Filipi 4:18 - Porjanjian Boharu Torjomahan Baso Dilakng Soari-ari

¹⁸ Ni'in, aku udah ado somuo inyo ku pontikan, malahan lobih doi' nantai, obai aku udah monorima' doi' Epafroditus somuo inyo kaitn kiripan. Allah sonang agatn poonju' kaitn nantai inyo samo sama'an posombahan inyo bou harupm damo kurbatn bonatakng inyo Sio torima' agatn sonang hati.

Filipi 4:18 ပူးပေါင်းရင်းမြစ်များ

Ibrani 13:16

Jangan kolupatn bulah koboi'an ongko monulukng urakng bukai, obai boko hal nantai samo sama'an kurbatn posombahan jam inyo monyonangan hati Allah.

Filipi 4:12

Aku udah moalapi hidup kokurakan ongko hidup bokolobihan. Aku udah mongotohu'i rahasianyo pakai' mohadapi somuo koadaan nantai. Aman aku konyang bodamo kolaparan, aman aku ado kolobihan doi' inyo dipontikan damo kurakng,

2 Korintus 9:12

Obai, timpu kaitn molayati ubo ni'in kaitn tajahan monulukng momonuhi kopontikan boko urakng umputn Allah di Yerusalem. Apo bukainyo bayo nantai. Kaitn pan tajahan bulah banya' boko urakng bosukur agatn Allah.

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.

1 Petrus 2:5

Kaitn pan samo sama'an boko batu inyo hidup, ia'an boko batu inyo digunoan pakai' bulah Rumah Allah inyo Rohani. Sio momilih kaitn pakai' monjadi samo sama'an boko imam inyo husus pakai' molayati Sio. Jadi, kaitn gola' mombaba' boko poonju' pakai' monyombah Allah, ia'an boko posombahan rohani inyo monyonangan hati Allah obai Yesus Kristus.

2 Tesalonika 1:3

Boko somadikan, koi bosukur ko Allah obai kaitn. Cucu' mo koi bosukur obai kaitn mongkitn kuat pocayo ko Yesus. Somuo kaitn pan mongkitn mongasihi siku'-monyiku'.

Roma 12:1

Obai somuonyo nantai, boko somadikan, ni'in aku kotakan muhun ko kaitn: Obai Allah monunju'an kasih-Nyo ko kaitn, jadi kaitn gola' monyorahan diri kaitn ko Sio samo sama'an kurbatn posombahan inyo hidup. Kaitn gola' hidup agatn caro inyo borosih doi' dosa ongko monyonangan Sio. Nianam caro inyo bondar pakai' monyombah Sio.

Kisah Boko Rasul 10:4

Io kotakan gola', moniant molekat nantai. Io botakutn, “Ado la'apo Habakng?” Molekat nantai monimbas, “Kolai monyonangan Allah obai kolai sotia bodoa ko Sio. Kolai opat moonji'i duit ko boko urakng jaro. Boko hal nantai monjadi sama'an posombahan kolai ko Allah. Obai nantai, Allah moingant kolai.

2 Korintus 11:8

Timpu aku molayati kaitn, aku monorima' duit doi' boko jomaat inyo bukai. Ubonyo aku ‘mongolit’ doi' sia' oca' aku ulih molayati kaitn modas.