Filipi 4:14 - Porjanjian Boharu Torjomahan Baso Dilakng Soari-ari

¹⁴ Apo, boi' jam kaitn udah monulukng ku di dalapm koadaan uyuh ni'in.

Filipi 4:14 ပူးပေါင်းရင်းမြစ်များ

Ibrani 13:16

Jangan kolupatn bulah koboi'an ongko monulukng urakng bukai, obai boko hal nantai samo sama'an kurbatn posombahan jam inyo monyonangan hati Allah.

Filipi 1:7

Memang pantas aku bopikir ubo nian mongona'i somuo kaitn obai aku kotakan mongasihi kaitn. Obai, kaitn hala monulukng ku dalapm polayatan ku, ia'an nantai polayatan inyo Tuhatn onju' ko aku obai Sio honda' monunju'an kasih karunia-Nyo ko aku. Timpu aku ado di dalapm ponjara, timpu ku mombela Kabar Boi' tohadap urakng inyo molawatnnyo, timpu ku mombutian Kabar Boi' nantai bondar, kaitn hala monulukng ku dalapm polayatan nantai.

Ibrani 10:34

Kaitn jumpat mondorita' agatn sia' inyo ditamoan ko ponjara. Timpu kodampuan kaitn dirampas, kaitn totap sonang-nyaman. Obai, kaitn tohu kaitn ija' ado kodampuan inyo lobih boi', ia'an kodampuan di sorugo inyo tahatn somanah-manahnyo.

Galatia 6:6

Urakng inyo monorima' ajaran doi' Allah gola' monulukng kohidupan urakng inyo mongajarnyo.

1 Timotius 6:18

Poringant'ancam sia' oca' sia' bulah koboi'an. Sia' gola' banya' molabuhan porbuatan boi'. Sia' gola' onsi' agatn urakng, hala bobagi doi' kodampuan sia' pakai' monulukng urakng bukai.

Filipi 4:18

Ni'in, aku udah ado somuo inyo ku pontikan, malahan lobih doi' nantai, obai aku udah monorima' doi' Epafroditus somuo inyo kaitn kiripan. Allah sonang agatn poonju' kaitn nantai inyo samo sama'an posombahan inyo bou harupm damo kurbatn bonatakng inyo Sio torima' agatn sonang hati.

Matius 25:21

Lalu, habakngnyo nantai bopandir ko io, ‘Boi'am! Kolai hulutn inyo boi' huatan sotia. Obai nantai kolai dapat dipocayo agatn urusan inyo kocit, jadi aku paca'an moonju' kuaso ko kolai pakai' urusan inyo bosar agi'. Mara mansu'. Bosonang-sonang bosamo agatn aku!’

Roma 15:27

Agatn sonang hati, urakng bukainyo urakng Yahudi nantai bulah koputusan pakai' monulukng urakng Yahudi. Memang sia' wajib molabuhan nantai obai ubonyo sia' bohutakng ko urakng Yahudi. Masudku, urakng Yahudi ado hubukan agatn Allah ongko sia' mombagian borokat nantai agatn urakng bukainyo urakng Yahudi. Obai nantai, urakng bukainyo urakng Yahudi wajib mombagian borokat doi' dunia ni'in pakai' monulukng urakng Yahudi.

Wahyu 1:9

Aku, Yohanes, somadikan kaitn inyo sonasib agatn kaitn, inyo bosamo ajab sonsaro agatn warga Koraja'an Allah, huatan bosamo botahatn mohadapi ajab sonsaro kapikng monantian Yesus. Aku udah momboritoan Pomandiran doi' Allah ongko boko hal inyo Yesus padahan ko aku. Obai nantaiam, aku dibuakan ko sobuah pulau inyo bodamoan Patmos.

Ibrani 10:33

Sowatu-watu kaitn dihanyam huatan disiksa di hadapan urakng banya'. Kadakng pan kaitn jumpat mondorita' agatn urakng inyo dipoulahan sama'an nantai.