Filipi 4:3 - Porjanjian Boharu Torjomahan Baso Dilakng Soari-ari

³ Ko Sunsugos, kawalku inyo sotia, aku minto oca' kolai monulukng duo urakng botina' nantai. Obai, sia' udah bogota' humpas-pulas bosamo agatn aku pakai' momboritoan Kabar Boi', samo sama'an Klemens ongko boko urakng bukai inyo bokorojo bosamo agatn aku. Somuo damo sia' ado dalapm Buku Kohidupan.

Filipi 4:3 ပူးပေါင်းရင်းမြစ်များ

Lukas 10:20

Apo lobih boi' jangan sangant rindakng obai boko roh jahat monaati kaitn. Ado alasan inyo lobih pontikng pakai' rindakng nantai obai damo kaitn udah totulis di sorugo.”

Roma 12:1

Obai somuonyo nantai, boko somadikan, ni'in aku kotakan muhun ko kaitn: Obai Allah monunju'an kasih-Nyo ko kaitn, jadi kaitn gola' monyorahan diri kaitn ko Sio samo sama'an kurbatn posombahan inyo hidup. Kaitn gola' hidup agatn caro inyo borosih doi' dosa ongko monyonangan Sio. Nianam caro inyo bondar pakai' monyombah Sio.

Roma 16:12

Salapm ko Trifena ongko Trifosa inyo bokorojo koras molayati Tuhatn. Salapm ko Persis inyo ku kasihi inyo pan bokorojo koras molayati Tuhatn.

Roma 16:9

Salapm ko Urbanus inyo bokorojosamo agatn koi pakai' molayati Kristus. Salapm ko Stakhis inyo ku kasihi.

Filipi 1:12

Boko somadikan, memang aku moalapi boboropo kosusahan. Apo, aku honda' kaitn mongotohu'i obai boko hal ni'in mombulah oca' lobih banya' urakng mondinga' ongko pocayo agatn Kabar Boi'.

Filipi 1:16

Sia' tohu obai Allah momilihku pakai' mombela Kabar Boi' tohadap urakng inyo molawatnnyo. Jadi, sia' honda' momboritoan mongona'i Kristus obai sia' mongasihi Allah ongko aku.

Filipi 1:27

Lapo ja' inyo tojadi ko aku, inyo pontikng ia'an kaitn hidup sosuai agatn Kabar Boi' mongona'i Kristus. Agatn ubo nian, aman aku ulih datakng botomu agatn kaitn damo cuku datakng ongko bayo mondinga' mongona'i kaitn, jadi aku tajahan tohu obai kaitn totap kuat pocayo. Aku tajahan tohu kaitn bosatu hati ongko bojuakng bosamo pakai' kopocaya'an inyo sosuai agatn Kabar Boi' nantai.

Filipi 1:5

Aku bosukur ongko sonang-nyamanam ubo nantai obai doi' mulonyo kaitn pocayo sampai watu ni'in kaitn bokorojo samo agatn aku oca' Kabar Boi' ulih diboritoan.

Filipi 1:7

Memang pantas aku bopikir ubo nian mongona'i somuo kaitn obai aku kotakan mongasihi kaitn. Obai, kaitn hala monulukng ku dalapm polayatan ku, ia'an nantai polayatan inyo Tuhatn onju' ko aku obai Sio honda' monunju'an kasih karunia-Nyo ko aku. Timpu aku ado di dalapm ponjara, timpu ku mombela Kabar Boi' tohadap urakng inyo molawatnnyo, timpu ku mombutian Kabar Boi' nantai bondar, kaitn hala monulukng ku dalapm polayatan nantai.

Filipi 4:2

Ko Euodia ongko Sintikhe, aku kotakan momuhun oca' kaitn bosatu di dalapm Tuhatn.

Kolose 1:7

Kaitn mongotohu'i somuo nantai doi' Epafras, somadikan inyo koi kasihi. Sio nantai kawal boi' dalapm pokoroja'an molayati Kristus agatn sotia. Sio molayati di antaro kaitn.

Wahyu 13:8

Io paca'an disombah ulih somuo urakng inyo bodiapm di bumi, ia'an somuo urakng inyo doi' mulo dunia dipulah damonyo co totulis dalapm Buku Kohidupan. Buku nantai umputn Ana' Domba inyo udah disombolih.

Wahyu 17:8

Bonatakng nantai inyo udah kolai tiat, io komainyo ado, apo watu ni'in conyiantam. Apo nononyo io paca'an ado agi' doi' Jurakng Maut. Boko urakng inyo bodiapm di bumi, ia'an somuo urakng inyo ado doi' mulo dunia dipulah damonyo kinyo totulis dalapm Buku Kohidupan, sia' paca'an hiratn moniant obai bonatakng nantai kalo ado, lalu hilakng, ongko koluar agi'. Apo lopas nantai, io paca'an dibonasoan somanah-manahnyo.

Wahyu 20:12

Aku moniant boko urakng mati bodiritn di pohadapan tahta nantai, ia'an boko urakng inyo pontikng ongko inyo kinyo pontikng. Boko buku dibuka' ongko buku inyo bukai, ia'an Buku Kohidupan pan dibuka'. Somuo urakng mati nantai dihakipi sosuai agatn tulisan inyo ado di dalapm boko buku nantai, ia'an somuo porbuatan sia' siku'-monyiku'.

Wahyu 21:27

Apo somuo inyo campah culih dibaba' mansu' ko dalapm kota nantai. Ubo nian jam boko urakng inyo molabuhan kojahatan huatan tumbukan. Inyo ulih mansu' bayo sia' inyo damonyo totulis dalapm buku Ana' Domba nantai, ia'an Buku Kohidupan.

Wahyu 3:5

Boko urakng inyo monang paca'an dikona'an pakai'an putih samo sama'an nantai. Aku co paca'an mohapus damo sia' doi' Buku Kohidupan. Aku paca'an moaku'i obai sia' nam umputn-Ku di hadapan Bopai-Ku ongko boko molekat-Nyo.