Galatia 1:4 - Porjanjian Boharu Torjomahan Baso Dilakng Soari-ari

⁴ Yesus monyorahan diri-Nyo huatan mati di kayu salib. Agatn porbuatan nantai, Sio monyolamant'an kito doi' hukupan boko dosa kito. Sio molabuhan nantai pakai' monyolamant'an kito doi' kojahatan inyo ado di joman ni'in jam. Somuo nantai tojadi sosuai agatn kohonda' Allah.

Galatia 1:4 ပူးပေါင်းရင်းမြစ်များ

Matius 20:28

Kaitn gola' tuyut toladatn Ana' Monsio. Sio datakng ko dunia ni'in bukainyo pakai' dilayati boko urakng, apo pakai' molayati boko urakng bukai. Sio paca'an monyorahan diri sampai mati. Agatn caro nantai, Sio monobus dosa urakng banya'.”

Roma 4:25

Allah monyorahan Yesus oca' Sio mati di kayu salib pakai' monanggukng hukupan dosa kito. Allah mombulah Yesus bobali' hidup oca' kito ulih monjadi bondar di hadapan-Nyo.

Galatia 2:20

Obai aku kinyo hidup agi' agatn caro sama'an komai. Ni'in, Kristus monontuan caro hidupku. Aku hidup di dunia ni'in agatn caro boharu obai aku pocayo ko Sio. Sio nantai Ana' Allah inyo kotakan mongasihi aku. Sio monyorahan diri-Nyo sampai mati sobagai kurbatn inyo monggonti'i aku.

1 Petrus 2:24

Kristus siku' pan udah monanggukng hukupan dosa kito watu Sio mati di kayu salib. Sio molabuhan nantai oca' kito jangan bulah dosa agi', oca' kito dapat hidup agatn caro inyo bondar di hadapan Allah. Obai boko luko Kristus, kaitn monjadi nyamanam.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

2 Korintus 4:4

ia'an boko urakng inyo kinyo honda' pocayo. Rajo Sitatn, inyo monguaso'i dunia ni'in, udah bulah sia' co mongoroti. Io bulah mato hati sia' monjadi buto oca' sia' co moniant cohayo, ia'an Kabar Boi' mongona'i Kristus inyo mulia, Kristus inyo nianam samo agatn rupo Allah.

1 Timotius 2:6

Yesus monyorahan diri sampai mati pakai' monanggukng hukupan dosa somuo urakng. Hal ni'in dibutian pas watu inyo ditontuan Allah.

Efesus 2:2

Watu nantai, caro hidup kaitn samo sama'an boko urakng di dunia ni'in inyo kinyo mongonal Allah. Kaitn tuyut Rajo Sitatn inyo bokuaso di langit di pucu' somuo kuaso jahat. Io ia'an roh inyo bokorojo dalapm hati boko urakng inyo kinyo monaati Allah.

1 Tesalonika 3:13

Koi bodoa oca' ni'inan Tuhatn monguat'an hati kaitn. Jadi, pas Yesus, Tuhatn kito agatn boko urakng suci umputn Sio, nononyo datakng, Allah Bopai kito moanggap kaitn kinyo bosalah huatan suci.

Roma 12:2

Jangannam kaitn tontuyutan kolaku'an boko urakng bukai di dunia ni'in. Apo biar Allah morubah pomikiran kaitn monjadi boharu. Agatn ubo nantai, kaitn ulih mongotohu'i la'apo inyo Allah kohonda'i, ia'an lapo inyo boi', la'apo inyo monyonangan Sio, huatan la'apo inyo sompurna.

Filipi 4:20

Topujicam Allah Bopai kito somanah-manahnyo! Amin.

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.

Wahyu 1:5

Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.

Wahyu 5:9

Sia' monyanyian nyanyian boharu pakai' momuji Ana' Domba nantai. Kato sia', “Duatn inyo cucu' monorima' gulukan buku nian lalu molopasan boko segelnyo. Obai, Duatn udah disombolih; Agatn darah Duatn siku', Duatn udah mombayar hukupan dosa boko urakng doi' sotiap suku, sotiap baso, sotiap banso, sotiap negara. Duatn molabuhan nantai pakai' bulah sia' monjadi umant umputn Allah.

1 Yohanes 3:16

Apo kito udah mongotohu'i caro pakai' mongasihi urakng bukai doi' contoh ni'in: Yesus Kristus monyorahan hidup-Nyo pakai' monyolamant'an kito. Jadi, kito pan gola' rela monyorahan hidup kito pakai' boko somadikan kito.

1 Yohanes 2:2

Yesus mati oca' boko dosa kito diamputi. Bukainyo bayo pakai' dosa kito ja'am, apo pakai' dosa somuo urakng di dunia ni'in.

1 Petrus 3:18

Obai, Kristus udah mati sokali pakai' somuo dosa kito. Sio kinyo bodosa, apo Sio mati pakai' boko urakng inyo bodosa oca' Sio mombimbikng kito ko Allah. Sio inyo udah dibunuh dalapm koadaan-Nyo sobagai monsio, apo Roh Allah mombulah Sio hidup agi'.

Yakobus 4:4

Kaitn co sotia ko Allah samo sama'an siku' urakng inyo bomporajoan rotinyo co sotia ko pasakannyo. Kaitn gola' mongotohu'i ni'in: Boko urakng inyo moncintai kosonangan di dunia ni'in, sia' monjadi musuh Allah. Jadi, aman kaitn moncintai kosonangan di dunia ni'in, rotinyo kaitn monjadi musuh Allah.

Ibrani 6:5

kalo monorima' Pomandiran Allah inyo boi', kalo moalapi kuaso Allah doi' joman inyo tajahan datakng,

2 Tesalonika 2:16

Allah Bopai huatan Yesus Kristus, Tuhatn kito, mongasihi kito. Sio monguat'an hati kito somanah-manahnyo. Sio jam bulah kito kotakng yakitn obai Sio paca'an momonuhi somuo janji inyo boi' pakai' kito. Koi bodoa oca' Allah Bopai huatan Yesus Kristus, Tuhatn kito

Yohanes 12:31

Watu ni'in udah gonapam watunyo dunia ni'in dihakipi. Watu ni'in jam, io inyo monguaso'i dunia ni'in, ia'an Rajo Sitatn, paca'an dikalahan.

Matius 26:28

Obai, ninam darah-Ku inyo paca'an ditumpahan pakai' urakng banya' watu Aku mati. Nantai paca'an tojadi oca' boko urakng ulih diamputi doi' boko dosa sia'. Nianam Pojanjian Allah inyo disahan agatn darah-Ku.

Ibrani 9:14

boroti darah Kristus lobih boi' agi'. Molalu'i Roh Allah inyo hala ada'an, Kristus udah momposombahan diri-Nyo siku' ko Allah. Sio nam kurbatn posombahan inyo sompurna. Darah-Nyo mombulah hati kito monjadi borosih doi' boko porbuatan inyo kinyo bondar oca' kito ulih monyombah Allah inyo hidup.

Ibrani 2:5

Allah kinyo moonju' kuaso ko boko molekat pakai' momorintah dunia inyo tajahan datakng, ia'an dunia inyo kito kisahan ni'in.

1 Tesalonika 3:11

Ni'inan koi bodoa ko Allah Bopai kito huatan ko Yesus, Tuhatn kito. Koi bodoa oca' Sio mombuka' jalatn ko koi pakai' monjongu' kaitn agi'.

Efesus 6:12

Obai kito boparakng bukatnnyo molawatn monsio apo molawatn somuo macapm kuaso golap di dunia ni'in, huatan molawatn somuo boko roh jahat di awakng-awakng.

Efesus 1:11

Allah mongorojoan somuo hal sosuai agatn kohonda'-Nyo huatan koputusan-Nyo siku'. Doi' mulonyo, Sio udah ado tujuan pakai' momilih koi. Jadi, di dalapm Kristus, Allah mombulah koi monjadi umat-Nyo.

Galatia 6:14

Apo aku kinyo buhau agatn porbuatan la'apo pan inyo aku labuhan. Aku bayo sonang agatn porbuatan Yesus Kristus. Sio mati di kayu salib pakai' mombuka' jalatn oca' urakng ulih disolamant'an. Sio nantai Tuhatn kito, ia'an kito inyo pocayo ko Sio. Obai nantai, ubonyo aku pan disaliban tohadap somuo hal inyo duniawi. Aku kinyo morogo'i boko hal inyo dirogo'i boko urakng inyo ado di dunia ni'in. Boko urakng inyo ado di dunia ni'in pan kinyo morogo'i boko hal inyo aku rogo'i.

Roma 8:32

Allah mombiaran oca' Ana'-Nyo siku' sonsaro. Allah monyorahan Ana'-Nyo oca' Sio mati pakai' monanggukng hukupan dosa kito. Aman Allah udah molabuhan nantai pakai' kito, pasti Sio pan tajahan moonji'i kito somuo hal inyo bukai inyo Sio janjian.

Roma 8:3

Hukupm Torat culih molopasan urakng doi' kuaso dosa obai monsio lomah ongko culihnyo monaati Hukupm Torat nantai. Apo hal nantai inyo co mungkitn dilabuhan Hukupm Torat, udah dilabuhan Allah. Sio moutus Ana'-Nyo datakng ko dunia ni'in. Tubuh Ana'-Nyo ado kohonda' pakai' bodosa samo sama'an monsio biaso, apo Sio kinyo bodosa. Jadi, Sio ulih monanggukng hukupan dosa monsio.

Yohanes 10:11

Aku ninam pongombolo inyo boi'. Pongombolo inyo boi' monyorahan hidupnyo pakai' monyolamant'an boko dombanyo.

Yohanes 6:38

Obai, Aku udah turutn doi' sorugo bukainyo pakai' molabuhan kohonda'-Ku siku', apo Aku molabuhan kohonda' Allah inyo udah moutus Aku.

Yohanes 5:30

“Aku culih-Ku bulah boko lapo doi' kohonda'-Ku siku'. Aku mohakipi sosuai agatn lapo inyo Aku dinga' doi' Bopai-Ku. Somuo koputusan-Ku adil, obai Aku co monuruti kohonda'-Ku siku', apo Aku monuruti kohonda' Sio inyo moutus Aku.

Lukas 22:42

Kato-Nyo, “Bopai, aman ulih, bebasan Aku doi' ajab sonsaro inyo gola' Kualapi ni'in. Apo jangan monurut kohonda'-Ku, kohonda' Duatn ja'am Bopai.”

Markus 10:45

Kaitn gola' moniru toladatn Ana' Monsio inyo datakng ko dunia ni'in bukainyo pakai' dilayati boko urakng bukai, apo pakai' molayati boko urakng bukai. Io paca'an monyorahan dirinyo sampai mati pakai' mombayar hukupan dosa boko urakng.”

Matius 26:42

Lopas nian, Yesus botula' bodoa pakai' koduo kalinyo. Kato-Nyo, “Oi, Bopai-Ku. Aman Aku gola' moalapi pondorita'an ni'in, culih disangkal, lalu tojadicam sosuai agatn kohonda' Duatn!”

Matius 6:9

Obai nantai, kohonda'nyo kaitn bodoa sama'an ni'in: ‘Bopai koi inyo ado di sorugo, suciam damo Duatn.

Wahyu 7:9

Lopas nantai aku moniant, ih, ado kumpulan urakng inyo kotakan banya', kinyo tohitukng jumlahnyo. Sia' doi' sotiap banso, sotiap suku, sotiap negara, sotiap baso. Sia' bodiritn di hadapan tahta ongko di hadapan Ana' Domba. Sia' momakai jubah putih ongko monjujut boko dahatn kayu palem di jari sia'.

Roma 8:27

Allah inyo monyolidiki hati monsio, Sio tohu masud Roh-Nyo nantai. Sio tohu obai Roh-Nyo bodoa pakai' umant husus umputn-Nyo huatan obai Roh-Nyo bodoa sosuai agatn kohonda'-Nyo.

Lukas 22:19

Lopas nantai Yesus monguti' roti. Lopas jadi bodoa sukur agi', Sio momingkai'-mingkai' roti nantai agatn jari-Nyo lalu moonju'nyo ko sia'. Kato-Nyo, “Ni'innam bukakng-tubuh-Ku inyo paca'an Ku sorahan pakai' kaitn. Pulahcam ni'in torus-monorus pakai' monggonang Aku.”

Matius 13:22

Tanah inyo bisi rado momant nantai monggambaran boko urakng mondinga'an Pomandiran Allah, apo manah komanahannyo, sia' kuatir mongona'i kohidupan di dunia ni'in. Sia' ditipu obai kodampuan lobih pontikng. Somuo hal nantai mohambat sia' sampai co hidup sosuai agatn Pomandiran Allah.

1 Korintus 15:3

Aku udah monorima' Kabar Boi' ongko aku monyampaian nantai ko kaitn. Inyo kotakan pontikng doi' Kabar nantai ia'an boko kojadian ni'in: Kristus udah mati obai boko dosa kito. Hal nantai sama'an inyo ditulis dalapm Buku Suci.

Efesus 5:16

Gunoan cam sotiap kosompatan pakai' bulah koboi'an. Obai, joman ni'in ia'an joman inyo jahat.

1 Tesalonika 1:3

Koi bosukur ko Allah Bopai kito obai koi moingant caro hidup kaitn. Ia'an, obai kaitn pocayo ko Yesus huatan udah moniant'an dalapm porbuatan kaitn inyo nyata. Kaitn mongasihi urakng bukai agatn somombondarannyo monulukng sia'. Ongko kaitn totap kuat ongkah boharap ko Yesus Kristus, Tuhatn kito.