Filipi 4:6 - Porjanjian Boharu Torjomahan Baso Dilakng Soari-ari

⁶ Jangan gola' mongona'i lapo pan, apo bodoacam mongona'i la'apo pan. Agatn oso sukur, padahan cam ko Allah lapo inyo honda' kaitn pinto.

Filipi 4:6 ပူးပေါင်းရင်းမြစ်များ

Matius 10:19

Timpu kaitn ditangkap, jangan gola' mongona'i pomandiran inyo paca'an kaitn pandiran pakai' mombela diri. Jangan gola' jam mongona'i caronyo kaitn gola' monyampaian pomandiran nantai. Obai watu nantai, Allah siku' paca'an moonji'i ko kaitn pomandiran.

Matius 13:22

Tanah inyo bisi rado momant nantai monggambaran boko urakng mondinga'an Pomandiran Allah, apo manah komanahannyo, sia' kuatir mongona'i kohidupan di dunia ni'in. Sia' ditipu obai kodampuan lobih pontikng. Somuo hal nantai mohambat sia' sampai co hidup sosuai agatn Pomandiran Allah.

Matius 6:34

Obai nantai, ari ni'in jangan kuatir mongona'i ari hobu'. Hobu' urusan hobu'. Ado cukup banya' kosusahan dalapm soari pakai' dipikiran.”

Matius 6:8

Jadi, padohan kaitn bodoa sama'an sia'. Obai, Allah Bopai kaitn udah mongotohu'i kopontikan kaitn sobolupm kaitn mominto ko Sio.

Lukas 10:41

Apo Tuhatn Yesus monimbasnyo, “Marta, Marta, kolai kuatir ongko monyusahan diri agatn banyaꞌ hal.

Lukas 12:22

Lopasnyo, Yesus bopandir ko boko murid-Nyo, “Obai kodampuan di dunia ni'in kinyo monjamin soluruh kohidupan kaitn, jadi jangan kuatir mongonaꞌi pomakatn pakai' hidup kaitn. Jangan kuatir mongonaꞌi banggi-pakaian pakai' bukakng-tubuh kaitn.

Lukas 12:29

Jangan bulah tujuan kohidupan kaitn bayo momikiran mongonaꞌi makatn-minum. Jangan kuatir hal nantai.

Lukas 18:1

Yesus momakai poumpamoan ni'in pakai' mongajar boko murid-Nyo oca' hala bodoa huatan co putus asa, obai doanyo tajahan dikabulan.

Lukas 18:7

Jadi, pasti Allah inyo boi' bulah koputusan inyo adil pakai' urakng pilihan-Nyo inyo bodoa ko Sio siakng malapm. Pasti Sio tajahan co kalo landai monulukng sia'.

1 Korintus 7:21

Contohnyo agi', aman kaitn siku' urakng hulutn watu kaitn ditingkau Allah, nantai kinyo mosalah mo. Apo memang, soumpamo kaitn bodapat kosompatan pakai' monjadi bebas, gunoan cam kosompatan nantai.

1 Korintus 7:32

Aku honda' oca' kaitn cado kuatir mongona'i la'apo pan. Siku' urakng lolaki inyo kinyo kawitn ulih borotian boko hal mongona'i Tuhatn, ia'an ubo apo caronyo io ulih monyonangan Tuhatn.

2 Korintus 1:11

Kaitn jam tuyut monulukng koi agatn banya' doa kaitn pakai' koi. Jadi, nononyo, timpu Allah monunju'an koboi'an-Nyo ko koi, jadi banya' urakng paca'an bosukur obai nantai.

Efesus 5:20

Hala bosukur cam ko Allah Bopai kito pakai' somuo hal, bosukur cam ko Sio dalapm damo Tuhatn kito, Yesus Kristus.

Efesus 6:18

Kaitn gola' hala waspada oca' sotiap watu kaitn ulih bodoa agatn dibimbikng Roh Allah. Pakaicam somuo macapm doa huatan pomuhunan ko Allah. Jangan botongga' bodoa pakai' somuo urakng inyo pocayo.

Kolose 3:15

Kaitn samo sama'an sobukakng-sotubuh. Allah moningkau kaitn pakai' hidup dalapm sonang-asau agatn inyo bukai. Obai nantai, kohonda'nyo sonang-asau doi' Kristus monguaso'i hati kaitn. Bukai doi' nantai, bosukurcam ko Allah.

Kolose 3:17

Nanam, somuo inyo kaitn labuhan, somuo inyo kaitn pandiran, kaitn gola' molabuhan somuonyo nantai agatn kuaso Yesus, Tuhatn kito. Labuhancam somuonyo kapikng bosukur ko Allah Bopai kito molalu'i Yesus sobagai porontaro.

Kolose 4:2

Bodoacam agatn somombondarannyo. Dalapm doa kaitn, gola' hala bososiap huatan bosukur ko Allah.

1 Timotius 2:1

Aku monosihat'i kolai: Inyo kotakng pontikng ia'an doa. Bodoacam pakai' diri kolai siku' ongko pakai' urakng bukai. Moucap sukurcam ko Allah obai somuo urakng,

1 Timotius 5:5

Siku' botina' balu inyo bondar-bondar gola' ditulukng doi' jomaat ia'an botina' balu inyo hidup sonsiku'an, co nyiant koluarga pakai' monulukng io. Io boharap ko Allah. Io bodoa siakng-malapm mominto potulukan doi' Allah.

1 Petrus 4:7

Boko somadikan ahir dunia ni'in udah dampikam. Obai nantai, kaitn gola' kondalian diri kaitn, ongko hala siap oca' kaitn ulih bodoa.

1 Petrus 5:7

Jangan bogonang mongona'i la'apo pan, apo bodoacam ko Tuhatn oca' Sio mourus somuo mosalah kaitn. Obai, Sio mongombolo kaitn.