Filipi 4:10 - Porjanjian Boharu Torjomahan Baso Dilakng Soari-ari

¹⁰ Aku kotakan sonang-nyamanam dalapm Tuhatn obai ahirnyo kaitn ulih monunju'an obai kaitn momporhatianku. Memang kaitn hala momporhatianku, apo komai kaitn bolupm ado kosompatan monunju'annyo.

Filipi 4:10 ပူးပေါင်းရင်းမြစ်များ

2 Korintus 11:9

Timpu aku bosamo agatn kaitn, pas aku ado kokurakan, aku co morepotan kaitn. Obai, watu nantai, somuo inyo ku pontikan disodiaan boko urakng pocayo inyo datakng doi' Makedonia. Dalapm somuo hal, aku monjago oca' aku co kalo mombebat'i kaitn. Aku paca'an hala sama'an nian pakai' sotorusnyo!

2 Korintus 6:7

Koi hala momboritoan ajaran inyo bondar. Koi molabuhan boko la'apo pan agatn kuaso doi' Allah. Sio bulah koi hidup bondar dihadapan-Nyo. Caro hidup koi inyo bondar nantai samo sama'an sonjato inyo koi pakai mombela diri damo molawatn urakng bukai.

Galatia 6:10

Obai nantai, huncapm kito bulah koboi'an sotiap kali ado kosompatan. Huncapm kito bulah koboi'an ko somuo urakng, hususnyo ko sosamo urakng inyo pocayo agatn Yesus.

Galatia 6:6

Urakng inyo monorima' ajaran doi' Allah gola' monulukng kohidupan urakng inyo mongajarnyo.

Filipi 1:1

Surat ni'in doi' ku, Paulus bosamo agatn Timotius. Koi urakng inyo bokorojo molayati Kristus Yesus. Surat ni'in pakai' somuo urakng husus umputn Allah di kota Filipi inyo bosatu dalapm Kristus Yesus, tomansu' agatn somuo ponotua' ongko diakon jomaat.

Filipi 1:3

Sotiap kali aku moingant kaitn, aku moucap sukur ko Allahku.

Filipi 2:30

Io hampir mati obai io bokorojo pakai' Kristus. Io rela mati somanah io mowakili kaitn pakai' monulukngku.