Galatia 1:5 - Porjanjian Boharu Torjomahan Baso Dilakng Soari-ari

⁵ Huncapm kito momuji Allah somanah-manahnyo. Amin!

Galatia 1:5 ပူးပေါင်းရင်းမြစ်များ

Roma 11:36

Obai, boko la'apo pan dipulah Allah. Somuonyo boasal doi' Allah ongko pakai' Allah. Topujicam Sio somanah-manahnyo! Amin.

Yudas 1:25

Allah monyolamant'an kito molalu'i porbuatan Yesus Kristus, Tuhatn inyo bokuaso di pucu' kito. Allahnam inyo mulia, bosar, kuat, huatan bokuaso sobolupm dunia dipulah, sampai watu ni'in huatan pakai' somanah-manahnyo. Amin!

Ibrani 13:21

Aku bodoa oca' Allah moonju' ko kaitn somuo hal boi' inyo dipontikan kaitn pakai' molabuhan kohonda'-Nyo. Aku bodoa oca' Allah molalu'i Yesus Kristus, mongorojoan dalapm hati kito somuo hal inyo dikohonda'i-Nyo. Mara kito momuji Sio pakai' somanah-manahnyo. Amin!

Wahyu 14:7

Molekat nantai bopandir agatn saro borakng. Katonyo, “Hormaticam Allah. Pujicam Sio! Obai, sampaiam watunyo pakai' Allah mohakipi somuo urakng. Sombahcam Sio inyo mombulah langit, bumi, lout huatan somuo mato ara'i.”

Wahyu 7:12

Kato sia', “Amin! Pujicam Allah kito inyo mulia. Sio hala bijaksana, kuat ongko bokuaso. Sio cucu' dionji'i sukur ongko hormat sampai somanah-manahnyo! Amin!”

Wahyu 5:12

Sia' somuo bonyanyi agatn saro borakng, “Ana' Domba inyo disombolih nantai, Sio cucu' pakai' monorima' kuaso, kodampuan, hikmat, kokuatan. Sio cucu' dihormati, ditinggian, dipuji!”

2 Petrus 3:18

Apo, kaitn gola' botumbuh somongkitn mongonal Yesus Kristus, Ponyolamant huatan Tuhatn inyo bokuaso dipucu' kito. Kironyo kaitn somongkitn sadar mongona'i koboi'an-Nyo. Topujicam Sio, watu ni'in sampai somanah-manahnyo. Amin!

1 Petrus 5:11

Sionam inyo bokuaso sampai somanah-manahnyo! Amin!

2 Timotius 4:18

Tuhatn paca'an monyolamant'an aku doi' somuo usaha urakng jahat. Sio paca'an mombaba'ku agatn solamant ko dalapm Korajaan-Nyo di sorugo. Huncapm kito momuji Sio somanah-manahnyo. Amin!

1 Timotius 1:17

Marabo kito mohormati ongko momuji kobosaran Allah sampai somanah-manahnyo! Sio nanam Rajo inyo momorintah somanah-manahnyo, Allah inyo kinyo ulih ditiat huatan kinyo paca'an kalo mati. Ongkah Sio nanam Allah! Amin.

Filipi 4:20

Topujicam Allah Bopai kito somanah-manahnyo! Amin.

Efesus 1:12

Biar am koi, inyo mulo-mulo boharap ko Kristus, momuji Allah obai komulia'an-Nyo.

Roma 16:27

Sionam Allah. Sio pintar-corodi' dalapm somuo la'apo pan. Topujicam Sio molalu'i Yesus Kristus pakai' somanah-manahnyo. Amin!]

Lukas 2:14

“Pujian pakai' Allah di sorugo, tompat Inyo Maho Tinggi. Sonang-asau di bumi pakai' monsio inyo monyonangan hati Allah.”

Matius 28:20

Ajaricam sia' pakai' monaati somuo inyo udah Ku porintahan ko kaitn. Ingantcam: Aku paca'an hala monyoroto'i kaitn sampai ahir joman.”

Matius 6:13

Jangan mombaba' koi ko dalapm poncoba'an apo lopasan koi doi' kuaso jahat. Obai Duatn inyo umputn koraja'an, kuaso agatn komulia'an sampai somanah-manahnyo. Amin’.

1 Korintus 8:13

Obai nantai, aman la'apo inyo aku pua'i bulah salah siku' doi' sia' bodosa, aku co paca'an bopua' dagikng agi' soumur hidupku. Bolai'ku bulah urakng bukai inyo pocayo bodosa.