Filipi 4:12 - Porjanjian Boharu Torjomahan Baso Dilakng Soari-ari

¹² Aku udah moalapi hidup kokurakan ongko hidup bokolobihan. Aku udah mongotohu'i rahasianyo pakai' mohadapi somuo koadaan nantai. Aman aku konyang bodamo kolaparan, aman aku ado kolobihan doi' inyo dipontikan damo kurakng,

Filipi 4:12 ပူးပေါင်းရင်းမြစ်များ

Matius 11:29

Tuyut'i cam porintah-Ku. Bolajarcam doi' Aku, obai Aku lomah-lombut huatan rondah hati. Aman kaitn molabuhan nantai, ongko jiwa kaitn paca'an mooso sonang.

2 Korintus 11:27

Aku bosusah payah, bokorojo koras, opat kurakng tidu', opat kolaparan ongko korahakan, opat co makatn, opat kodinginan obai pakai'anku kinyo cukup.

2 Korintus 11:9

Timpu aku bosamo agatn kaitn, pas aku ado kokurakan, aku co morepotan kaitn. Obai, watu nantai, somuo inyo ku pontikan disodiaan boko urakng pocayo inyo datakng doi' Makedonia. Dalapm somuo hal, aku monjago oca' aku co kalo mombebat'i kaitn. Aku paca'an hala sama'an nian pakai' sotorusnyo!

2 Korintus 11:7

Timpu aku momboritoan ko kaitn Kabar Boi' doi' Allah, aku co minto kaitn mombayarku. Kata'an nantai salah bai? Cado jam! Molabuhan lou' ubo nantai, aku morendahan diri oca' kaitn dihormati.

2 Korintus 10:10

Aku tohu ado urakng inyo bopandir, “Dalapm boko suratnyo, Paulus momakai pomandiran inyo togas huatan koras. Apo timpu io ada'an samo agatn kito, sikapnyo lomah, huatan io kinyo pandai bopandir.”

2 Korintus 10:1

Aku ninam, Paulus, udah tohu obai ado boboropo urakng di antaro kaitn inyo bopandir bunyi ni'in: “Timpu Paulus ado bosamo agatn kito, io sabar. Io borani monogur kito bayo agatn surat timpu io jouh doi' kito.” Jadi, ni'in, aku muhun ko kaitn agatn sabar samo sama'an Kristus jam sabar ongko boi' hati.

Matius 13:52

Lalu Yesus bopandir ko sia', “Obai nantai sotiap guru agama Yahudi inyo monorima' polajaran mongona'i koraja'an sorugo nantai, samo sama'an siku' puku' rumah agatn boko bando barakngnyo. Doi' santai, io mongoluaran kodampuan inyo boharu ongko kodampuan inyo manah.”