Filipi 4:9 - Porjanjian Boharu Torjomahan Baso Dilakng Soari-ari

⁹ Solaitn nantai, kaitn gola' hidup sosuai agatn ajaran inyo ku sampaian ko kaitn. Labuhancam lapo inyo kaitn torima' doi' ku. Turuticam boko pomandiran inyo kaitn dinga' doi' ku. Labuhancam boko porbuatan inyo kaitn tiat udah ku labuhan. Agatn ubo nantai, Allah inyo moonji'i sonang-asau tajahan monyoroto'i kaitn.

Filipi 4:9 ပူးပေါင်းရင်းမြစ်များ

Matius 1:23

“Dinga'anbo! Siku' urakng botina' daro paca'an buntikan, lalu boana'an siku' bobia' lolaki. Sia' paca'an mondamo'i Sio, Imanuel.” (Damo Imanuel nantai boroti “Allah monyoroto'i kito.”)

Matius 28:20

Ajaricam sia' pakai' monaati somuo inyo udah Ku porintahan ko kaitn. Ingantcam: Aku paca'an hala monyoroto'i kaitn sampai ahir joman.”

Matius 7:21

Kinyo somuo urakng inyo moningkau Aku, ‘Tuhatn, Tuhatn,’ paca'an mansu' ko dalapm Koraja'an Sorugo. Apo bayo boko urakng inyo molabuhan kohonda' Bopai-Ku di sorugo inyo mansu' ko dalapm Koraja'an Sorugo.

Lukas 6:46

“Kaitn co bondar aman ongkah moningkau Aku ‘Tuhatn’, apo kaitn co molabuhan la'apo inyo Ku siuh.

Lukas 8:21

Apo kato Yesus, “Somuo urakng inyo mondingaꞌan pomandiran Allah huatan molabuhannyo, sia' ia'an indai ongko boko somadikan-Ku.”

Yohanes 13:17

Aman kaitn tohu somuo nantai, jadi kaitn paca'an diborokati aman kaitn molabuhannyo.

Yohanes 15:14

Kaitn nam boko pokawalan-Ku, ia'an aman kaitn molabuhan la'apo inyo Ku porintahan ko kaitn.

Yohanes 2:5

Apo indai Yesus bopandir ko boko hulutn di siatn nantai, “Haja' kato labuhan nam la'apo inyo Io padahan ko kaitn.”

Kisah Boko Rasul 9:6

Ni'inan bodiritncam. Mansu' ko kota nantai. Di su'utn paca'an ado urakng inyo momadahan la'apo inyo gola' kolai labuhan.”

Roma 15:33

Aku bodoa oca' Allah hala ado bosamo agatn kaitn somuo, ia'an nantai Allah inyo moonji'i sonang-nyamanam. Amin.

Roma 16:20

Allah inyo moonji'i sonang-nyamanam tajahan copat molonyapan kuaso Rajo Sitatn inyo molawatn kaitn. Aku bodoa oca' Yesus, Tuhatn kito, hala monunju'an kasih-Nyo ko kaitn.

1 Korintus 10:31

Apo aku momandiran ni'in: Aman kaitn makatn, damo minum, damo molabuhan la'apo pan, labuhancam somuonyo oca' urakng bukai momuji Allah.

1 Korintus 14:33

Somuo komampuan doi' Roh Allah paca'an dipakai socaro toatur. Obai Allah kinyo mongohonda'i kokacauan. Sio mongohonda'i oca' kito ado kodamaian.

1 Korintus 4:16

Obai nantai, aku monosihat'i kaitn: Tirucam toladatnku.

2 Korintus 13:11

Ahirnyo boko somadikanku bosonang nyaman cam! Bousaha cam hidup bobondar sobagai urakng inyo pocayo. Taat'icam boko nosihatku. Hidupcam sohati sopikiran, ongko hidup cam sonang-asau agatn siku'-monyiku'. Aman kaitn molabuhan nantai, jadi Allah paca'an momborokati kaitn. Sionam inyo sumber kasih ongko sonang-asau.

Filipi 3:17

Boko somadikan, tuyutcam toladatnku. Porhatiancam boko urakng inyo hidup sosuai agatn toladatn koi.

Filipi 4:7

Jadi, Allah tajahan moonji'i kaitn sonang-asau inyo monsio kinyo mongoroti. Damai nantai tajahan monjago hati ongko pikiran kaitn di dalapm Kristus Yesus.

1 Tesalonika 1:6

Ongko, kaitn hidup agatn caro inyo samo sama'an koi, huatan samo sama'an Tuhatn Yesus jam. Masud aku, watu kaitn monjadi pocayo ko Yesus, kaitn kotakng di dorako'i. Apo kaitn totap pocayo Kabar Boi' nantai agatn rindakng-rigah doi' Roh Allah.

1 Tesalonika 2:14

Butinyo ia'an kaitn sonjumpat'an caro hidup inyo samo sama'an boko urakng inyo pocayo ko Kristus Yesus di doerah Yudea. Lopas kaitn monjadi pocayo, kaitn didorako'i boko urakng doi' banso kaitn siku'. Sama'an nantai jam, lopas boko urakng Yahudi di doerah Yudea monjadi pocayo, sia' didorako'i boko urakng doi' banso sia' sikuꞌ.

1 Tesalonika 5:23

Ni'inan koi bodoa ko Allah inyo moonji'i kito sonang-asau huatan bulah kaitn mongkitn lobih suci dalapm somuo hal. Koi bodoa mudahan kinyo ado boko hal inyo jahat dalapm soluruh roh kolai, jiwa kolai huatan bukakng-tubuh kolai, timpu Yesus, Tuhatn kito nononyo datakng agi' ko dunia ni'in.

2 Tesalonika 3:4

Koi yakitn Tuhatn paca'an monulukng kaitn. Koi yakitn kaitn tongahan molabuhan somuo inyo koi ajaran ko kaitn. Kaitn paca'an torus molabuhan nantai jam.

2 Timotius 4:22

Aku bodoa oca' Tuhatn monyoroto'i kolai, Timotius. Aku bodoa oca' Tuhatn monunju'an koboi'an-Nyo ko somuo kaitn.

Yakobus 1:22

Jadi, kaitn gola' monaati Pomandiran-Nyo. Jangan ongkah mondinga'annam, obai aman ubo nian kaitn monipu diri kaitn siku'.

2 Petrus 1:10

Obai nantaiam, boko somadikanku, bousahacam lobih kuat agi' molabuhan somuo nantai. Agatn ubo nian, kaitn lobih yakitn obai Allah udah momilih huatan moningkau kaitn pakai' monjadi umant-Nyo. Obai, aman kaitn molabuhan nantai, kaitn co paca'an jatu' ko dalapm dosa.

1 Yohanes 3:22

Sio moonji'i kito lapo ja' inyo kito minto obai kito monoruti somuo porintah-Nyo, huatan obai kito molabuhan la'apo pan inyo monyonangan hati-Nyo.