandiran Allah pakai' mondapat'an kountukan. Apo, koi co sama'an sia'. Koi momboritoan Pomandiran Allah agatn hati inyo tulus. Koi momboritoan sobagai urakng inyo diutus Allah, urakng inyo bopandir di hadapan Allah, urakng inyo hidup dalapm Kristus.

Galatia 1:7

Apo nantai bukai Kabar Boi' inyo bondar! Boko urakng inyo moajaran nantai honda' morubah Kabar Boi' mongona'i Yesus Kristus, ia'an Rajo Inyo Dijanjian Allah. Sia' moncubo monggonti'i Kabar Boi' inyo bondar nantai agatn kabar inyo salah. Jadi, sia' bulah kaitn monjadi kacau.

Galatia 1:11

Boko somadikan, aku somombondarnyo honda' oca' kaitn mongoroti mongona'i Kabar Boi' inyo aku boritoan. Kabar Boi' nantai kinyo bodasaran doi' pikiran monsio.

Galatia 1:15

Apo, Allah ado hajat husus pakai' aku. Sio momilih aku watu aku ija' dalapm porut indaiku. Sio momilih aku pakai' monjadi rasul Yesus, Ana'-Nyo. Sio molabuhan nantai bukai obai aku bujur bondar, apo obai Sio kotakng boi' ko aku. Jadi, Allah sonang

Galatia 2:5

Apo sodikit pan koi kinyo sotuju agatn kohonda' sia' nantai. Obai koi honda' oca' kaitn hala pocayo agatn Kabar Boi' inyo bondar.

Galatia 2:7

Malah, sia' monjadi sadar obai Allah udah moutus aku. Allah udah moutus aku pakai' momboritoan Kabar Boi' ko urakng bukainyo Yahudi, samo sama'an Allah moutus Petrus ko urakng Yahudi.

Galatia 2:14

Porbuatan sia' kinyo sosuai agatn Kabar Boi' inyo bondar. Jadi, watu aku moniant nantai, aku monogur Petrus di muka' urakng banya'. Katoku, “Kolai urakng Yahudi. Apo kolai udah ulih hidup sama'an urakng bukainyo Yahudi. Obai nantai, jangan momoso boko urakng bukai Yahudi monaati boko poraturan agama Yahudi.”

Galatia 5:14

Obai somuo porintah ongko poraturan Allah di buku Hukupm Torat tocakup dalapm sobuti' porintah, “Kasihicam sosamo kolai sama'an kolai mongasihi diri kolai siku'.”