Galatia 1:16 - Porjanjian Boharu Torjomahan Baso Dilakng Soari-ari

¹⁶ monyatoan Yesus ko aku. Allah molabuhan nantai oca' aku momboritoan ko boko urakng bukai Yahudi mongona'i Yesus. Jadi, aku dapat pongorotian mongona'i Yesus lansukng doi' Sio siku' huatan aku co minto siku' urakng pan momadahiku.

Galatia 1:16 ပူးပေါင်းရင်းမြစ်များ

Matius 16:17

Kato Yesus ko io, “Simon ana' Yunus, kolai udah diborokati Allah Bopai-Ku inyo di sorugo. Obai kolai mondapat pongorotian mongona'i hal nantai doi' Sio, bukainyo doi' monsio.

Efesus 6:12

Obai kito boparakng bukatnnyo molawatn monsio apo molawatn somuo macapm kuaso golap di dunia ni'in, huatan molawatn somuo boko roh jahat di awakng-awakng.

Efesus 3:1

Nantaiam sobabnyo aku, Paulus ditamoan ko dalapm ponjara obai molayati Kristus Yesus momboritoan Kabar Boi' ko kaitn boko urakng bukainyo urakng Yahudi. Obai aku molabuhan nantai, jadi aku

2 Korintus 4:6

Obai, Allah inyo bopandir, “Kohonda'nyo ado torakng inyo bocohayo doi' kogolapan!” Sio jam inyo mombulah torakng bocohayo di dalapm hati kito. Ia'an, Sio mombulah oca' kito ngoroti agatn hal ni'in: Komulia'an Allah dapat ditiat di dalapm muho Kristus.

Roma 11:13

Ni'in, aku bopandir ko kaitn boko banso bukainyo banso Yahudi. Obai aku ninam rasul inyo molayati boko urakng bukainyo urakng Yahudi, jadi aku momuji polayatanku nantai.

Kisah Boko Rasul 22:21

Apo Tuhatn bopandir ko aku, ‘Botula'cam! Obai Aku paca'an moutus kolai ko boko tompat inyo jouh doi' si'itn. Kolai gola' momboritoan mongona'i Aku ko boko banso urakng inyo bukai Yahudi.’ ”

Kisah Boko Rasul 9:15

Apo Tuhatn bopandir ko io, “Botula'cam, obai Aku udah momilih io. Io paca'an monjadi hulutn-Ku. Io paca'an momboritoan mongona'i Aku ko boko urakng inyo kinyo Yahudi. Io pan paca'an momboritoan ko boko rajo sia'. Io paca'an momboritoan ko boko urakng Yahudi jam.

Matius 26:41

Bojojago cam ongko bodoacam oca' kaitn totap pocayo watu dicubo'i. Memang hati kaitn honda' botahatn mohadapi coba'an, apo tobiat monsio kaitn lomah.”

Ibrani 2:14

Yesus monyobut'an boko urakng inyo pocayo ko Sio sobagai poana'an. Sia' ado bukakng-tubuh monsio inyo ulih mati, jadi Yesus monjadi monsio huatan moalapi koadaan samo sama'an sia'. Sio molabuhan nantai oca' watu Sio mati, Sio ulih mohancuran Rajo Sitatn. Rajo Sitatn bokuaso mombulah monsio mati.

2 Timotius 1:11

Aku diutus pakai' monjadi rasul-Nyo inyo momboritoan Kabar Boi' nantai lalu mongajar urakng mongona'i Sio.

1 Timotius 2:7

Nianam Kabar Boi' inyo gola' aku boritoan. Nantaiam alasannyo aku diutus monjadi rasul pakai' momboritoannyo. Pomandiran aku ni'in bondar. Aku co bulah tumbukan. Aku dipilih pakai' mongajar boko urakng inyo bukainyo urakng Yahudi oca' sia' tohu la'apo inyo bondar mongona'i Yesus.

1 Tesalonika 2:16

obai sia' bousaha monongga'an koi oca' co momboritoan Kabar Boi' ko urakng inyo bukainyo urakng Yahudi. Sia' kinyo honda' kaitn inyo bukainyo urakng Yahudi disolamant'an! Agatn boko porbuatan nantai, sia' torus-monorus monambah dosa sia' udah langkukng-lalu ongko. Ni'in, koponsuahannyo Allah pan godi. Pasti sia' paca'an dihukupm kotakng borat.

Galatia 2:1

Lopas jadi ompat bolas tohutn, aku botula' agi' ko Yerusalem agatn bimbikan Allah. Aku ko siatn bosamo Barnabas. Titus pan tuyut bosamo aku. Di Yerusalem, ado boko pomimpitn urakng inyo pocayo. Boko pomimpitn nantai dianggap tohormat. Aku moadoan potomuan husus bayo agatn sia' mo. Dalapm potomuan nantai, aku monjolasan ko boko pomimpitn nantai isi Kabar Boi' inyo aku boritoan ko boko banso bukai Yahudi. Aku monjolasan polayatanku nantai obai aku kuatir mungkitn polayatan aku watu komai ulih monjadi co boroti jam.

2 Korintus 5:16

Obai, nantai koi co agi' monilai urakng monurut ukuran kito. Koi kalo monilai Kristus monurut ukuran monsio. Apo ni'in co ija' sama'an nantaiam.

1 Korintus 15:50

Boko somadikan, ni'in inyo pontikng pakai' dikotohu'i: Bukakng-tubuh kito ni'in, ia'an dagikng huatan darah, kinyo ulih mansu' Koraja'an Allah nononyo. Bukakng-tubuh kito ni'in dapat mati. Jadi, bukakng-tubuh sama'an ni'in kinyo dapat hidup somanah-manahnyo.

Kisah Boko Rasul 5:42

Sia' co botongga' moajaran Kabar Boi' obai Yesus nanam Rajo Inyo Dijanjian Allah. Sia' momboritoan nantai sotiap ari di tongahlamanan Rumah Allah ongko di boko rumah urakng.

Kisah Boko Rasul 9:20

Lopas jadi io ulih moniant agi' huatan monjadi kuat agi', io lansukng botula' ko boko rumah sombayakng urakng agama Yahudi. Io momboritoan obai Yesus nantai Ana' Allah.

Roma 1:5

Allah jam monunju'an koboi'an-Nyo ko aku. Ia'an Yesus momilih aku pakai' monjadi rasul inyo mowakili Sio. Sio moonji'i tugas ko aku pakai' mombimbikng boko urakng doi' somuo banso oca' sia' pocayo huatan taat ko Sio.