Filipi 4:5 - Porjanjian Boharu Torjomahan Baso Dilakng Soari-ari

⁵ Honda'nyo somuo urakng ulih moniant sikap kaitn inyo boi' hati. Ingant! Tuhatn Yesus kinyo manah agi' datakng am.

Filipi 4:5 ပူးပေါင်းရင်းမြစ်များ

Matius 6:25

“Obai nantai, jangan kuatir mongona'i makatan damo minuman pakai' hidup kaitn. Jangan kuatir mongona'i pakai'an pakai' bukakng-tubuh kaitn. Hidup lobih pontikng doi' pomakatn. Bukakng-tubuh lobih pontikng doi' pakai'an.

Matius 6:34

Obai nantai, ari ni'in jangan kuatir mongona'i ari hobu'. Hobu' urusan hobu'. Ado cukup banya' kosusahan dalapm soari pakai' dipikiran.”

Lukas 21:34

“Jagocam diri kaitn. Jangan sampai ado boko hal di dunia ni'in inyo moncaci' pikiran kaitn, ubo mabu', porbuatan jahat inyo dilabuhan aman udah komabu'an, boko mosalah kohidupan ni'in. Aman pikiran kaitn samaꞌan nian, nononyo kaitn co siap timpu ari nantai datakng. Obai ari nantai tajahan datakng pakai' somuo urakng, conyiant inyo tohu, samo samaꞌan joyat ntobukan mongujut bonatakng.

1 Korintus 16:22

Biaram somuo urakng inyo kinyo mongasihi Tuhatn Yesus monorima' hukupan! Datakngcam, Tuhatn!

1 Korintus 6:7

Jangan pan botula' bopokaro ko urakng inyo bukai umputn Allah, aman ado potikakan di antaro kaitn boroti kaitn udah gagal. Lobih boi' kaitn dipolakuan co adil damo dirugian.

1 Korintus 8:13

Obai nantai, aman la'apo inyo aku pua'i bulah salah siku' doi' sia' bodosa, aku co paca'an bopua' dagikng agi' soumur hidupku. Bolai'ku bulah urakng bukai inyo pocayo bodosa.

1 Korintus 9:25

Ubo nian jam, somuo urakng inyo tuyut dalapm potandikan gola' mongondalian diri dalapm somuo hal pakai' bolatih koras. Sia' molabuhan nantai pakai' mondapat'an hadiah. Hadiah sia' kinyo tahatn manah. Apo kito inyo pocayo mongondalian diri dalapm somuo hal oca' bodapat hadiah inyo kinyo paca'an rusa' somanah-manahnyo.

2 Korintus 10:1

Aku ninam, Paulus, udah tohu obai ado boboropo urakng di antaro kaitn inyo bopandir bunyi ni'in: “Timpu Paulus ado bosamo agatn kito, io sabar. Io borani monogur kito bayo agatn surat timpu io jouh doi' kito.” Jadi, ni'in, aku muhun ko kaitn agatn sabar samo sama'an Kristus jam sabar ongko boi' hati.

2 Tesalonika 2:2

oca' kaitn co bingung huatan tokonyant aman kaitn mondinga' borito obai Tuhatn udah datakng. Mungkitn ado urakng inyo mongatoan borito nantai doi' Allah damo mungkitn borito nantai doi' pomandiran damo doi' surat. Apotolagi' mungkitn borito nantai doi' koi.

Titus 3:2

Ingant'ancam ko sia' oca' jangan monjahai'an damo urakng bukai huatan jangan botikakng. Apo sia' gola' bondar-bondar coraca'an ongko lomah-lombut agatn somuo urakng, tomansu' agatn boko urakng inyo bolupm pocayo ko Yesus.

Ibrani 10:25

Jangannam kito botongga' bokumpul sombayakng, sama'an inyo udah biaso dilabuhan boko urakng. Apo, mara kito hala monguat'an hati inyo bukainyo, lobih-lobih agi' obai kito udah tohu kinyo manah agi' Tuhatn tajahan bobali' datakng.

Ibrani 10:37

Ingantcam pomandiran inyo ditulis ni'in di Buku Suci: “Sio inyo tajahan datakng kinyo paca'an monunda'-nunda'. Kinyo manah agi', Sio datakng.

1 Petrus 1:11

Roh Kristus ado di dalapm sia'. Roh Kristus nantai momadahannyo ko sia' mongona'i pondorita'an inyo tajahan Kristus hadapi, apo lopas nian Sio tajahan dimuliaan. Jadi, boko nabi nantai monoliti ubo apo huatan sombilo kosolamant'an nantai paca'an tojadi.

1 Petrus 4:7

Boko somadikan ahir dunia ni'in udah dampikam. Obai nantai, kaitn gola' kondalian diri kaitn, ongko hala siap oca' kaitn ulih bodoa.

Wahyu 22:20

Yesus inyo momadahan somuo borito ni'in. Sio bopandir, “Au! Aku paca'an oca'mo datakng!” Amin! Datakngcam Yesus, Tuhatn.

Wahyu 22:7

Yesus bopandir, “Porotiancam! Aku paca'an oca' mo datakng. Sonang-nyamancam somuo urakng inyo monuruti boko posatn doi' Allah dalapm buku ni'in!”